انا اخطائى كثيره منها الفطاير سويتها مره ودخلتها الفرن طلعت حجر للاسف مره قاسيه والمره الثانيه دخلتها وطلعتها بسرعه طلعت مااستوت من جوه بعدها حرمت اسوي فطاير او اعجن عجينه

__________________
اللهم فرج همي

نحنا ندرس في الجامعه طبيخ ونطبخ مع البنات ونسوي اكلات مررررررا لزيزه .,~
وماما قالتلي تعالي وسويلنا في البيت .,~

وجيت الربوع حق اول امس اسوي الشاورما وشوربة الخضار وطبعا الشاورما بالدجاج .,

الشوربة حطيت لها دجاج مقطعه صغيره .. وجزر وبطاطس كلهم صغار
وحطيت بس فلفل اسود و ملح بسس تخيلو ّ!!!!

والشاورما سويتها وخليها تتسبك وتتبل وعملتها ع الصاج وكل شي

ولمن ماما داقت الشوربة مرررررا ماعجبتها ورجعتها تاني مره بالقدر ماقدرت تاكلها تقول كلها موية
ومافيها بهارات .,~
اما الشاورما قالت يعني صراحه مو مررا طعمه

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

السلام عليكم ورحمة الله وبركاتة
اثناء الطبخ اتعلمت من الكبار مااحط الملح لا على الدجاج ولا اللحمة الا لمن تنضج لو اتحطت من اول الطبخه ماتستوي كوويس وتجلس وقت اطوول وكمان مو بنفس المستوي
معلومة اخرى نقع الارز الا يحتاج سلق مدة بعدين سلقو يكون افضل بكثير
مشكوره على الاستفادة قبل الإفادة
دائما فى انتظار المزيد

اول شئ السلام عليكم ورحمة الله تعالى وبركاته ثاني شئ نشكر الاخت الفاضلة اعماق على طر ح الموضوع الجميل ثالث شئ بقول لكم عن تجاربي الفاشلة وياويلها يبنات اللي تضحك منكم على تجاربي ادعي عليها اذا كانت متزوجه تحمل واذا عزابية تتزو ج ونبتدي بسم الله

انا اول ماتزو جت والله اني ما اعرف اعجن حتى العجين ولا ادري باب المطبخ وين جاي اختي الكبيرة والوالدة الله يرحمها كان مغطين علينا انا واخواتي الباقيات
المهم تزوجت وحبيت اتفلسف اطبخ اول يوم وانا اصلا ما اعرف كيف الطبخ المهم هاذاك اليوم حبيت اسوي لزوجي مظغوط دجاج واخذت حبه دجاج ونزلتها من الفريزر بثلجها واشقق الكيس من عليها واطالع فيها كأنها حجر متحجرة من الثلج واشيلها بدون ما انقعها او اغسلها على طول احطها بقدر الضغط واحط عليها موية ومكعبين ماجي و4 كاسات رز بدون ما اغسله اخلطها مع بعض واغلق عليها قدر الضغط وياالله تس تس تس تس تس

واخذ قدر الضغط على النار ساعتين وانا فرحانه بتشقق من الفرحة اني اليوم زوجي بيذوق طبخ يديني الحمدالله انه زوجي ذاك اليوم ماتسمم كان الحين انا ارملة المهم بعد ساعتين بالتمام يبنات اسكر قدر الضغط وانسم له الصفارة حتى اختفى الصفير زين ان اهلي محذريني ما افتح قدر الضغط وهو يصفر والا كان سويته كارثة في البيت زين وانا حافظه هاذي المعلومة المهم فتحت قدر الضغط وادور حبة الدجاج وينها فيه حجمها 900 واهرس بالملعقة الرز اختفى صار هريس والماء نصه باقي مانشف المهم ادور الدجاجة وياالله حصلت عظمة الفخذ اطلعها وانها تنهرس في يدي المهم اني صفيت المويه وشلت الرز والدجاجة مهروسة ماعاد فيه لادجاجة ولا رز كلها صارت مثل شوربة الشوفان واصرف الغداء وجاء زوجي يتغدى وكان يقول وش هاذي الطبخة وانا اقول هاذي اسمها هريسة الرز بالدجاج كان يقول وليش ريحتها فيها زفرة انا اقول يمكن من الماجي خربها الناس تحط فيها ملح والملح عندنا خلص وحطيته بداله ماجي تصريفات وجلسنا ناكل بالملعقة الدجاجة هي وعظامها كلها روحت في بطوننا لا وزيادة حصلنا قطعة من كيس الدجاجة بين الرز اثاريها من شدة البرودة ما انتزعت هاذيك القطعة

والحمدالله عدت هاذي السالفه على خير رقعتها ومرة قال لي
زوجي نفسه اضبط له معصوب ورحت عجنت الدقيق بدون ملح واحط الصاج واخبز كان احط الخبزة كبر راسي سميكه مرة وكانت تنضج من برى ومن جوة لا وانا مواصلة وبعد ماخلصت
جيت افرمها كل ما افتح خبزه الاقي في بطنها العجينه مانضجت

