|
تجارب مطبخيه فااااشله ..
السلام عليكم ورحمة الله وبركاته ..
امس كان عندنا ضيووف - جارتنا وبناتها - وكان فيه كذا مشروع بيني وبين المطبخ .. عمل كيك وسنبون وفطائر بالبف باستري وبيتزا .. :26: وعجنت العجينه ... وياعجينه اخمري ,, وانتظر وياعجينه اخمري .. وهي زي ماهي .. حطيتها جنب الدفايه لعل وعسى :( ابدن زي ماهي .. حطيت تحتها مويه حاره .. وكانها شوي خمرت .. وتوكلت على الله وسويت البيتزا والسنبون .. وابدااا ماعجبتني على السفره :29: وعرفت سبب فشل العجينه .. ، ، وانا اعجنها حطيت الخميره بكاس وبدل مااحط مويه دافيه حطيت حاره من العجله والكسل :d قالت لي امي ترى بتخرب العجينه قلت لالالا مابتخرب اصلا الدقيق بارد .. وفعلا العجينه مااااخمرت الا شئ لايذكر .. وفشلت فشل ذريع :d الخميره لازم مويه دافيه ... الحاره تخربها - اذا خلطيتهم لوحدهم مع بعض- اما اذا مع الدقيق وهو بارد ممكن ينفع بس مواكيد :d وعلى قولتهم كل دقه بتعليمه :22: ننتظر تجاربكم عشان نستفيد من بعض .. |
يا خسارة العجينه
ولا ... كله ولا الفشله خيرها بغيرها ومعلومه حلوة ومنكم نستفيد ولاتنسي انه الواحد ما بتعلم الا من كيسه ومرة تانيه ردي على الماما .. الله يخليلك اياها |
بالنسبة للعجاين انا كنت مرررررره فااشلة ولمن جلست سنة في البيت صرت ادخل المنتديات واجرب شي في الخلاط وشي في اشياء غريبة والله يغفرلى والحمدلله توصلت لنوع كوويس واعتمدتو
عندي معلومة مااعرف تعرفوها او بعضكم احتمال مايعرفها اثناء الطبخ اتعلمت من الكبار مااحط الملح لا على الدجاج ولا اللحمة الا لمن تنضج لو اتحطت من اول الطبخه ماتستوي كوويس وتجلس وقت اطوول وكمان مو بنفس المستوي معلومة اخرى نقع الارز الا يحتاج سلق مدة بعدين سلقو يكون افضل بكثير يالله ننتظر تجاربكم وليا عودة ان شاءالله |
بنت مكة
امي افتكر قالتلي نفس المعلومة بخصوص الدجاج و الملح .. . . لاتظلمونه .. أنا عني، عدي و اغلطي عن أخطائي المطبخية .. ^^ |
اقتباس:
اللهم امين ..‘ لاخلاص توبه من دي النوبه :d منوره يائمر ..‘ |
روعة الموضوع
وفكرة مميزة بإنتظار فضائحكم المطبخية ههههه |
عذراً ؛؛ يمنع مشاركة الرجال * |
حلو الموضوع وخفيف دم يا لا تظلمونه ..
وكل مره امر عليه ،، واقول يبغي له روقااان .. واليون روقت ،، والله يعينكم على الهذره الرايقه :d * من الاخطاء جعل العجينه تخمر بمكان دافي جداً او تطول مدة الخمر اكثر من اللازم لماذا ؟!! لإنه تظهر ريحة الخميره الغير مستحبه ولإنه تقسى العجينه و يتغير لون العجينه .. ويفضل رضعها بالثلاجه بعد خمرها مباشرةً اذا لم تستخدم في حينها .. * من الاخطاء استخدام الزيت العادي في عجائن للحلويات ويفضل استخدام الزبده .. لماذا ؟!! لكي تعطي هشاشه للعجينه ونفش اقوى وايضاً كطعم الذ و رائحه ازكى.. * من الاخطاء ايضاً ادخال العجينه في الفرن مباشوة في الحلويات او المعجنات وعدم تركها ترتاح وتاخذ راحتها ولمدة خمس دقائق.. * من الاخطاء تسييح الزبده بالنار ؛؛ والافضل جعلها تسخن بحرارة الجو في المطبخ :24: * من الاخطاء عدم وضع قليل من السكر مع طبقة البسكويت بالزبده في الحلويات فتصبح مفتته وغير متماسكه ..:25: * من الاخطاء ظن البعض ان الملح يخرب الخميره بعكس السكر .. ولكن الصحيح ان الملح والسكر ،، مع بعض غالباً يساهمون في نجاح اية عجينه .. وعلى ضمانتي :22: * من الاخطاء الشائعه جعل ابريق الماء ليفوح مده طويله وتتبخر عناصره،، سمعت انه مضر <<< لكن لست متأكده من المعلومه ( تأكدوا وردوا لي خبر ):26: * من الاخطاء تقطيع السلطه قبل مده من اكلها .. والافضل اكلها بدون تقطيع :30: * من الاخطاء تقطيع الخضروات قطع صغيره وطهيها مده طويله و جعل الماء كثير .. وتذهب فائدتها هبااااااء .. فالافضل تقطع كبيره و تسلق بقدر معين ليكون طعمها مستساغ ووتقليل الماء المضاف.. تسلمين ياحبيبه على الموضوع الحلو .. ولعلمك ؛؛ مره وانا عازمه اهلي واهل زوجي وفي رمضان ومسويه لقيمات لأمة محمد ،، نفس غلطك ؛؛ وضعت مويه حااره :29: عطيناها بقرتنا في المزرعه <<<<<<اللهم لك الحمد والشكر :) ومن تجاربنا نتعلم <<< وانا اشهد تتعبت من الكتابه :28: وان شاء الله نكون كلنا شيفات ونضبط الحاجات الحلوه * |
امي وصتني من زمان ان البندورة عندما توضع ع الخضروات وقت الطهو تاخر نضوجها ولا تجعلها تستوي بشكل جيد
كالفاصوليا والبامية وغير ذلك من الخضار بالنسبة للعجينة انا اضع الخميرة والملح مباشرة على الطحين واحركهم ثم اعجن بالما الدافي لا تظلمونه الله يبيض وجهك دني واخرة واحنا كمان قولي امين |
من كثر الأخطاء ما اذكر شي معين
غالبا مع العجين و الحلا :( ماشاء الله شقردية ,,,خبرة لكن ما فهمت نقطة ,,وضع السكر مع طبقة البسكويت و الزبدة ,هل السكر سيمنع أن تتفتت ,,؟ |
| الساعة الآن 02:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©