اختي شوبارد.. مشكورة على الموضوع الرائع..
بالنسبة للرؤية الشرعية فعن تجربتي.. كنت بيوم الرؤيا الشرعية مو خايفة من انه زوجي يشوفني بس كنت خايفة من اهل زوجي.. يمكن تستغربين لكن لأنه زوجي كان طالب معاي بالجامعة . يعني من الأساس لو ما كان معجب فيني ما جاء وتقدم لي,, لكن بعد يوم دخلت عشان اشوفه واتكلم معاه كنت محرجة للآخر ومو عارفة اتكلم ويدي ترتجف.. وبعد ما خلص كلامه معاي قال لأهلي على فكرة انا ما كنت جاي علشان اشوفها لأنها من اول يوم شفتها فيه وهي بداخل قلبي, انا جاي اخطبها واتشرف فيها وراح اتصل فيكم بعد كم يوم عشان اعرف ردكم علي..
أنا حزتها عجبني كلامه وكل صديقاتي قالوا لي من قدش حصلتين واحد معجب مجنون فيش..ههههههههههه
على العموم نصيحتي لش كوني على طبعيتش وتصرفي بلباقة وبس.. والله يوفقش ويوفق الجميع..

متفائل جدا

اضحك اللـــه سنك ... لقد اضحتني كثيرآآ هههههههههههههههههههههههههههههههههههههههه


ههههههههههههههههههههههههههههههه والله تعبت وانا اضحك بس بصراحه موقف بالصميم خخخ

__________________

الثعالبي

الله يجزاك خير اخوي بس ماقلت لنا تجربتك.. ياليت نقراها!!



وردة البحرين

عزيزتي دول الخليج في الغالب ان الرجل شايف البنت والبنت شايفته ومايجي يتقدم لها الا وكل واحد طاير عقله عالثاني

أنا سعودية ومايخفى عليك نتغطى والرجل يجي وهو مايدري وش البنت اللي بتطلع عليه سوى مواصفات أساسية من أهله

وهي يمكن طلت عليه من الشباك <<<<< حركاتها خخخخخخخخ

ويمكن ماشافته بعد بس مافيه بنت اظن ماتطل خخخخخ

__________________
اللهم لك الحمد والشكر
"ولئن شكرتم لأزيدنكم"

انا عزوبي يعني للاسف مامرت علي مثل هالمواقف الرائعه

لكن من الان مجهز نفسي لها

ولكن حتى يكون لمداخلتي فايده ... اشوف ان هناك نقطه مهمه جــدآآ وهي ( الوقت )

يجب ان لايبالغ اهل البنت في وقت جلوسها مع خطيبها وان يتوسطو بالوقت حتى ولكم بالاخ متفائل اكبر دليل

كل التحايا لكم

__________________

أشكر لك مرورك الكريم ،،،

الأخ رجل حديدي

بما أنك عزوبي مقبل على الزواج ، أسأل الله تعالى أن يرزقك الزوجة الصالحة الناصحة جميلة الخلق والخٌلق ....

" حتى البنت طاح وجهها ....!!!!! كانت تنتظر أخوها يقول خلاص أدخلي جوا !!!!

المشكلة إن العصير حقي خلص ..... وصرت أناظر عصيرها نفسي فيه هههههههههه

تحياتي لك

شباب وشابات المنتدى انا عندي راي بخصوص الرؤيا الشرعية قابله للصواب والخطا احس ان الرؤيا الشرعيه هي اذا علم من الخاطب صدق نيته بالزواج من قبل ولي امر البنت وطلب الرؤيا الشرعيه وجب على الولي ان يهيا له ذلك بدون علمها يعني يشوفها مترصد لها بطريقه او باخرى تقولون ليه اقول مراعاة لمشاعرها لان والله حرام انه يكسر بخاطرها بعد الرؤيا ويرفض الزواج منها لانه لورفض ولو اختلق اي سبب راح يكون في نفسية البنت انه مارفضها الا بسب شكلها وتعرفون الجمال بالنسبه للبنت ايش معناه وتعرفون ان الهدف الرئيسي من النظرة الشرعيه هو معرفة جمال المراة يعني احس ان الرؤيا بطريقتنا اليوم ظلم للمراه وانا في فكري اقول والله لو يجيني خاطب لبنتي او اختي ماراح اخليه يرى بالرؤيا اللي حاصله اليوم مراعاة لمشاعر هماولكن اخليه يراها بطريقة الترصد طيب تقولون البنت مالها رغبه في النظره الشرعيه اقول البنت والله ان تراك طلبت رؤيا شرعيه والا ماطلبت يعني رايحه تترصد لك اما على دريشه والا من ورى باب ولو مااعجبتها ان ترفضك ولكن بستر ومصونه لك هل من مؤيد لي في هذا الكلام والا نوروني ومنكم نستفيد

الأخ الفاضل :


لا أعتقد أن الظروف تساعد في هذه الأيام ......

