برود خطيبتي وعدم تجاوبها معي ):
 

السلام عليكم
ي جماعة الخير عندي مشكلة مزعجتني للاسف
انا متملك قبل فترة تقريبا شهرين
المهم زوجتي باردة بمشاعرها تجاهي وانا والله حبيتها من جد
لانها اول حب بحياتي واول بنت تدخل قلبي وهي تقول احبك نفس الكلام لكن ممكن تسلك ودي اكسب قلبها
ابيها تهتم فيني تحسسني بوجودي
واذا كلمتها تسلك لي احس ماتاخذ المحادثة اقل 10 دقايق
مع اني اقولها كلام حلو وحسابي ب الاستقرام والتويتر
يشهد لي حتى خلاتي وعماتي يقولون يابختها فيك
انا تعبت صراحة
تخيلو لحد الان ماسمعت صوتها ترفض المكالمة
ومكتفين بالواتس والكييك فقط
طبعا سالتها بعد الملكة قلت صارحيني انت مغصوبه علي قالت لاوالله عادي
مع اني اللهم لك الحمد شكلي جميل والكل يشهد واخلاقي عالية جدا
انا اشوف اخوياي واخواني مع زوجاتهم مبسوطين الله يديم الحب بينهم
واتحسر على نفسي الان وقت الملكة له لذه خاصة
وكلامي ممكن يعرفه المتملكين ودي اسولف معها تسولف معي اشكي لها تشكي لي كل شي حتى ولو لون شارع بيتهم المهم تسولف معي ماتسلك لي
وش الحل ؟
طبعا انا ماوريتها اسلوبي الثاني قسم بالله لو اوريها انها تكره عمرها
ماخذ الامور بسلاسه وبساطه ابي اكسب قلبها
انتظر توجيهكم
عمري25 سنه والبنت 21

رد: برود خطيبتي وعدم تجاوبها معي ):
 

اضافة ماعمرها كلمتني الا مرة وحدة فقط
باقي الاوقات انا اكلمها
طبعا ترد متاخر بنسبه 90٪‏
يعني ارسلها فرضا الساعه 5 العصر ترد علي اخر الليل

رد: برود خطيبتي وعدم تجاوبها معي ):
 

مابي أشكك بس واضح انها ماتبادلك نفس المشاعر انصحك
لاستعجل الزواج لين تتاكد وكون حازم معاها ترسل لها مسج العصر وترد عليك بالليل خير ان شالله!!
الحرمه اذا حبت يكون الرجل اول أولوياتها واضح انها تتهرب

الله يعينك

رد: برود خطيبتي وعدم تجاوبها معي ):
 

لا يكون خاش الاسلوب الثاني بعد الزواج.:)
يمكن ثقل او حيا او ماتبغاك تكثر مكالمات عشان ماتملون

رد: برود خطيبتي وعدم تجاوبها معي ):
 

وعليكم السلام والرحمة ..

يا أخي الكريم شهرين قليلة جدا ...
تأكد إنه ما فيه أحد ضاغط عليها من جهة المكالمات ترى أهالي كثير ومنهم أهلي ما يحبون المكالمات الكثيرة والسهر والطلعات وغيرها ..

إذا أنت أخذت على الجو والوضع بسرعة مو بالضرورة خطيبتك تكون استجابتها بنفس الوقت ... لا تستعجل باصدار الأحكام يا أخي الكريم ..

بالتوفيق إن شاء الله

رد: برود خطيبتي وعدم تجاوبها معي ):
 

اشكركم
انتظر باقي الاخوان

رد: برود خطيبتي وعدم تجاوبها معي ):
 

واضح انها تستخدم أسلوب الثقل معاك .. تبي تختبرك

انت خفف مكالمات ورسايل وانصحك انك تقطع المكالمات والرسائل فجآه .. شوف اذا هي سآلت عليك معناته الآمور طيبه ..اذا لا حط النقط عالحروف وخلك صريح معاها

الله يوفقكم

رد: برود خطيبتي وعدم تجاوبها معي ):
 

زوجتك واقعية وصادقة
اشرح لي منطقيا كيف تحبك
وهي قبل شهرين اصلن ماكانت تعرفك!
والزوجة المندفعة وتقول احبك
ونفس الشيء الرجل
بنظري كذابين !
يعني كيف تبيها تحبك بهذي السرعة ؟

وعن المكالمات ، عادي
مشكلة الواحد يتخذ حياته بتصور حياة صديقة اللي مايعرف منها الا قشورها

بالنسبة لي ايام ملكتي مكالمات الو يمكن مرتين او ثلاث
طبعا لو شغلت التفكير الخايس كنت بقول شكله بخيل بس يتكلم معاي واتس اب!!!
معليش يعني
اذا مغصوبة عليك مشكلتها اذا ما نطقت مهب مشكلتك

رد: برود خطيبتي وعدم تجاوبها معي ):
 

بخصوص اني اقطع الرسايل
سويت الطريقة ذي ممكن ثلاث ايام
بعدين ارسلت لي وينك فقدتك
ورديت عليها
طبعا سالت عني من باب الاطمنان فقط ثم قالت انتبه لحالك
اما المكالمات نسيت اضيف نقطة تقول انا ماعرف اسولف بالجوال ماعرف واستحي وتقولي لو اكلم ابوي جوال انتفض
انت لو تكلمني ممكن ابكي !! ( على اساس انا اعرف اكلم بنات ) هههههههههه
اقولها انا زوجك حلالك صارحيني باي شي
لكن دق الموية وهي مويه
وشكلي بعامل بالمثل ثقل
عن نفسي والله قلت لها ماتفرق معي لو ماكلمك لين ليلة الدخلة وقتها تخانقت معها
قالت كلمني متى ماتبي ( واتس اب )
ااااه ياقلبي لاتحزن امس مجهز لها سوالف يمكن حق ساعتين قلت ممكن ربي يفتح على قلبها لكن للاسف

رد: برود خطيبتي وعدم تجاوبها معي ):
 

طيب هي قالت لك السبب. انها ما تعرف و تنتفض و يمكن تبكي

ما اقتنعت بأسبابها؟؟




صحيح شلون ما سمعت صوتها لحد الحين. ؟