وارجع اختار الجوانب اللي نضجت طبعا مع بعض التجاوزات يعني بعض الأوقات العجين الغير ناضج ناخذ منه شوية وافرمه واحمس الزبده واحط الموز واخلطه مع حبة قشطة واحطه مع الخبز اللي فرمته واحط عليه كاس عسل واصبع زبده واقول له خذ ياقلبي تعشى عليك بالعافية هاذيك اليلة مانام بات سهران بطنه يمغصة طبعا هاذي ثاني طبخة حلوة

المهم مع الوقت ابتديت اتعلم وهو ما شاء الله مايقصر يساعدني وشيف ممتاز بالطبخ بس في اشياء محدده اللي يفهم فيها

النكبة كانت لما يقول لي ابغى اكلة شعبية امك مرة ضبطتها لنا

واكلت منها عندكم في البيت عاد انا ماشاء الله اقوم اتفلسف

واسوي نفسي احسن طباخة عنده وكأن مافيه طبخة الا وانا اعرف اضبطها

مرة جاب لي تنور وقال نفسي في خبز التنور وجاب حطب وشب النار في التنور
وقال اعجني خبز بر واخبزيه رغيف بالتنور قلت طيب اعجن البر

وارو ح اناظر لبطن التنور واقول ياهاذي المصيبة من بيخارجني

منها اليوم ورطة انا اول مرة اخبز بالتنور اختي والوالدة ما شاء الله يتقنون خبيز التنور ودائما يخبزون البر بالتنور اخواني واهلي يحبونه المهم خلاص جهز التنور وصار الحطب جمر وانا ارو ح اناظر للجمر واقول ياالله انا كيف اقدر احط الخبز بالتنور والجمر كذا شديد الحرارة المهم فكرت وجبت ملعقة كبيرة مسطحة واحط عليها الخبزة واحاول احطها في بطن التنور من الداخل فما كانت تمسك العجينه في جانب التنور كانت تطيح بين الفحم واحط غيرها وفشلت وارجع اشيل بيدي واحاول ادخالها ولزقها في جانب التنور ماقدرت من شدة الحرارة وماني متعوده اخبز بالتنور وفشلت كل العجينة وكلها طاحت بين الجمر وانحرقت وطلعت ريحة العجين المحروق المهم غطيت عليه بالغطاء وانا معصبة
انحرقت يدي وانا احاول اخلي ولو وحدة من الخبزات تمسك في في التنور علشان اقل شئ نبيض الوجه عند الرجل لاكن كلها فشلت وطلعت الخبز من التنور وهي مليانه جمر ومحروقة وكل خبزة ماسكة بالثانية قال زوجي وش فيه الخبز طلع كذا شكله

قلت له كله من تنورك اللي جايبه لي خرب خبزنا واحرق يديني

قال وش فيه التنور قلت له الطينه اللي مصنوع منها غير صالحة

قال كيف ماهو تنور مثل كل التنورات قلت له لا هاذا مقلد مو اصلي قال فهميني هو مو خلاطة ولا مكنسة كهربائية علشان يقلدونه قلت له الا يخلطون الطين باسمنت ويصنعون منه تنور والخبز اذا ماكان التنور مصنوع من الفخار الخالص يخرب الخبز

وهم اللي باعو منك غشوك التنور هاذا مو فخار خالص مغشوش وهو صدق بس بعد فترة سأل وعرف ان البلا مو بالتنور الا في يد حرمته وسبحان الله كررت الخبز بالتنور وكان مرة تصيب ومرة تخيب حتى اتقنت الخبز في التنور واليوم والله اني اضبطه يطلع يجنن شكله وطعمه بس زوجي ماسكها عليه للحين يقول لي تنور اصلي وتنور تقليد حتى لو جاب اي شئ للبيت قطعة كهربائية يقول لي شوفي صناعتها اصلية ولا تقليد مثل التنور خلاص ماسكها عليه
ببداية زواجي صراحة ماكنت اعرف لشئ حتى الملابس كنت اغسل ملابس زوجي البيضاء واحط عليها كلوركس واطلعها من الغساله اشوفها تلق بيضاءماعاد اشطفها بموية صافية لا والله

يبنات كنت على طول لنشافه وعلى طول للحبل اللي ننشرعليه الغسيل زو جي اصيب بهرش وحكة بجسمة والله انه حتى جلده تقشر وراح المستشفى وكان يقولوا له اكزيما واهله كانو يقولوا له عين او حسد وهو الكلوركس اللي احطه بملابسه بدون ما اشطفها اكل جلد جسمه كله و مرة شافتني اختي وانا عندهم اغسل ملابس زوجي بهاذي الطريقة وانها تسألني انتي دائما تغسلين ملابس زوجك بهاذي تلطريقة قلت لها ايوه هو مسكين جسمه فيه حساسية ولازم اني اغسلها بكلوركس باستمرار علشان تخف عنه الحساسية

قالت الحين انا وش اسوي فيك اقول لأمي عنك اخليها تقول لزوجك ياخبلة الحريم مايغسلون الملابس بهاذي الطريقة لازم

