صباح الخير اختي العزيزه
احب انوه بحاجه مهمه انتبهي انتبهي تفصحي لزوجك عن تلك الأفكار
لان الحياه بعدها ماراح تستقيم وحيشك فيك بالطالعه والنازله وماراح يتعذب غيرك
وممكن يشوفك مفتونه ومعجبه بغيره فيحاول يعوض النقص ويبحث له عن من تنفتن به
لا تفكري اطلاقا بأنك تقولين له ...


الأمر الآخر راح نسمي هالافكار القهريه افكار غير عقلانيه
وراح نغيرها بالعلاج العقلاني الإنفعالي بتقنيات بسيطه تقدرين تتخلصين من افكارك كلها
اولا دوني افكارك لا تصيرين طايره فيها كذا لازم تعرفين الافكار هذي رغبه بإيش دونيها كما هي وانتبهي تضيع المذكره تروحين بداهيه هههه
الامر الاخر اجلسي وناقشي كل فكره هل الامر بيكون جميل قد ما انا متصورته ؟! طيب انا عندي زوج واقدر اعف نفسي معاه وانا افضل من اللي ماعندها احد
هل هذي رغبه داخليه للانتصار لنفسي لان زوجي يخوني
زوجي فقط يشاهد مقاطع ولم يمارس رذيله كي انتقم منه بالخيالات
لازم امام كل فكره غير عقلانيه فكره عقلانيه
اكيد راح ينغص علي شيء وتذكري الاشياء المنفره سواء النفسيه او الجسديه في الطرف الآخر
ودونيها امام فكرتك .. ليش قلت تدوين عشان تفرغين اللي جواتك على ورق تتخلصين منه يعني .. اخر التدوين احرقي الورقه وشقيها

نجي للعلاج السلوكي :
اول ماتجيك هالوساوس روحي صلي ركعتين كعقاب وللتقرب من الله وطلبه العون
الوسواس من الشيطان الوسواس الخناس ولانه مايرغب في انك تصلين ركعتين ماراح يكمل يوسوس لك ومع كل مره تعاقبين نفسك بصلاه وقراءة قرات واستغفار راح ينتهي هالامر تماما
في ناس ممكن تحرق يدينها بشكل بسيط بس انا ماحبذ الألم ولا اعتبره الا علاج جاهلي
ممكن الصيام والصلاه تكون عقاب ومكفر في نفس الوقت ومع التكرار وخوفك من ماقد باحق بك من صيام وصلاه راح تتوقفين تلقائيا
ممكن تحرمين نفسك من الاجتماعات كعقاب حدث وجتك الافكار وكنتي ناويه تطلعين لاهلك او صديقاتك تحرمين نفسك من العزومه كعقاب وبرضو صلات وصيام وراح تتبخر هالافكار ركزي على العقاب مو الافكارر. العقاب علاج سلوكي فوي لتدعيم السلوك المرغوب فيه ونفي غيره من السلوك الغير مرغرب

اخر امر لو عدى يوم مافكرتي لازم تكافيء نفسك عن طريق التعزيز ممكن بشوكلاته او اي حاجه بسيطه تسعدك وبعد اسبوع لا هذا انجاز كافيء نفسك بشيء اعظم اعزمي زوجك الحنون الوسيم في مطعم وتأملي حلالك وقولي الحمدلله ان هذا رزقي قد ايش فيه مميزات
اسبوعين ثلاثه بنظام العقاب والتعزيز واح تنمحي هالافكار نهائيا
اولا فرغناها وواجهناها
ثانيا اتجهنا للعلاج السلوكي بتدعيم المرغرب وعقاب الغير مرغوب

نقطه مهمه وانتي خارجه حطي ب اذنك سماعات ااي شيخ تحبي تلاوته او اناشيد تحبينها راح تنشغلين فيها عن التفكير
اذا زوجك قال مو مقصره وراح يشوف افلام ترا ممكن انو مو حاب يجرحك ممكن تطورين نفسك من الناحيه هذي وتغيري فيها والنت مليااااان فيه الف طريقه وطريقه للاشباع بين الزوجين
الله يوفقك ويعينك يارب ويلعد عنك الوسواس الخناس

__________________
أستغفر الله العظيم واتوب اليه