|
اختلفت مع زوجي بسبب لبسي و الآن أنا عند أهلي((مستجدات الرد 55))
السلام عليكم
كيفـكــم ؟!! // مشكلتي بـــــــإختصآر ... زوجي مآيحب اللبس القصير والعآري ولبس البنآت هاليومين وانـــآ هذا ستآيلي وهذا لبسي واول مآ تزوجته (طبعآ مآشفته ولاكلمته فترة الملكه لانهم متشددين من النآحيه هذي:29:) منعني من اللبس اللي انآ جهزته قبل زواجي وطآوعته وصرت البس اللبس اللي يعجبه عند اهله طبعآ بس اذا رحت لآاهلي وخالاتي رجعت للبسي الاول بدون مآيدري >> شسوي عجزت اتأقلم ع اللبس اللي يبيه الموهيييم انو مره فتح دولاب ملابسي وشـآف فستان كنت شاريته بدون مآيدري قصير طبعآ وهذا اللي مجننه وسوا لي سالفه وسين وجيم وكلمه مني وكلمه منه وكبرت السالفه واخذ فستاني وقصصه بالمقص ورمآه ويقوولي لاتزعلين وشلوون مآازعل وهو مآترك شي بدولابي الا واخذه الزبده تهآوشنا وتلفظ علي بألفآظ مررره سخيفه ومآيقولونهآ الا الاطفال بينهم وانتم عرفتوهآ واناااا وربي مآرديت عليه بالمثل بس انقهرت لانو مآاحس انه يحترمني وهذي مو اول مره يتلفظ علي بـ هالالفآظ اخرر شي هدأت العآصفه وصار يقولي لازم تسمعين كلامي وتطآوعيني وانا اشووفه مآيستاهل اني اسوي اللي يبيه وبعد ماهدا الوضع شغلت التلفزيون وجلست اطالع مسلسل من القهرر اللي فيني وجآء ووقف قدام التلفزيزن وقلت له ابعد ابشوف المسلسل قالي لااااا وسكره وجيت ابشغله ووقف قدامي وقالي ماراح تشغلينه وكلمتي بتمشي وقربت له ودفيته وعصصب علي ويقوبي تضربيني وانا ولد عمك وزوجك وقلت له توك متلفظ علي وماحسبت حساب اني بنت عمك ولا احترمتي وقالي قوووووووومي البسي عباتك ابوديك لااهلك ورفضت ارووح معه وقالي اتصلي بأخوك وخليه يجي يأخذك وفعلآ اتصلت بإخوي وجآء وخذني وانا الحين عند اهلي من ثلاث ايـآم وانا الحين افكرررر بالطلااق لاني تعبت وربي احس حيآتنآ مآراح تستمر وكل يوم انا وهو بمشكله يعني مايمر يوم وانا مرتاحه ..... سوري طولت عليكم بس ابيكم تشوفون الصح من الغلط .. وجزاكم الله خير ... الاشراف: تم تعديل العنوان ليتضح المضمون |
يا حوريـــــــــه إستهدي بالله مشكلة صغنونه وعلى طول طلاق !!
الله يصلحك بس هو ما منعك من هالملابس إلا لمصلحتك ويغار عليك ما يبي أحد يشوفك باللبس الفاتن إلا هو وهذا حقه صح ولا !! ماراح أدخل بحكمها لأنك أكيد داريه عنه بس طاوعي زوجك وإتركيها إذا مو عشانه عشان الله مشكلتك مثل زوجة واحد من قرايبي بس الحمدلله الحين صارت تلبس الساتر .. رغم إن زوجها موب ذاك الدين ... بس يغار عليها وبقوة : ) .. وأنت صادقة تدفينه معليش اسمحيلي والله لو صكك طراق ما تشوفين نفسك إلا بالمطبخ أخواني اذا جوا يمزحون معي طيروني يقالهم يمزحون وش حال لو جادين ( الله لا يجيب هالساعة ) هدي نفسك وأدحري الشيطان وأتصلي عليه وأعتذري له |
وعليكم السلام ورحمة الله لا حول ولا قوة إلا بالله طلااااق بسبب لباس !!!! إن كان زوجك يغار عليك ولا يريدك ان تلبس هذه النوعية من الملابس امام النساء حتى لو أهلك، فهو حريص عليك ويغار وإن كان تعامله معك غير جيد وأغضبك؛ ومع ذلك استغرب ردة فعلك ومصادمتك له،،،، للأسف لم تستخدمي ذكائك كأنثى ،،، كان ممكن تقولين أبشر ما يصير خاطرك إلى طيب، ومن هذا الكلام وتمتصي غضبه ولا يستاهل خلاف بينكم وذهاب لبيتك بسبب لباس !!!! الله يهديك وما يقصرن الأخوات بنصحهن وتوجيهن لك عزوبي:22: بس:d رجل:30: |
مالي الى الدعاء لك (اللهم سخر زوجك لك ويهديه وينوردربك ويختارالي فيه خيرلك دنياوآخره..عمومآلاتتسرعين وتطلبين الطلاق فكري وخذي راي العاقل من اهلك بتوفيق ...