تشطفينها مرة ومرتين وثلاث حتى ريحة الكلوركس ومفعوله

تختفي منها واعطتني محاضرة طويلة عريضه وبعدها والله

باسبوع بعد ماسمعت كلامها زوجي جسمه تحسن والحساسية

اختفت من جلده ولليوم هاذا والله انه مايدري وش سبب

الحساسية اللي جت في جسمه في بداية زواجنا

المهم ترى الموضوع موضوع طبخ وانا حولته لغسيل ملابس

وترى في جعبتي الكثير من مواقف الفشل بس اتوقع هاذي

تكفيكم تقرونها والحين اختكم ام سلطان تعجبكم في الطبخ

والسناعة واوعدكم ان شاء الله بأني يوما ما ستجدون لي

مواضيع في قسم الطبخ والنفخ وكلها اكلات شعبية تحبها قلوبكم

حتى صورة التنور انزلها لكم هنا في هاذا القسم بس مو التنور

التقليد لا التنور الأصلي هههههههههههه واستودعكم الله الذي لاتضيع ودائعه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي
الله يوسع صدرك يا شيخة
أنا ما اعرف أخبي شي بقلبي
و ادري ان ذا مو مكانه المناسب
لكني حزينة جدا و نفسيتي تعبانة
و دمعتي على خدي .. ولما قريت مشاركتك انبسطت والله
جزاك الله خير و الله يفرج همك يارب و يشفي أولادك
و يقر عينك فيهم
و أسفة اخت أعماق احتليت موضوعك *

__________________

‏
الوعي هو الملاذ ..

أستغفر الله العظيم ؛
( الفردوس غايتي )

يعطيك العافيه
جد جلست اضحك من عمايلك في هالعجينه المسكينه
وبعدين لازم تسمعين لكلام امك لانها افهم منك واعرف منك
اتنالك التوفيق في عجينه ثانيه
تقبلي مروري

السلام عليكم
ياجماعه انا سالفتي سالفه مع أول كبسه سويتها بعد زواجي , أنا متعوده عند أهلي أسوي كبسه لعايلتنا جنان بحكم أنها عاليه كبيره بعض الشي ولكن بعد زواجي طلبني أسوي له كبسه فسويت الله لايوريكم الدجاج والرز صاير لونها بني من كثر البهارات والملح لأني حطيت دجاج ورز شوي ولكن البهارات كثيره ويوم جاء ياكل أذكر تغير لون وجهه وسألني وش ذا ؟؟؟؟
قلتله هذا رز مفلفل والله مادري من وين جبت ذي الأسم , بس من بعدها أخليه حتى يروح العمل وأقوم أجرب في الطبخ اللي تصلح أقدمها واللي تخرب أخبيها في المطبخ .
الحمد لله اللحين والله الكل يسألني عن الطبخات اللي أسويها ماشاء الله

بنت الحكمي ؟؟؟؟وش ذاااااااا حسيت اني شيف درجه ون ؟؟

1
الملح بعد استواء الدجاج او اللحم عشان الفيتامينات ماتروح ؟؟ومايقسى الدجاج واللحم ؟؟من كلام ماما ..

2
ان الليمون الاسود والدارسين ماينحط مع المكرونه ابد

3
ان الخضروات تلف بفوطه وعالثلاجه عشان ماتذبل

4
لوح وسكين خاص باللحوم والدجاج

واخر باخضار والاجبان والخبز وسلامتكم

ومن قال ؟؟

__________________

الله يضحك سنك يا بنت الحكمي، ضحكت من خاطري، صراحة حطمتي حتى أنا حسيت أني شيف نمبر ون!
سبحان الله أنا عكسكم التجربة الاولى تضبط معي الطبخة وتطلع خيال بس لما أجي اسويها مرة ثانية غالبا ما تكون بحلاة المرة الاولى، أمس طلب مني أبو الشباب أسويله شاي حليب بالقرنفل، عاد أنا حطيت القرنفل والحليب وجئت أشم الريحة وإلا هي هيل وتصير عيوني كذا
جئت اشوف العلبة ألقاها ابو قوس بالهيل وقلت الله يستر، وهو يتذوق الشاي أإنا كذا
الزبدة: الشاي عجبه ولما سألته شو نكهة الشاي قال قرفة فضحكت قال شو حاطة ف الشاي،، ما خبرته أهم شي ان الدلة خلصت
موضوع فلة،، شكرا أعماق

__________________
اللهم اغفر لأختي جواهر ووسع مدخلها وأكرم نزلها وارزقها الجنة بغير حساب

بنت الحكمي
الله يسعدك
مواقفك صراحة تصدم وقوية
وعاد التنور التقليد بس ماشاء الله عليكي تعرفي تطلعي نفسك منها وزوجك الله يسعدكم مع بعض تراه طيب

عن نفسي فاااااااااااااشلة بامتياز
ماعمري تضبط معي أي طبخة
لاوعجينة الفطاير أتعب وبالأخير تفشّل
تعقدت من الطبخ
والمصيبة عندنا الوحدة إن ماتقلب الذبايح وطباخة ممتازة ماتتزوج !!!هههه