من اجمل الردود

شكرا اختي على كلامج الجميل

ولكن انا ابحث عن البنات بكل الطبقات
لا اميز طبقه عن اخرى


ممكن مالها دخل في الموضوع ولكن انا من مناصرين ومدافعين عن حقوق الخدم

فمستحيل اني اميز طبقة عن اخرى واللي تقدمت لهم كانو من كل اطبقات منها الغنيه ومنها الفقيره والسنيه و الشيعيه كلهم نفس المطالب وكلهم رفضوا

ابيها غير متحجبه





كون ابي شخصيه مشهوره في الكويت بأنها شخصيه تمثل حقوق الأنسان فرع الكويت والحركه الليبراليه

بس كوني متفتح في اشياءبسيطه وهم يرونها في منظور ثاني و يشككوني حتى في ديني و ولائي لربي

شنو السبب اللي يمنع انك تتزوج وتكون فري مع مرتك وتمارسون مثلا هوايت الغوص مع بعض وتسافرون ومغامرات حلوه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ




إذا عرف السبب بطل العجب أنت تفتقد لهويتك الإسلامية الحقة إسلامك مميع حسب أهوائك

لست أقول هذا الكلام جزافا بل بناء على ماكتبته أنت عن نفسك فأنت لا تريد محجبة

والحجاب واجب شرعي وليس بوسع المؤمن قبوله أو رفضه فلسنا ممن يؤمن ببعض الكتاب ويكفر ببعض قال تعالى في سورة الأحزاب

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا




أما حجتك فهي واهية بل أوهى من بيت العنكبوت فوجود من يطبق الحجاب بشكل خاطئ

لا يعني أن نرفض الحجاب بل نرفض التطبيق الخاطئ له

والحمد الله مازال في الناس خير ومازال هناك من يطبق الحجاب بشكل صحيح قلبا وقالبا




ودليل تخبطك وضياع هويتك عدم تفريقك بين السنة والشيعة مع أن الفرق بينهم مثل الفرق بين السماء والأرض
بل يصل أحيانا إلى الفرق بين لإسلام والكفر



الأسلام جاء ليكفل للجميع حقوقهم وليس بحاجة للدفاع عن حقوق من هم تحت مظلته إلا به
فلا لبراليه ولا غيرها ستحفظ للمسلمين حقوقهم مثل ما يحفظها لهم دينهم الحق


أنت لا تستطيع تقييم نفسك لأن الموازين لديك فيها خلل واضح فما تراه أنت تفتح في أشياء بسيطة قد لا يكون كذلك

لا أحد يستطيع منعك من ممارسة الغوص مع زوجتك بعيدا عن أعين الأخرين ولست مضطرا للزواج بغير محجبة لتمارس هذه الهوايه أوغيرها

نصيحة أعد النظر في نفسك واعرضها على كتاب الله وسنة رسوله صلى الله عليه وسلم

وحدد مكانك منهما ثم أعد صياغة متطلباتك في زوج المستقبل

تحياتي

بما اننا من ديرة وحدة فاسمع كلامي يا اخوي عدل


اذا اردت ان تطاع فاطلب المستطاع

راح اجاوبك على شكل نقاط افضل

1.مو معقول يكون زواج بدون عرس حتى الاجانب يوون عرس،، والحين غالبية الناس يكون العرس على اهل العروس اذا كانوا يبون عرس على مستوى فهم اللي بيخسرون مو انت



2. ليش البنت تعتمد على نفسها،، وانت شنو دورك بالزواج؟؟ افا بس افا يا ولد ديرتي ،، بالعكس حلاة الريال يكون هو سند وظهر للمراة،، والا المراة ضعيفة،، والاجانب عادهم انت حريم،، انا الصراحة اشوفهم اقرب الى الاسترجال اللهم يهديهم



بعدين ما يصير يا اخوي تقارن مجتمعين ببعض

مجتمع تسوده العادات والتقاليد السامية ومجتمع متردي ما يسوده الا شريعة الغاب والبقاء للاقوى


3.. بالنسبة لزملائك اللي ما يمدحونك،، تبيهم يجاملون الناس يعني،، ما يصير وانا اختك ،، هذي امانة ولازم يقولون الصج

يعني فرضا لو كنت عصبي تبي الناس يقولون لا والله الولد هادي،، هذا كذب وما يصير


4. ليش مستخسر فينا 7 الالاف انت دارس برة واكيد معاشك راهي ،، والكويت ما تقصر معانا،، فليش التزمت بالفلوس



