|
هل استطيع ان اتزوج ؟
بسم الله الرحمن الرحيم
مشكلتي معقده انا شاب عمري 22 سنه قليل الاحتكاك مع الناس الخليجيين ككل دوامي في اليل ف حياتي عكس الناس ومشكلتي بدأت عندما بدأت افكر اني ابحث عن شريكة لحياتي ف انا قصير...طولي تقريبا 158 ملامحي وشكلي جدا صغير ومطالبي في شريكة حياتي معقده ف عندما رجعت للعيش في الخليج استغربت من المهر العالي و مطالب البنات للزواج ومطالبهم غير مسؤوله وبنائه بل فقط للأستعراض والتباهي ف انا ضد منهج العرس و عندما بدأت ابحث عن بنت للزواج واخطبها وتبدأ النظره الشرعيه مع حوار بسيط فأكتشف بأنه البنت غير مناسبه لي وعادات وتقاليدي ممكن منفتحه اكثر من الناس الخليجيين عموما اتمنى ان احد يعلمني على مطالب البنات في هذه اليومين ولكن المطالب الصحيحه من المهر ؟ ومن مطالب الحياة الزوجيه ؟ ------------------------------------------ انا كويتي وكنت عايش في الخارج وحتى الملابس الرسميه الخليجيه ما اعرف البسها واستغربت ان الناس معاي في الدوام لا يمدحون فيني عندما يسألون عني في الخطبه ؟!؟! انا مستغرب من اشياء كثيره في ديرتي وماني عارف هذي اشياء طبيعيه والكل عايشها ولا فقط تحصل معي ؟؟ ومن ناحية ان الموضوع داخل على بعضه ف انا اسف لأني اواجه مشكله في الطباعه للغه العربيه و طريقة سرد وطرح المواضيع في اللغه ف سامحوني ... وممكن لو ماكان في شي واظح انكم تسألون عنه لكي اوضح له |
اخوي الي فهمته انك كويتي هل تريد فتاه كوتية يعني
وايش المواصفات المعقدة الي تكلمت عنها ياريت توضح؟ وايش يعني ضد مبدأ العرس؟ |
اهم شي تعطيها المهر والشبكه بس هذي الاشياء وقت الخطوبه..بعد الزواج يمكن السكن..وغيرها
اتمنى اني افدتك |
والله ما اقدر افيدك ما عندي فكره عن عاداتكم بالكويت
|
طبعا تطلب من امك تشوف لك بنت حلال تخطبها ونظره شرعيه بعدها راحه او لا
صراحه حسستني اننا بشر من كوكب المريخ! عاداات الخليجين في اعتقادي معظمها رائعه ومقبوله ماهو التغيير الذي جعلك تشعر ان الحياة تغيرت في غضون سنوات سنوات دراستك اقصد! وماله دخل التفتح برفضك ممكن يذمونك لانك شايف حالك وماختلطت فيهم كونك تستغربهم!! طبيعي مايمدحونك وانت تشوفهم كائنات غريبة الاطوار خل البساط احمدي وبلا حياة تغيرت وبلا حاجات غريبه |
اقتباس:
المواصفات اي انها حالها حال بنات العالم تكون معتمده على نفسها. يعني في الخارج البنت تعتمد على نفسها و تطبخ و تتحمل المسؤوليه انا مصدوم من واقع الكويتي البنات في الكويت مستحيييل ان تدخل المطبخ.... 100% من اللي تقدمت لهم كانت شروطهم :: سايق خدامه شقه او بيت وسياره وسفره كل سنه !! :29: يعني شروط تعجيزيه !!! وطبعا لازم اكون بليونير عشان اوفر كل هذا الشي !!! من ناحية شروطي انا ! ابيها غير متحجبه تدرس كفؤ للمسؤوليه من ناحية العرس في الوطن العربي مملوئ في الحقد والكراهيه والحسد وانا شخصيا اخاف من هذه الأشياء انا اعتقد بأن المال لو انصرفت على حفله خاصه صغير بين صديقاتها و السفر راح تكون افضل |
أخي الكريم
هذي عادات الاغلبيه في الخليج لازم مهر وعرس مومعقوله حتئ في الخارج لازم في عرس اذا كنت متضايق من عاداتنا ليش ماتزوجت اجنبيه ايام ماكنت في الخارج وبنسبه للطول عادي الرجل بأخلاقه ودينه والدوام في الليل اشكوئ لله هذا مصدر رزقك الله يوفقك ويسهل امرك |
اقتباس:
ابتداءً من 7 الاف دينار كويتي غير الشبكه ؟!؟ يعني ما اقدر استوع اشلون كل الناس تزوجت ؟؟ وبعدين يشكون من التزاماتهم مع البنوك والقروض !! |
[QUOTE=bodii;2522952]نعم حاب اتزوج من فتاة كويتيه
المواصفات اي انها حالها حال بنات العالم تكون معتمده على نفسها. يعني في الخارج البنت تعتمد على نفسها و تطبخ و تتحمل المسؤوليه انا مصدوم من واقع الكويتي البنات في الكويت مستحيييل ان تدخل المطبخ.... 100% من اللي تقدمت لهم كانت شروطهم :: سايق خدامه شقه او بيت وسياره وسفره كل سنه !! :29: يعني شروط تعجيزيه !!! وطبعا لازم اكون بليونير عشان اوفر كل هذا الشي !!! من ناحية شروطي انا ! ابيها غير متحجبه تدرس كفؤ للمسؤوليه[/ QUOTE] اسمحلي اخوي كلامك استفزني يعني مومعقوله كل اللي تقدمت لهم هذي شروطهم فيه ناس تخاف الله ويبون الستر بعدين من قالك ان بنات الكويت مو كفو مسؤليه الا كفو والنعم بهن مع اني سعوديه بس حال الخليج واحد فيه الصالح وفيه الطالح ارجو بأن لاتكون من شبابنا الذين غسلت الاجنبيه عقولهم والله يهديك |
اقتباس:
اتمنى تكون بسهولة كتابتج للرد المشكله المطالب خياليـــــــــــــــــــــــه |
| الساعة الآن 07:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©