اختلفت مع زوجي بسبب لبسي و الآن أنا عند أهلي((مستجدات الرد 55)) - الصفحة 4

26-02-2010, 08:11 PM

ح ـور

عضو دائم

تاريخ التسجيل: Jan 2010

المشاركات: 85

الدراسه كآنت شرطي من ايام الخطووووبه وموااافق عليه ولمن تزوجناااا ودرست ترم قالي اختاري يـــآحيآتك معي والا دراستك وبعد مـآفكرت قلت حياتي اهم من الدراسه وربي اني دخلت النت وبأقدم اعتذاار بس صارت بينآ هالمشكله وحررااام اني اضحي بدراستي عشان وااحد مـآيستاهل التضحيه وقررت اني ادرس من الاحد ان شاء الله وهووو اذا عرف اني درست اكييييد بيقوول مآبيهااااا.... واكييد اني ابدرس الحين لاني مادري وش مصيري معه ...

__________________
ابي أكبر خط التوووقيع

26-02-2010, 08:14 PM

صمتي لك كلام

عضو دائم

تاريخ التسجيل: Mar 2007

المشاركات: 78

نصيحه لك اختي الغاليه بما انكم في بداية حياتكم الزوجيه لازم يكون هناك خلاف سوا كان لبس او غيره وهذا امر طبيعي

الشاهد في الكلام حاولي ترجعي لزوجك وقوليله شبيك لبيك حور بين ايديك ارضيه بكل شي وثق تماما انه مع الايام

راح تكبري في نظره وتزيد محبته لك وبعد كذا راح يقلك هو شبيك لبيك ويدلعك اخر دلع.

اصبري وباذن الله راح تكونين اسعد زوجه. واتمنالك حياه سعيده.

27-02-2010, 02:42 AM

ح ـور

عضو دائم

تاريخ التسجيل: Jan 2010

المشاركات: 85

الله يجزاكم خير والله يصلح الاحواال

__________________
ابي أكبر خط التوووقيع

27-02-2010, 06:15 AM

طوفان الاشجان

عضو نشيط جدا

تاريخ التسجيل: Apr 2007

المشاركات: 257

اقتباس:

المشاركة الأصلية كتبت بواسطة ح ـور

الله يجزاكم خير والله يصلح الاحواال

والجاااااااااااااااازي طال عمرك

بس علمينا وش صار مستجدات فيه شي ولالا

27-02-2010, 08:34 AM

روعـــــــة

شمعة المنتدى التى لاتنطفئ

تاريخ التسجيل: Sep 2004

المشاركات: 4,376

ياعمري اللي تحب زوجها منجد تحاول ترضيه بكل الطرق ..حتى لو هي ماهي راضيه في نفسها.لكن ترضيه عشان ربنا ثم عشان تدحرالشيطان وماتخليه يحضر

يعني لو قالك لاتعملي هالشئ قولي حاضر بعدين ناقشيه زي ماتبغى

بعدين فين كيد النساء

وصدقيني زوجك يحبك ويموت فيكِ لومايحبك ماغارعليكِ ولاخاف عليكِ على الأقل من العين ..

شوفي ياقمر أنا مضى على زواجي ولله الحمد كام سنه ..عقبالك ...وعندي عيال الله يخليهم ..لكن إلى

الأن مقدر ألبس

كم كت قدام الناس ولابنطلون ..هادا الشئ زوجي يقولي في البيت وبس

برات البيت ممنوع ..ممكن ألبس بنطلون مع بلوزه طويله غير كدا لأ

فستان قصير لوتطلع عيوني مايخليني ألبس ..وأنا ماأحب ألبسهافساتين الأفراح كلها لما أشتريها لازم أعمل

لها كم ..أو جاكيت قصير

أو شال ويكون متين ومايشف الجسم ..يقولي ياروعه أغار عليكِ وأخاف عليكِ من العين ..وأنا كدا أوقات

أنضرب عين خليها على ربك ..

لكن حركة التلفزيون ماكان لها داعي

يابنت الحلال إذا هو شد إنتي أرخي ..لاتخلي زوجك يغضب لهادرجه لو هو زعلانه حطي لسانك بفمك

وخليكِ عاقله ولاتردي ولاحتى تطالعي لو بشكل فظيع وتعملي شئ يستفزو صدقيني هو بيندم

ولو تبغى تتفاهمي معه بعدين لما يكون هو هادئ وناقشيه على إنو نقاش ماهو جدال وعتاب وزعل وزعيق

بحكمه وعقل وتروي

الله يوفقك

__________________

27-02-2010, 01:41 PM

العووود الأزرق

عضو جديد

تاريخ التسجيل: Mar 2009

المشاركات: 47

زين وانا اخوك ليش ما تخلين هالملابس قدام زوجك في بيتكم عشان تطلعين قدامه باحسن صورة

وإذا طلعتي برا خلي لبسك محتشم ترى الموضوع فيه جانب شرعي

27-02-2010, 02:44 PM

الرااسي

قلم مبدع

تاريخ التسجيل: Dec 2009

المشاركات: 475

السلام عليكم ورحمة الله وبركاته

أولاً أختي في الله , اسأل الله العلي القدير أن يؤلف بينك وبين زوجك ..

