السلام عليكم ورحمة الله وبركاته

يا اخي قرأت مشاركتك كثيراً

و هنالك بعض النقاط الغامضة


هل لحماتك علاقه بهذه المشكلة؟؟

بصراحه هذا الخطاء يقع فيه كثير من الرجال وهم يساندون زوجاتهم على التمادي ... انت كزوج لديك أب الزوجة او وليها الذي يقف بوجهك إذا قصرت نحو الزوجة أو ظلمتها وانت من ينصفك ... ايضاً ابو الزوجة او وليها هو من ينصفك اذا اخطأت الزوجة بحقك فهو انسب شخص يقوم هنا بدور الحكم .... أذ ان أب الزوج ان كان من النوع الذي ينقاد وينساق بسرعه لكلام زوجته وبناته في اغلب الأوقات لا يصلح المهم واحد من الطرفين يقف بشكل حيادي ليصلح بينكما ...

طيب معظم النساء اذا وجدة ان اب الزوج يقف بشكل حيادي فهي تبدء بستمالته حتى يقف بصفها والتأثير بقلب الأمور والكلام ... خذها معلومه تفيدك مستقبلاً...

ديننا الحنيف ينص ان يكون بينكما حكم من اهلك ومن اهلها

وذلك حتى تحل الأمور بينكما على مرئى من الجميع والمصارحه المصارحه المصارحه تحل ان لم يكن اغلب تكون جيمع المشاكل عدا الأمور الخصوصيه بينكما لابد ان يعلم ولي الفتاة ان كانت مقصره مع زوجها اولا حتى يستطيع ضبطها ... وأستحي حين اقول ضبطها فالمرأة في كثير من الأوقات بحاجه لأن يشكمها الولي ببيت اهلها حتى لاتجد احد يقف معها بوجه زوجها لتنفذ ما يدور برأسها من وساوس...


معليش اللي سويته مره غير اخلاقي واعتقد انك مديت لسانك لأن حركة التفله ما تجي الا من بعد سب وكلام سوقي
بصراحه قلة ادب
ولو تبي زوجتك تحترم اهلك وتقدرهم لازم انت بدورك تحترم اهلها وتقدرهم عشان ما يكون لها عليك حجة ودي امها حرام عليك والمرة ارملة يعني زوجها متوفي هنا انا اقلك رفقاً بالقوارير ...
انت خذيت من الأم ظناها اغلى شي عندها ورديتها لها وهي تبكي منك ومتمشكلة معك.. خليها بمقام امك ... اعتبرها مره كبيره بالسن وغريبه عنك واحترمها لكبرها ... هذا وهي جدة اولادك من زوجتك اتقي الله في الحرمة الضعيفه..

وما ظنيت الأمور توصل لسب والتفل في شي اسمه التفاهم والزوج لازم يكون دبلوماسي ..

حلو معناه الموده لسا موجودة بينكم وموقف عمها واخوها مره حلو ..ويدعمك على فكره..

طيب اكيد البنت لسا متأثرة بالموقف مع امها وعلى ما اعتقد اكيد انك للحين لن تعتذر للوالدة زوجتك
... يوم دقت امها على الوالدة هل لطلبها طلاق ابنتها علاقه بمشكلتكم انت وزوجتك قبل لا توديها للأهلها.. وممكن ان لم يكن هنالك حرج نعرف ماهية تلك المشكلة؟؟ لنصل الى حل..

كلام الناس لا يقدم ولا يأخر و حتتعب راسك بصراحه
والله يمكن لأهلك وجهة نظر هل يوجد بينكم انت وزوجك اطفال او لا
وافهم من كلامك انها مقيمة بمدينة أخرى لذلك الوساوس لابد وانها فعلت فعلها مع اهلها واهلك

اممممممم عن نفسي لااعتقد انها تكرهك ابداً بس تبي تثقل عليك ^^

امممممم مين يدري يمكن المسأله تطول لشهور ^^تعرفون كيد بعضكم

يمكن تقصد ( اكيد تعرفون بعضكم) صح

على العموم كما قال لك السابقون لابد من الأعتذار لأم زوجتك
ونصيحة مني لا تستعجل وتجيب معاك هدية يوم تروح تعتذر لها ليه؟؟ يمكن في شي براسها ودها توصل له و ما تفيد معها هديتك واذا ردتها لك حتنكسر نفسك وتزعل وتتهور للمرة الثانية حاول تهدي الوضع وانتبه انتبه انتبه..
يمكن كان الحق في البدايه معاك بمشكلتك انت وزوجتك ويوم استفزتك امها بهواشها غلطة وركبك انت الغلط فهمت !
خليك دبلوماسي واعرف كيف توازن الأمور واهم شي كيف تكسب الحوار مع امها او مع اهلها او معها خلي الحق في صفك مو ضدك