|
عليكم السلام ورحمة الله وبركاته
حلو اسمك ياحور إن شاء الله تسمين بنتك قريب بقولك سر .. باين عليك دلوعة وترى مارحتي بعيد عن اللي تكلمك وهذي مو مشكلة المشكلة إنك للحين في بداية حياتك الزوجية وبداية التعامل مع رجل يفــــــرق كثير عن والدك واخوانك يعني ومن الأخير يبيله شوي سياسة في التعامل لأنه واضح إنه زوجك حبوب وطيب ماشاء الله لاتخسرينه على أشياء ثانويـة في الحياة لاتعادنين ولاتتكلمين أو تتصرفين وإنتِ معصبة ! خليكِ حلييييييمة وصبورة على الأقل الآن في البداية خلي زوجك ينبسط بقوامته ومسؤوليته اسمعي كلامه وقولي سم وتامر أمر ترى راس مالها ملابس ماتسوى عليك حتى تفكرين بالطلاق ! انتبهي لبيتك ولمملكتك واغمري زوجك قد ماتقدرين بالإحترام والتقدير والمحبة وتأكدي قد ماتعطين راح تاخذين حتى ممكن بالسياسة الحلوة تلبسين اللي تبغين وهو راضي الآن الشيطان مبســــــوط إنه كبّر بينكم الزعل والغضب وماراح يهنى إلا لما تتفرقون وبعدها ماراح ينفع الندم اذكري الله وتعوذي من الشيطان وحاولي ماتخلين أحد يعرف عن أسرار بيتك وخاصة البسيطة منها ورجاء ً لاتكبر بينكم وتخلين كل من هب ودب يفتي ويقرر لحياتك حتى لو اهلك أنا اشوف زوجك ماسوى شي يستاهل كل هذا ممكن تزعلين منه وكذا لكن وانتِ في بيتكم ماله داعي القاصي والداني يعرف عن مشاكلكم الله يوفقكم ويسخركم لبعض .. |
يا أخيتي
موضوعك سهههههههههههل بالمررررررة بس شكلك صغيرة وهو متحمس بس على طيبة اول شيئ لازم تهادينة وبمجرد ما قالك شي قولي ابشر. ثاني شيئ اول ماتكونون جالسين جلسة رومنسية فاتحية بالموضوع وانتي ماسكة يدية (لازم تمسكين يدية الثنتين) . ثالث شي قولي له انا زوجتك وانا ماراح اعصيك بأي شي تبية دامك حريص علي لكن يافلان كل شي بالهداوة حلو. صدقيني بتشوفين زوجك واحد ثاني وبتذكرين كلامي وموضوعكم بسيط يا أخيتي أتمنى لكم دوام السعادة والتوفيق |
اقتباس:
|
اختي زوجك معاه حق لانو للمراة عالمراة عورة
يعني لبس الي فوق الركبة حرام وابحثي عن الحكم وياريت الادارة تدرج حكم شرعي في حدود لبس النساء اما بعضهم فخلي هالملابس الو في بيتك وفي ملابس شيك و راقية وحلوة وعالموضة بس في حدود العورة يعني مو لازم تكون فوق الركبة ليكون موضة ممكن لتحت الركبة بشوي والي فوق يكون نص نص والله حلو خلي العريان والموضة لزوجك اما لو كان يرفض هالنوع من الملابس حتى في بيتك قدامه فوقتها مشكلة فعلا الله يوفق بينكو ومافي داعي للطلاق وغلطانة انك طلعتي من البيت وهاي لسة اول زواجكو مو حلوة كان لازم تضلك ولو انو زعلانة |
شلون متعوده تلبسي خالع؟؟
والله انا نفسي استحي .. زوجك يحبك مووووووووووووووووت ويغار عليك تخيلي انا البس له بس وانحرج قال لي ياويلك ان لبستيه برى بعدين يدوخون عليك ومره بتجي اخته وبنات خواته قال لايشوفونك كذا يدوخون على شكلك وانا نفسي كنت بغير اللبس بس والله ونسني لما شفته يغار علي اختي بالعكس مفروض تفرحين من غيرته انا مرات لاحرق دمي سويت نفسي بطلع باللبس القصير ابيه يغار ويتكلم والله حلوه غيرته لاتهدمي بيتك عشان حراااااااااااااااام انتي عارفه ان فوق الركبه حرام ... لاتلبسي وطيعي زوجك لاتخلين بنات غيرك يتهنون فيه ___ اسمعي النصيحه |
يــــــآناس لايروح بالكم بعيييييد انا الحمدلله محآفظه ع لبسي ولا البس عاري ولابناطيل الا بـ بلايز طويله بس البس قصير ميدي يعني نصف الساق والبس شراب خفيف يعني مااطلع شي من جسمي >> للمعلوميه فقط
// |
| الساعة الآن 08:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©