توست بالصلصة البيضاء (تم تعديل الصور) - الصفحة 4

03-01-2010, 09:44 PM

بسمات الروح

عضو متألق

تاريخ التسجيل: Feb 2007

المشاركات: 2,208

توست بالصلصة البيضاء (تم تعديل الصور)

السلام عليكم ورحمة الله وبركاته

والله وزمااان عن قسم الطبخ

اليوم يبت لكم وصفة حلووة وطبقتها قبل ما ادرجها اهنيه

وطلعت فعلا لذيذذذذة

توست بالصلصة البيضاء:
المقادير:
-كيس توست(سليس)
-صدر دجاجة مسلوق ومقطع
ملفوف نوعين(بنفسجي+ابيض) ]انا استخدمت ابيض بس[
بصلة متوسطة مفرومة
جزرة
بهارات حسب الرغبة

مقادير الصلصة البيضاء:
علبة قشطة
ملعقتين مايونيز
4 ملاعق جبنة سائلة
جبنة شيدر للوجه (اختياري)[استخدمت المراعي]

[انا دبلت المقادير .. يعني كل شي سويته كمية مضاعفة قشطة عدد 2 والمايونيز 4 ملاعق والجبنة السائل 8 ملاعق]

الطريقة:
نحمر البصل حتى يصبح لونه ذهبي
نضيف عليه الدجاج والبهارات ونقلب فيه الى ان يتحمر قليلا
بعدها نضيف الملفوف البنفسجي ونقلبهم
ثم نضيف الملفوف الابيض والجزر المبشور ونقلبهم
حتى تختلط جميع المقادير مع بعض ونلاحظ استوائها
الحين استوت الحشوة
وهذي صورة الحشوة :

فنجي للصلصة البيضاء
نخلطهم مع بعض جميعهم القشطة (القيمر) والمايونيز والجبن السائل
الا الجبن الشيدر لانه للوجه
وذي صورة الصوص

الحين ناخد التوست ونقصص اطرافه
نجيب صينية (البايركس)
ونمسح شوي قاعته من الصوص

ونصف التوست فيه

وثم نمسح التوست بشوية صوص
ونحط كامل الحشوة عليه

وثم نرجع نصف فوق الحشوة التوست مرة ثانية
ونحط عليه الباقي من كمية الصوص نغمره
ونرش عليه الجبن الشيدر

وندخلها الفرن مدة نصف او ثلث ساعة او الى ان يتحمر

وبعدين يمي يمي الذ توست بالصلصة البيضاء راح تاكلون

جذيه:

وبس سلامتكم
اختكم : بسمات الروح

__________________

يا جابر كل كسيـــر..!

التعديل الأخير تم بواسطة gawlp ; 04-01-2010 الساعة 11:35 PM السبب: تعديل الصور

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:17 AM.

روابط سريعه