ولنا عودة

عيب والله عيب ؟
تتفل في وجه ام زوجتك ؟؟؟
والله ما الوم زوجتك لو تسوي اي شئ
وبالنسبه لاسئلتك اذا زوجتك تحبك اتوقع انها كــــــــــــــــــــــانت تحبك واذا هي متربيه وبنت حموله ما راح تحب شخص يتفل بوجه امها هذا من برها بامها واذا ما فيها خير لاهلها ما راح يكون فيها خير لك
واذا انتم توكم متزوجين اكيد بتفكر اذا هذا اولك ايش بيكون تاليك
اسفه على الصراحه لكن طلبت الرأي وهذا رأيي
سبحانك اللهم وبحمدك اشهد ان لا اله الا انت استغفرك واتوب اليك

__________________
سبحان الله وبحمده ......سبحان الله العظيم

نقل إلى مكانه المناسب

وفقكم الله

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

اولا لوهي تفلت وقفلت بوجهه امك حتى لو امك تدخلت شنو تسوي بالقليل بترمي عليها الطلاق حتى لو لها ساعه قايمه من حضنك
انا لومكانها ماأرجع الابرضى امي لو كان اغلى علي من عيوني
يعني بالمختصر روح لعمتك وتسامح منها واذا رضت عليك ذيك الساعه تفاهم مع زوجتك
ربي يصلح امرك

في البداية أسأل الله أن يصلح مابينك وبين زوجتك ويألف مابين قلوبكم .
الغلط أنتوا الأثنين تتحملونه وأنت النسبةالأكبر لأنك الرجل والمفروض تكون أحزم وأعقل , أنت شخص مندفع ماتحسب حساب تصرفاتك إلا بعد أن يحدث مالايحمد عقباه , وزوجتك ضعيفة شخصية لللأسف ومو قادرة تستقل بحياتها بعيد عن توصياات أمها ألي أكيد ماكانت مباركة زواجكم .
يعني بدال ماتاحذها تطيب خاطرها وتشتري لها هدية تاحذها لأهلها ,هذا أحد أغلاطك تحاول تتهرب من مشاكلك أومثل ماتقول مالك بوجع الراس, وبدال تكسب أمها لصفك بكلمة حلوها تتفل في وجها , هذا غلط ثااني ماعندك حسن تصرف ولادبلوماسية في المعااملة وأتوقع بالعامي مضييع مفتاح لساانك .
وأتوقع أن زوجتك قالت لأمها عن المشكلة وأصرت عليها تجي عندهم ولها السبب زوجتك لمت عفشها وأصرت على الرحيل .
- هل البنت فعلاً تكرهني أم لحظه غضب ؟ قبل لا تقولها كنا بقصة عشق مجنونه حب وحنان ؟
لاماتكرهك زوجتك تحبك لكن هي وااقعة تحت تأثير أهلها وخايفة من أمها وفي نفس الوقت ماخذه على خاطرها من سوء أدبك مع أمها .
- البنت طبعها ماتدق وترسل بعد الزعل ، بس متى ارسل او ترسل ؟
إذا تحبك ماراح تصبرعنك وراح ترسل لك اول شي عتااب وأنت أرسل لاتمل واصل في إرسال المسجااات وذكرها بالمواقف الحلوة بينكم, أما إذا كان جوالها مش معها فهذا شي ثااني .
3- جاوبوني وافيدوني انتم تعرفون كيد بعضكم علمــــووني ؟
زوجتك ندمانة أكثرمنك وتلوم نفسها لو أنها جلست في بيتها ولادخلت أحد في خصوصياتها مااكنت تفاقمت المشكلة .