5. النقظة الاهم اكيد راح تلقى بس انت دور عدل عدل عدل


هذا اللي عندي وعسى الله يوفقك

__________________
لا اله الا انت سبحانك اني كنت من الظالمين

اخوي طول ما انت حاطط ها الفكرة في بالك عن المجتمع الي انت عايش فيه الحين
ماراح تتزوج في البنت الي تبغاها وحتى لو لقيت بنت في المواصفات الي انت تريدها صدقني راح
تبحث عن اي عيب فيها عشان تتركها
المجتمع الغربي الي انت تربيت فيه يختلف عن المجتمع ولا تقارن الغرب با العرب
هم لهم عاداتهم ونحن لنا عاداتنا وتقاليدنا ومافي احد احسن من احد
انت اذا تبغى تتزوج كويتيه لازم تقدم تنازلات عن مبادئك الي تعلمتها في الغرب
ونفس الشي اعتقد لو شخص خليجي حاب يتزوج بوحده من الغرب لازم يقدم تنازلات عن عاداته ويحاول يتئقلم مع المجتمع الاخر
انت مشكلتك مو في الزوجة مشكلتك في تئقلمك مع الوضع هذا
وايضا ً مشكلتك الاخرى انك تفكر في الناس وايد ,, واعتقد انك انت عندك مقومات انك تكون ناجح في حياتك
وتختار لك الزوجة المناسبة لك
يعني رحت وعشت لحالك وبنيت نفسك هذه اشياء مو بسيطة
فلا تحط نفسك في قالب الفاشلين والمتحبطين ,, اذا على الزوجة تقدر تلقى الي انت تبغاها لو اردت ذلك
وحط في بالك انو شرط اساسي في الزواج هو انك لازم تقدم تنازلات وتكون مقتنع فيها
ثاني شي احب اقولك اياه
انو العيب مو في المجتمع الي عايش فيه ,, المجتمع هذا له سلبياته وله ايجابياته
العيب فيك انت انك مو قادر تستوعب هذا المجتمع ,, ولو انت فعلا ً مش قادر على هذا المجتمع
نصيحه لك لا تحتك فيه وايد لانك انت الي راح تتعب وانت الي راح تخسر
والغرب عندهم شي جميل الي هو احترام الغير واحترام ثقافات وحريات الغير ,, والمفروض يكون هذا الشي عندك
فيا اما تقبل بهذا المجتمع مثل ماهو او ترجع للمجتمع الي انت تئقلمت عليه

اما قصه المهر غالي ودلع الخليجيات ,, هذه اوهام لا تحط نفسك فيها الي يبي الخير يسعى له وراح يلقاه

اتمنى لك التوفيق اخوي
ربنا يزوجك ان شاء الله با الزوجة الي تسعدك
^_^

__________________
::: لا تقنط من الواقع فإصلاح الموجود خير من انتظار المفقود :::

اخي الكريم
انت من اي كوكب ياي؟؟؟؟؟؟؟؟؟؟
والمهر والشبكه والعرس هذي من تقاليدنا واعرافنا يعني من طيب البنت اذا تنازلت عن شئ منهم اما سفره وخدامه....الخ اول مره اسمعها منك والحمدالله عندنا بنات ناس وايد يبون الستر موهمهم المظاهر وليش معطي صورة عن الكويتيه انها ساذجه بس همها الشكليات لايبه بناتنا زينات بس انت يااخي ياي بفكر غربي تبي البنت على المقاس ومتحرره فالاحسن اخذ اجنبيه صدقني هي الي تناسبك

الصبر حلو ... واذا لا سمح الله تعسرت بالنهاية تقدر تتزوج من دولة مسلمة ثانية ولا يصير عندك تمييز عنصري بين البلدان

عندي سؤال ... تقدمت لكم بنت ؟؟؟

ربي ييسر لك ...الجأ لرب العباد وادعي ربنا .. ما خاب من لجأ له جل وعلا

الله يهديك يا أخوي..

............

ما يلام زملاءك في العمل على بعض تصرفاتهم ..


أنت محتاج لإصلاح نفسك قبل مسألة الزواج،، أتمنى لك التوفيق.

وانظر مشاركة الأخ أو الأخت ( شاطىء المحبة )

الرسول الكريم اوصى بذات الدين
لكن اذا موقعتنع ببنات الكويت
حاول تدور على كويتيه كملت دراستها برا وخاصه نفس الدوله اللي كنت فيها عشان تكون عاشت في المجتمعين فتقدر تفهمك
الله يوفقك

اذا الحكومه تعطيك اربع الاف للمهر انت من نفسك ما تزيد عالاقل الف.

بعدين شدعوه. شدعوه خادم وسايق من اول شيء هذول ناس مو صاحيه الي انت رحت لهم.

وعلى طاري الي ما مدحوك بالدوام اكيد شافو منك تصرف مو زين وبناء على هالشي ذموك. عفوا او اهو تصرف عادي عندك والي وياك بادوام ما تقبلوه.

وشغله ثانيه انا اعرف بنات لكويت اكثر منك والله الاغلبيه يدشون المطبخ.
وين قاعدين البنت تحط شرط ما ادش المطبخ.

بعدين صج يبه الناس طبقات اخذ وحده من مواخذك بترتاح وتريحها مو تاخذ وحده من قصر وتعيشها بجحر

وسلامت قلبك