تعرفي، تفكيري بالزواج هو نفس تفكيرك بالزواج تقريبا .. و تقدم كم واحد يا غني او شهادته عالية و اهلي يقبلوا فيه ..
بس أنا ارفض لأني اشوف فيه شي احس ماحد شايفه ..

المهم ..
تقدم زوجي و كانت الصراحة شهادته متوسطة و غيره و غيره .. بس انه حنون و قلبه ابيض و متواضع و طيب جداً

قريباتي قالوا لاخواتي ( ايش هذا، كييييف اختكم تقبل فيه ؟ ماهو كفؤ لها ..)
لانه قريباتي اهم شي عندهم الفلوس و المركز و المنصب و مو مهم الدين و الأخلاق .. و هم تزوجوا الناس الاغنياء
او اللي متوظفين وظايف عالية ..

بس سبحان الله.. تعدي كم سنة و يظهر معدن كل شخص ..
اللي قالت عن زوجي انه غير كفؤ .. خلعت زوجها لانه طلعت عنده عيوبه أخلاقية و دينية و سرق فلوسها
و اللي وقفت ضدي بالزواج هذا و قللت من شأنه لانه حالته المادية ضعيفة، تقول ليت يوم زوجي يقول لي مرة وحدة بحياته ( حبيبتي ) ..
و يحن علي و يعطيني كلام حلو .. أنا ما ابغى ذهب ووالماس .. طفشتتتتتتت عايشين كأننا إخوان ..

النتيجة ..
انه بمرض امي .. بان معدن زوجي قدام امي و حبته كانه واحد من أولادها ..
و ماحد نفع امي من ارحامي مثل زوجي و لدرجة انها تخجل طول عمرها تطلب شي من ازواج أخواتي
بس مع زوجي كانت من جد تعتبره ولدها و صارت توصيني عليه ..

طبعا كل واحد عنده عيوب، بس عيب عن عيب يفرق الصراحة ..

و زوجي عاجبته شخصيتي المستقلة و يعجبه عنادي مرات ..
فمو كل الرجال واحد .. *