ثانياً أنا يا أختي متزوج ولي ثلاثة أشهر من الآن ، وحصل لي مع زوجتي نفس سالفتك بالضبط ..

طبعاً أنا من غيرتي عليها وحبي لها منعتها أن تلبس تلك الملابس وحددت لها أن تلبس القصير والبناطيل أمامي وداخل حدود بيتي فقط مع انها تكلفت كثير فيها واشترت ملابس كثير من هالنوع , لكن ما منعتها من اول يوم من زواجنا ، طبعاً في البداية حرصت انا على أن أكسبها وأتملك قلبها وبعد ذلك اوجه ملاحظاتي بشكل لطيف .. << زوجته جالسه جنبه تقرأ الله يسعدها ..

طبعاً ما توقعتها تردني خخخخ ومع ذلك ردتني وقالت طلبك مرفوض وهيك حكي وزعلنا من بعض وليه وكيف وما ابي وهيك حكي ( تعرفين دلع بنات ) ومع ذلك كنت واثق انها ما راح تردني وانها راح تطيعني , وبعد الزعل وحركات الثقل مشت أمورنا تمام ولله الحمد وطاعتني وقدرت وضعي واتفقنا انه يكون لبسها لي وفي بيتي فقط ( القصير والبنطلونات ) , وصارت امورنا تمام وهي فهمت اللي انا ابيه وانا فهمت اللي تبيه ..

فلابد يا أختي من تقديم التنازلات في بداية الحياة الزوجية وصدقيني راح تتعبين وراح يتعب بعد هو , ومو من اول مشكله كل واحد يروح بيت اهله , لا هذا غلط المفروض مشاكلكم تحلونها في البيت حتى ولو زعلتوا ولا كلمتوا بعض سواء يوم أكثر فلا تخرجون المشكله عن إطار بيتكم وشخصياتكم ..

عموماً وفقك الله وأنا حبيت أوضح ما جرى بيني وبين زوجتي وهذي هي تنازلت وأطاعتني، ورب البيت أنها كبرت في عيني بشكل كبير ..

27-02-2010, 03:02 PM

أم القسام

عضو نشيط

تاريخ التسجيل: Feb 2010

المشاركات: 192

من تجربتي الشخصيه يا أختي
لا تبقي في بيت أهلك كثيرا
أحيانا تبدأ المشكله صغيره فنسقيها بماء العناد والكرامه المزعومه فتكبر كل يوم ككرة الثلج وتتدحرج على حياتك الزوجيه لتحيلها إلى ركام
وربما تجدين نفسك في بيت أهلك الشهر والشهران وربما السنه بسبب مشكلة تافهه تعجزين عن التنازل عنها أو تصابين بالحياء فيصبح الاعتذار صعبا للغايه
هذه تجربتي سقت إليك طرفا منها فأرجوكِ لاتقعي فيها.. مؤلمه جدا

27-02-2010, 03:15 PM

زوج متمرس

عضو نشيط جدا

تاريخ التسجيل: Jun 2009

المشاركات: 406

الخطأ مشترك

خطئك أنت في غضبتك على موضوع لايستاهل مثل هذا ويجب عليك أن تتعاملي بأمر الملابس العارية بحكمة فهو زوجك وأنت عرضه وشرفه ,,

أما خطأ زوجك فهو أن يمنعك من الدراسه .. ودام أنك شرطت عليه قبل الزواج إستكمال الدراسه إذن لايحق له ,, ويجب عليكِ إستكمال دراستك حسب شرطك قبل الزواج لكن بنفس الوقت عليك بأن تسمعي كلامه بخصوص الملابس العارية ,,

27-02-2010, 06:14 PM

#10

ح ـور

عضو دائم

تاريخ التسجيل: Jan 2010

المشاركات: 85

زعلي الحين مو ع الملابس وكم مره منعني من هاللبس ولا عمري زعلت او جيت لبيت اهلي بس اللي مزعلني انه مايحترمني ويتلفظ علي بألفآظ اطفــآل اترفع عن قولهااااا بصراااحه ..

والشي الثاني انه هو اللي طلب مني اروح للآاهلي مو اناااااا يعني اذا يبيني يجي يعتذر ويأخذني واناااا مارااح اتصل فيه ولا افكر بهالشي لاني ماغلطت عليه .........

__________________
ابي أكبر خط التوووقيع

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه