إلى متى .......!؟؟
السلام عليكم ورحمة الله ويركاته ..
هالمره بااكتب موضوعي بالعااامي يمكن انها توصل لبعض العقول بشكل اسرررع واوضح ..
واوجهه كلامي لبعض الاخوات ( النساء ) ..
اذا وحده فيكم مرت بتجربه فاشله ولا مو سعيده مع زوجها .. ولا لها قريبة وعزيزه عليها وزوجها ظلمها
ليش تجي وتحكم على الازواج هنا الحاضرين ( الاخوه هنا ) .. او الغائبين ( ازواج الاخوات ) من خلال
هالتجارب اللي مرت فيها .؟؟. كأنها تبغى تبرد كبدها من خلال ردها ,,؟
ليش محولين المنتدى لجلسات حريم وطق حنك ..؟
اصلا كل الرجال كذا ...؟
والله الرجال مايبان بعينهم شئ ايش ماسويتي ..؟
هذا هم الرجال ياخذونك لحم ويرمونك عظم ..؟
ليش هالتعميم ... بدل ماتحلون المشكلهم تزيدونها ...؟
والمصيبه انها تحكم من غير ماتستفسر اكثر عن المووضوع ...؟
من غير ما تشوف المشكله بشكل اوسع ..
واذا كُتب رد عقلاني بعيد عن العاطفه قلتو مثاليه ...؟
اجل نكتب ايه طلاقها .. لالا زوجها ذا مافيه طب ابدا
اسحبي عليه اصلا كل الرجال كذا ..
عز الله خربت بيوت خلق الله
وش هالقلوب اللي مستعده تتحمل ذنب غيرها ...؟ ماادري كيف تنام وقلبها مرتاح وهي كاتبه
طلقها ولا زوجك فيه وفيه تشحن الزوجه على زوجهاا ..؟؟ ياربي رباه بس ...
ولاتنسون فيه ناس تقرا وممكن تتاثر بكلامكم .؟
(استثني طبعا المشاكل الواضحه تماما وفيها ضرر وان كنت ارى الطلاق يترك لصاحب الموضوع )
كمان كثرة التحسب والدعاء على الزوج واهله .لو في موضوعها نمشيها موضوعها وهي
حره تبغى تفضفض مسموحه ..
لكن حتى بردها على مواضيع الاعضاء ..؟!
مابين هرجه وهرجه الا القى دعاء عليه ..؟ بمناسبه وبدون مناسبه ..؟
قسم بالله شئ يجيب الاكتئاب ..
يختي شايله بنفسك على زوجك ولا اهله افرشي سجادتك وقولي اللي عندك
اما تحولي المنتدى لمناحه ليييييش ..!؟ فيك طاقة دعاء على الخلق ادعي على
الصهاينه ادعي على اعداء الاسلام ..
يااخوات استفيدوا من اسلوب وطريقة تفكير الاخوه والاخوات هنا والحمد لله الذي
جمعنا بهم ..
طوري من نفسك ... وسعي مداركك ...
اذا مانفعتي نفسك فلاتضري غيرك ....!
__________________
اللهم أجمعني مع أحبتي في الفردوس الأعلى من الجنة ،،
[IMG]http://im67.***********/mg87DX.gif[/IMG]
[img]http://im81.***********/aTanJF.gif[/img]
التعديل الأخير تم بواسطة أعماق ; 29-08-2011 الساعة 09:47 AM
29-08-2011, 09:36 AM
ضوابط المشاركة
العرض الشجري