|
إلى متى .......!؟؟
السلام عليكم ورحمة الله ويركاته .. هالمره بااكتب موضوعي بالعااامي يمكن انها توصل لبعض العقول بشكل اسرررع واوضح .. واوجهه كلامي لبعض الاخوات ( النساء ) .. اذا وحده فيكم مرت بتجربه فاشله ولا مو سعيده مع زوجها .. ولا لها قريبة وعزيزه عليها وزوجها ظلمها ليش تجي وتحكم على الازواج هنا الحاضرين ( الاخوه هنا ) .. او الغائبين ( ازواج الاخوات ) من خلال هالتجارب اللي مرت فيها .؟؟. كأنها تبغى تبرد كبدها من خلال ردها ,,؟ ليش محولين المنتدى لجلسات حريم وطق حنك ..؟ اصلا كل الرجال كذا ...؟ والله الرجال مايبان بعينهم شئ ايش ماسويتي ..؟ هذا هم الرجال ياخذونك لحم ويرمونك عظم ..؟ ليش هالتعميم ... بدل ماتحلون المشكلهم تزيدونها ...؟ والمصيبه انها تحكم من غير ماتستفسر اكثر عن المووضوع ...؟ من غير ما تشوف المشكله بشكل اوسع .. واذا كُتب رد عقلاني بعيد عن العاطفه قلتو مثاليه ...؟ اجل نكتب ايه طلاقها .. لالا زوجها ذا مافيه طب ابدا اسحبي عليه اصلا كل الرجال كذا .. عز الله خربت بيوت خلق الله وش هالقلوب اللي مستعده تتحمل ذنب غيرها ...؟ ماادري كيف تنام وقلبها مرتاح وهي كاتبه طلقها ولا زوجك فيه وفيه تشحن الزوجه على زوجهاا ..؟؟ ياربي رباه بس ... ولاتنسون فيه ناس تقرا وممكن تتاثر بكلامكم .؟ (استثني طبعا المشاكل الواضحه تماما وفيها ضرر وان كنت ارى الطلاق يترك لصاحب الموضوع ) كمان كثرة التحسب والدعاء على الزوج واهله .لو في موضوعها نمشيها موضوعها وهي حره تبغى تفضفض مسموحه .. لكن حتى بردها على مواضيع الاعضاء ..؟! مابين هرجه وهرجه الا القى دعاء عليه ..؟ بمناسبه وبدون مناسبه ..؟ قسم بالله شئ يجيب الاكتئاب .. يختي شايله بنفسك على زوجك ولا اهله افرشي سجادتك وقولي اللي عندك اما تحولي المنتدى لمناحه ليييييش ..!؟ فيك طاقة دعاء على الخلق ادعي على الصهاينه ادعي على اعداء الاسلام .. يااخوات استفيدوا من اسلوب وطريقة تفكير الاخوه والاخوات هنا والحمد لله الذي جمعنا بهم .. طوري من نفسك ... وسعي مداركك ... اذا مانفعتي نفسك فلاتضري غيرك ....! |
لا تظلموونه
فدييتك يابنت احسك تكتبي بحرررقة .. ربي يجزاك كل خيير ومشكوورة عالنصيحة ووالله اتفق معك بكل كلمة بس اسمحيلي اضيف شي بسيط .. اذا لامستك المشكلة المطروحة لا ترد سريعا .. بل اقراها و اقفل الصفحة وعد بعد فترة و اقراها و اكتب ردك .. لانه في اغلب الوقت نقع تحت تأثير العاطفة .. فتخرج الكلمات الغير منطقية اعط نفسك الوقت الكافي قبل الرد .. ومشكوورة حبيبتي |
ما شاء الله لا قوة إلا بالله...
بارك الله في حروفك... كنتُ أود الكتابة عن هذه النقطة خصوصاً لكن قمتِ بالمهمة على أكمل وجه. ::: هذه من أكثر الأشياء المستفزة لي حينما أجد لغة الغضب والانفعالية في لهجة البعض هداهنّ الله، وأعلم أن خلف هذه اللهجة أسباباً خفية أو بيّنة، لذا أجدني أبتسم أن رأيت رداً على هذا النحو. وإني والله أعذر من يأتيني من الرجال ويقول لي: فلانة خربت زوجتي، أو فلانة حرضت زوجتي... أعذرهم لماذا؟ بسبب ما أسمعه وأقرؤه من ردود بعض النساء. ::: أختي الكريمة/ يا ليت أن تسخّري قلمك لتصحيح هذه الظاهرة، والرد عليها بين النساء سواءً بين مجتمعات النساء هنا أو في الحياة الفعلية الواقعية. |
لا فض فوك ..... كلام قوي جداً ..... و أن كنت أعرف زميلات زوجتي من تصرفاتها ... فإن كانت طيبة ... عرفت أنها مشت مع فلانة الطيبة .... وإن كانت حركاتها سيئة .... عرفت أنها مشت مع فلانه السيئة .... فيه حديث للرسول صلي الله عليه وسلم قال " ملعون من خبب إمرأة علي زوجها "
أتمني أن يصلح الله رأي كل مسلم ومسلمة ... |
كلام سليم
الانسان نفسه يتغير مع السنين وفكره بعد 5 سنوات يختلف جدريا عن تفكيره قبله فكيف انسان اخر؟ تعميم وتنزيل للتجارب علا الواقع ما جاب الا الدمار |
لا فض فوك أختنا لا تظلمونه لكن يا ليت لو انك وجهت الخطاب للجميع رجال ونساء ولم تخصينا به ، لأني أرى أيضا رجالا بالمنتدى يعممون تجاربهم السيئة على جميع أخواتنا .. الله يهدي النفوس |
يمكن مخربطه بالمنتدى
الاخوات هنا بسم الله وما شاء الله ما حسيت احد يحرض احد على الثاني مع انو بعضهم يكون ازواجهن يستحق الجلد او الحرق وتكون الردود اصبري استغفري اطرقي باب الرحمن بعد الساعه الثانيه فجرااا حراام والله الاعضاء هنا كلهم طيبون وطيبات |
اقتباس:
انا بالمنتدى من زمان .. اغلب الردود النسائية مافيها ولا شي من الي ذكرتي بنيتي حكمك على اقلية .. وماكان فيه حيادية بطرحك للاسف .. |
اقتباس:
ولو غلطنا مره مانحاول نكرره .. الله يجزاك خير على النصيحه الطيبه وكلنا نستفيد ونتعلم من بعض ونسعى للافضل للمنتدى وللجميع .. |
كلام سليم
|
| الساعة الآن 08:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©