الأخ الرسمي والأخت شقرديه ما قصروا ولا يهونون البقية
ولكن هالاثنين كتبوا اللي في بالي واقولك اختي استعيني بالله وشمري زوجك يعاني ويقولك سكري الجوال لأنه لا يستطيع التحمل نفسيته تعبااانه لذلك وقت ما تشوفينه مو تمام ابعدي عنه بهدوء لأن فيه شي يوزه على الشر وأحيان ما يقدر يتحمل وممكن تقع المصيبة لا سمح الله لكن عليكم الإتفاق ,,,,, في أن ترقيه وهذا مهم وهو لازم يصبر وتذكرينه انه بدون الصبر لن يرتاح وبقولك بعد لا تشدين انتباهه لقريبته هذي أبداً ,,,,, الخوف من تعبه يضعف لهم ويصير شي ما تبينه واقرأي القرآن بنية صادقة وقلب مؤمن وقوي لأن الإخلاص مهم جداً في حالتكم وكمان الأذكار بقلب صااااااادق وتقولينها بتأني وتدبر وإذا حصنتي نفسك خلي نيتك بعد تحصين زوجك وبيتك إذا أكثر زوجك من التسبيح والإستغفار بتتحسن نفسيته لكن كل يوم بيومه والله الله بالدعاء وحسن الظن بالله فرج الله همكم ونصركم على عدو الله وعدوكم ورد كيد الكايد في نحره وجعل تدبيره تدميره وحمى الله المسلمين والمسلمات من هذا الشر |
الله يكون في عونك
شغلي سور ة البقرة في البيت واقريها انتي و زوجك لازم تروحي عند شيخ او حد يرقيكي انتي وزوجك كتري من الصدقات (اللقم بتطرد النقم) الله يشفي زوجك يا رب |
ابعدي اي صورة للارواح بالغرفة..
و قبل لاينام حصنيه وخليه يقرا قبل النوم جزء بسيط من القران...... .وحاولي ترقيه بنفسك وشوفي يمكن يستجيب للرقيه وساعتها اقنعيه تروحو لشيخ يرقيه وربي يشفيه. |
اسأل الله لكم العافية والسداد ياأخية الكلام لايجدي انتي عليك بالعمل لاتقولي لااستطيع اتكاسل او انام هذا من فعل الشيطان يريد ان يصدك عن ماينفعك ضعي لك برنامج يوميا وقومي بتطبيقه مثلا عند الصباح وعلى الريق خذي انتي وزوجك 7تمرات عجوة ان لم يستطع خفضي العدد بحيث يكون فردي عند النوم خذي انتي وهو ملعقة عسل وتدهني بالزيت المقري فانه له وقع شديد وان استطعتي تشربي منه فهو خير وبركة ان رفض يتدهن حاولي عندما ينام ان تمسحي على اسفل ظهره وبطنه وصدره بقليل من الزيت بحيث لايحس
واجعلي ماء الشرب مقري فيه بحيث اذا كان عندك برادة اما ان تقراي في الجالون مباشرة الرقية فيه او ان تحلي ورق العزائم المعروفة عندنا مثل رقية ابالخيل فهي ممتازة ومجربه في اناء به ماء وعند مضي نصف ساعة تقومي بازالة الورق وتضعي الماء الذي في الاناء على الماء الذي في الجالون بحيث يصبح شربكم كله منه وتاخذين جالون ماء زمزم وتضعي فيه 7ملاعق خل و7ملاعق ملح وعلبة ماء ورد وتقراي فيه الفاتحة 7مرات والمعوذات واواخرسورة البقرة والرقية الشرعية وماوردفيها من ادعية وترشي البيت كل 3ايام من هذا الماء واكثري عند الزوايا ومداخل البيت استمري على هذا الوضع وباذنالله ان لاترين بأس وانصحك بكتاب كيف ترقي نفسك واهلك لشيخ عبدالله السدحان والله ان اناس اعرفهم تحسن كثير من بعد الاستمرار عليه زوجة اخي اصابها اورام وخرجات في الثدي وعملوا لها عملية 3مرات كل مره يرجع الخراج من بعد ماقرأت الرقية التي في الكتاب الرقية المتوسطة بعد الفجر وقبل المغرب الان من بعد فضل الله لايوجد اثر للخراج هذي تجربة سردتها لك لعل ان تعطيك الهمة وتبداين بنفسك قبل ان تتندمي عند ذلك لاينفع الندم |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|