السلام عليكم ورحمة الله وبركاته
انا متزوجة وبحب زوجي جدا وعندي ولد منه ومخلصة ليه بالافعال لكن بالتفكير غصب عني مش قادره اتحكم في نفسي انا بصلي وبصلي القيام ودايما بذكر الله ودايما مشغله قران وبدعي ربنا في كل صلاه بالهداية وانه يكفيني شر نفسي بس للاسف بفكر في غير زوجي كتيرر لو شفت شاب في التليفزيون دحتي لو بسمع درس دين وشكله عاجبني بتمناه وفي الشارع بحاول اغض بصري لكن في ناس مبقدرش اعمل كده معاهم ببقي نفسي في حبهم ليا نفسي اعيش معاهم مشاعر الحب البرئ واحساس اول لمسة لدرجة ان غالبا احلامي بيبقي فيها كده لازم الاقي واحد بتمناه واعيش معاه ,,,,,,,,,,,,,,,,,
المشكله ان ده تاعبني جدا فوووق الخيال ومحسسني بتانيب ضمير رهيب واني بخوه زوجي مبعرفش انام من تانيب ضميري ومش عارفة اتخلص ازاي من احاسيسي دي حاولت بكل الطرق اشغل نفسي الاقيني بفكر وانا بشتغل احب زوجي لو قعدت ثواني لوحدي الافكار دي بتسيطر عليا اغض بصري وما حاولش ابص ع الناس واستغفر ربنا نفسي بتغلبني حتي وزوجي جمبي ببقي كده انا تعبت بجد
ياريت اللي عنده حل ليا يساعدني وجزاكم الله كل خير وفرج كربتكم