هل تعلم أن معظم البنات اليوم يطلبن الرؤية الشرعية ويعتبرنها حقا لهن أيضا ، بل البعض

تطلب أن تحادث الخاطب بحضور والدها !!!

لترى هل يناسبها أو لا !!!!!!!!!

الحقيقة هذه في مجتمعنا السعودي المحافظ ....!!!
أنا شخصيا لم أكن أتصور وجود هذا الشي عندنا

وردا على طرحك أقول أن والدي حفظه الله ذكر لي قديما أن البنت لا تعلم بالرؤية الشرعية
يأتي والدها ويحضر الخاطب في مكان معين ويترصد لرؤيتها ....

بصراحة أخي :::: أنا لا أرى هذه الطريقة :::: صحيحة


أحترم وجهتك نظرك

مكشوره شوبارد على الموضوع الجميل
الي راح نستفيد منه



ولاني بنت حبيت اخبركم بشي
انا ادرس في جامعة خلط يعني معاي بالسكشن مجموعة من الشباب
لكن والحمد لله اني اكون محترمه نفسي
ولكن مهما يكون ماراح تكون مثل الفتات الي راح يخطبونها (خجل ومستحي ) يعني اعتبر وجودهم وعدمهم واحد ( الشباب)
لكن كثير من الشباب يشوفون البنات الي بالجامعة يقولون دي جريئة ودي ما تستحي
ليش لانها كلمت الدكتور وردت عليه بصراحة وناقشته في الموضوع او حتى في بعض الاوقات انها تحتاج انها تكلم الطالب الي وياها
بشي يخص المادة



وبعد اني اسوق سيارة
والحمدلله ان نص مشاوير البيت علي
يعني نص اليوم برع البيت
واكثر شباب المنظقة الي انا فيها يشوفوني وانا طالعه وانا راده
واشوف نظراتهم اي
يعني اني ما استحي كله برع
بس الطلعات والمشاوير مو في ايدي
حتى مره قالو الى اخوي
واخوي اصغر مني ولان يعرفني عدل
سكتهم ..


بس شلون راح اغير نظرات الناس الي
والله اني خايفه

اسمحو الي اني طلعت عن الموضوع
بس علشان اعرف اراء الشباب والبنات

مشكوره شوبارد ! بس بالنسبه لي او في ديرتي اغلب الناس لما يبون يخطبون ياخذون صورة البنت ويورونها المعرس ويقعد يتمقل فيها وبعدين يخطبها ويتم كل شي ! واما عن الاخلاق فاكيد يسالون عنها وعن اهلها! واحنا ديرتنا صغيره ( كلنا عيال قريه وكلن يعرف اخيه) وبعدين اغلب صور البنات تكون طبيعيه يعني مو مليانه مكياج علشان يشوف عدل وهذي الشغله ترضي جميع الاطراف منه الريال شاف البنت ومنها البنت افتكت من الاحراج ! بس هذا ما يغني انه المعرس اذا طلب يشوفها وجه لوجه يلبوله الطلب !

__________________
سبحان الله وبحمده *** سبحان الله العظيم

سبحان الله وبحمده ***سبحان الله العظيم

مشكورة أختي شوبارد على طرحك للموضوع
أنا يوم شوفتي كان فيني خوف غير طبيعي يمكن لاني من النوع الخجول وحتى رجليني كانت موشايلتني ورفضت اني ادخل وقلت خلاص هو اللي يدخل مو انا ويومها ماقدرت آكل ولا أنام
حتى بنت الجيران تقولي عادي بس أنتي خجولة زياده ولكن لما جربت قالت لي ماتوقعت اني بأخاف وذكرت كلامك
مع انها دراستها تمريض يعني تتختلط بالشباب وكمان جاها الخوف يعني اي بنت مهما كانت جريئة بيجيها الخوف
لأنها تعبر لحظة حاسمة إلا في حالة اذا كانت البنت من النوع الله يستر عليها وتواعد شباب وتطلع معاهم هذي بيكون معاها عادي الوضع لأنها متعودة وحتى الشاب يكون فية ارتباك وخوف بس اقل من البنت