طنش تعش

الله يسعدك والله اني اكتب لك وانا ابتسم نفس الشي حصل لي

ماشفت ام العيال الا النظرة الشرعية ومرتين بالسرقة اخوها جابها لي بكوفي لان ابوها متشدد من هالناحية
ومكالمات مافيه بس رسايل ولو اكلم كاني اكلم نفسي واطفش واسكر
بس صبرك الوعد بعد الزواج والله ان تطيح الميانة واللي تشوفها قطوة ساكته وحياويه 3 شهور بالكثير تصير لبوة ان تعرمشك سوالف وضحك

الله يسعدكم جميعا
ومروكم اسعدني جدا
انا بخفف رسايل عموما
ولاحقين على بعض بعد الزواج اذا الله تمم بخير
وصحيح انا مندفع لها بشكل
لانها اول بنت احتك معها واكلمها
جزاكم الله الجنة

الاخ الفاضل
لا تلام على اندفاعك
و لكن التمس لها العذر .. خجلها طبيعي حتى لو كان زائد عن حده .. و لكن قد يوجد في غيرها من الفتيات

للامانة انا مثلها تماما من ناحية الخجل
ايضا لي صديقة كانت تحكي لي عن فترة ملكتها
مع انه شخصيتها مزوحة و فرفوشة جدا معنا
لكن مع زوجها بفترة الملكة فقط كانت تخجل لدرجة ما ترد على اتصالاته
و بعد الزواج صار العكس تعودت عليه
و صارت حياتها معاه كلها مزح و مقالب

الاخت بنت الكرام
جزاك الله كل خير
نعم انا مندفع بعض الشي ماخبي عليكم
وانتم عارفين الرجال من يكلم بنت سوا خطيبته زوجته الخ ... يندفع ووده يكسب البنت باي طريقة كانت
وانا شخصيا فرفوش واجتماعي احب اسولف مع الكل واطقطق مع فلان وعلان
سوا اعرفة ولالا
الله يلين قلبها علي
افكر بزيارة بعد الاختبارات
واجيب هدية معي وش رايكم ؟
وش افضل هدية

جب لها سوارة ذهب بألماس أو حلق 😊

مع ورد أحمر

وإن شاء الله يعجبها

طبعا لازم ورد
معظم البنات يحبون الورد
الهدية : اشوف انك تسال مثلا اخوانها الصغار
ايش اكثر شي هي تبيه و تتمناه
او تسالها هي بطريقة غير مباشرة.

الهدية بسيطة ممكن دبدوب ولا ورد ولا عطر ولا ذهب
اذا نجحت جبت لها اذا رسبت اجيب خيزرانه
منقوعه بماء مالح علشان ترسب ثاني مره
هههههههههههههههـه
الله يوفقها ويوفق جميع المسلمين

فترة ملكتنا كنّا مثلكم

كان يتصل يرسل ما أرد ألا متأخر

ما أتصلت عليه ألا مره

يطلب مني أطلع معه يزورني كثير وكنت زي زوجتك أختصر المكالمه وأرفض أطلع


تدري ليه


الخجل


صدقني هي تحبك لكنها مستحيه أول مره نسمع الكلام الحلو والغزل



حط ببالك فترة الملكه للتعارف مو للرومنسيات خلوها لشهر العسل


ربي يخليكم لبعض ويسعدكم

ربي يجيب الخير

ممكن سؤالين مهمه ؟
1-انت عرفت برجها ؟

ترى الأبراج مهمه فوق ماتتصورون لازم تعرف برجها عشان تعرف تركيبة شخصيتها كيف
طبعا بعيد عن التوقعات فقط الشخصيه
وانت ملكت يعني عندك البطاقه وتقدر تعرف تاريخ ميلادها بدون ما تسألها عشان ماتاخذ عنك فكرة اذا هي ملتزمة او شي


حتى من برجها تعرف وش تهديها ،، فيه ابراج يحبون الغالي والمجوهرات وفيه لا يحبون الرومنسي الحسي مثل العطور والورد


2- انت ترسلها واجد ؟ بمعنى آخر نشبت في حلقها 😂
فيه بنات مثلي مايحبون الغزل الواجد والكلام الكثير واللي يلزق لين ينشب وفيه العكس يحبونه لازق جدا
اذا هي من النوع الأول ترا بتنفر اذا حست انك دايم قريب وموجود وتتكلم واجد لازم يكون بينك وبينها مسافه عشان تظل تحبك وتشتاقلك

انا عانيت اول سنوات زواجي لأنه من برج وانا برج مختلف تماما هو رومنسي ويحب يسولف ويسأل كثير وقريب كثير وانا مايعجبني هالنوع لين بعدين فهمنا بعض وهو فهم وصار يسيطر على نفسه وانا احاول اتفاعل شوي مع شخصيته



الله يوفقكم ويسخركم لبعض 🌹