الآن الحكي في الفايت نقص في العقل , لازم تراضي الراس الكبيرة وتحب على راسها وتعطيها هدية وتعتذرلها وراح تغلط في البداية تحملها هذي في مقام أمك واحترمها عشاان زوجتك ولاتنسى أنها جدة أعيالك في المستقبل و.ولاتروح لحالك لانك ماتعرف تتصرف أخذ معك أحد كبير له أحترامه بينكم , أبوك مثلا وعمك .
وبعدين عزز ثقة زوجتك عشان تطلع من دائرة تأثير أهلها عليها وأحفظ مفتاح لسانك لأن المرأة تسامح لكن ماتنسى الإهانة, وإذا تحبون بعض صحيح كل وااحد يتحمل الثااني ويراعيه ويستر عيوبه , وقفلوا على مشاكلكم في بيتكم لا أهلك ولاأهلها يدخلون في مشاكلكم,ولاطلاق ولازوجة ثاانية واستفيدوا من هالتجربة.

والله يوفقك في أختباراتك .

أرسل هذا الرابط لزوجتك او حمل الفيديو وغير الصيغه وارسله الى زوجتك



البرنامج اكثر من رائع حلولوا متابعته فلن تندموا

البنت كرهتك لانك تفلت على امها وقفلت السماعه واكيد اي وحده بالدنيا زوجها يسوي كذا مع امها بتكرهه لان هذي امها لو هي سوت نفس الحركه مع امك اكيد بتطلقها قبل امك تطلب منك انك تطلقها وااااضح جدا انك ماعندك تفاهم والفاظك وانت تحبها مش ولابد وشلون لو كنت زعلان بعدين اكثر شي يجرح الحرمه ان زوجها يدعي عليها اذا زعل اذا ماتبيها طلقها بس لا تعي عليها عندها اهل يحبونها بتنحرق قلوبهم عليها لا تقول نسبة الغلط عليك 60 لا انت غلطان 90 لانك زعلتها اول شي ووصلتها بيت اهلها بعدين تعديت على عمتك راجع نفسك واذا تحب زوجتك ضحي عشانها قبل تخسرها وتقعد طول العمر تتحسر عليها

__________________
ربي اجعلني مقيما الصلاة و ذريتي ربنا وتقبل دعاء
يارب ارزقني واختي الاولاد الصالحين تامين الخلق والخلقه يااااااارب
اتمنى كل من يشوف توقيعي يدعيلي ويدعي لاختي

انت تقول انا راح اتحمل قساوه الردود.

وانا ردي لو انا مكان زوجتك وانت تفلت بوجه امي
والله لو انك اخر رجال في الدنيا ماارجعلك ومااكرهك وبس الا كره وحقد وكل شي
صراحه لو رجعت لك ماشاء الله عليها
الله يكتب لكم اللي فيه خير ويجمعكم

__________________

الا ليت البكى بيرد غالي
لسيل وادي ماسال سيله

كلامــكم صحيح .. يلا مايخالف بصير غلطـــان ..

لكن أهلي مانعيني وحاشريني اني ما أروح ، وانا بسمع كـلام الوالده ولا بـروح ..

أمي عندي أغلى منهـا .. جت أهلاً وسهلاً راحت غيرها ينتظــرني ماينقصني شي ..
لكن انا ماودي استعجل في الأمـور ، امها اصلاً غلطـانه في امور كثيـره وهدْا الي سبب التهور معي ..

كلمت اولياء امورها اخوانها وعمان زوجتـي ولا فيها فايـده ..

الشكـــوى على الله ،، ارسلت رسالتين قبـل شووي ،، وضحت فيهـم اني مابي أنتظر أكثر من كدْا ..



أخـوها واقف معي ، حتى عن طريق زوجـته يبون يخطبـون لي أخت زوجتـه .. وعائلتهم موافقه بعد ما فهمهم اخوهم أن الخطأ من امه وهي سبب خراب بيته ..

لكـن قلت لكم ماودي استعجــــل ،، بصبر اسبوع بس .. وبعدها في حريقه ..


واشكركم جميعاً على الـــردود ،، فيه الي شجعني وفيه الي حطمني خخخخ ،، بس وربي روعه انتم والله يخلييكم دْريتكم يارب ..

واعدْروني ماقدر أرد كثيـر ، وربي الاختبارات والتفكير ماعطاني مجااال أرد ..
دمتم يا أحبائي بخير ..