السلام عليكم ورحمه الله
صباح الخير جميعا

انا اتابع منتداكم من فتره و استفدت منه كثير جزاكم الله خير
بصراحه انا ماعندي مشكله كبيره لكن فيه امور تؤرقني واحتاج رأيكم وارشاداتكم

انا فتاه عمري 25 سنه حاصله ع شهاده عاليه شخصيتي قويه ومستقله جداااااا من ناحيه الفكر ومن الناحيه الماديه ايضا وهاذا نتيجه عملي ودراستي الصعبه ولاني نشأت يتيمه الاب كلها امور ساهمت في صنع شخصيتي ( الرجوليه ع حد تعبير اخواني )
انخطبت اكثر من مره ورفضتهم لاسباب مختلفه( الي بخيل والي كان يبني احبس شهادتي ف الدرج واصير ربه منزل ) انا مو ضد الجلوس ف البيت لكن ما احب احد يملي علي شروط او اوامر
وهاذي نقطه ثانيه اخواني الشباب مايحبوها فيني اني مستحيل انصاع وانقاد خلف احد اي كان

الى ان خطبني شاب متواضع من حيث التعليم والعمل والجميع توقع الرفض يمكن لاني سبق ورفضت شاب معاه ماجستير لكن ارتحت له سبحان الله والارواح جنود مجنده حسيت انه رجل وهاذا بحد ذاته يكفيني لاني من خلال الي اشوفه ف المجتمع داخل بيت الزوجيه مايهم انت ايش تكون برا اهم شي تكون رجل حقيقي وزوجتك انثى بحق وامرأه صالحه
(ايضا يعاب علي هاذا التفكير المثالي ع قولتهم )
الي مضايقني هي التعليقات السخيفه مثل
اول ماتمت الخطبه اختي باركت لي بحضور امي واخواتي جميعا وقالت بالحرف ( 100 % بتسيطرين عليه وبيكون خاتم ف يدك ) واختي الثانيه كانت رافضه الخطبه وقالت لي انتي نسيتي انتي ايش ؟ هو مو من مستواك التعليمي ولا الثقافي
واعز صديقاتي قالت بالحرف ( ياعزتي لك ) بمعنى انها رحمتني ع هاذا النصيب
الي زعجني هي نظرتهم المنقوصه له بدون سبب

كنت خايفه ان هاذي التعليقات تخليني اندم ع قراري لكن تفاجأت انها بالعكس تخليني اصر عليه اكثر
هل هاذا عناد فيني ؟ ولا ثقه في قراري


خاص للرجال
كثير اقرأ اذا رجل طرح مشكلته تسألونه هل زوجته شخصيتها قويه ؟
طيب وش اسوي انا كذا ولا احبذ التصنع والكذب ومستحيل ابدأ حياتي معه بتغغير شخصيتي باختصار لانه لايعقل وكثير قالو لي تصنعععععععي
ولاحظت اغلب الرجال يبون البنت خاضعه وشخصيتها مرنه يقدر يغيرها ع كيفه
واكبر مثال اخوي كان يبي يخطب وقال لي ابيها جميله وتعرف تطبخ ..... قلت له وكيف تبي شخصيها ؟ قال لي لالالالالاالا مابي وحده تحاجني بقال الله وقال الرسول عليه الصلاه والسلام
يعني يبي يكون هو المصدر الوحيد لثقافتها

ارشدوني جزاكم الله خير

اسفه طولت عليكم اعذروني اول مره اكتب شي بالنت