|
سؤال خاص بالرجال عن الرؤية الشرعية
السلام عليكم ورحمة الله وبركاته
سؤاااااااااال للجميع سواء كانو متزوجين او عزاب كيف كانت الرؤية الشرعية لكم؟؟ ونظرتكم للبنت؟؟ مشاعرك قبل ماتشوفها وبعد ماشفتها اهتمامكم؟؟ تفكيرك تجاهها؟ وش كنت تتمنى وماوجدته؟ او وجدته سواء رغبت فيها او مارغبت اذا سمحتولي جميعا ابغى اعرف افكار الشباب بالرؤية الشرعية من جميع النواحي وسبب تراجع البعض بعد الرؤية؟ وسبب قبول البعض بالبنت ثم تقديم المهر ثم فجأة يكون متردد!! |
نقل الى عالم المقبلين على الزواج مع تعديل بسيط على العنوان ليتناسب مع المحتوى
|
السلام عليكم ورحمة الله وبركاته حتى الان اسعد يوم في حياتي يوم الشوفه ليش ما ادري قبل ما ادخل ماكنت اعرف البنت ولا اعرف عنها اي شي بعد ماطلعت من عندها تغير كل شي في حياتي وبعدين انا عمري ماسمعت عن احد شاف وتراجع ما ادري ليه سبحان الله الواحد يوم الشوفه الله يفتح عليه وينشرح صدره <<<< اتكلم عن اصحابي واقاربي تحياتي |
مرحبا اختي شوبارد
شوفي اختي بجاوبك من تجربتي الشخصيه طبعا يوم جى موعد الرؤيه الشرعيه ورحت وكان الف سؤال وسؤال يدور في ذهني والي اهمها وش بشوف قدامي يعني الكلام غير النظر مهما وصفوها الاهل ماراح تكون مثل النظره الطبيعيه رحت ونا بكل صراحه مني عارف شلون اقرر بعد ما اطلع من عندهم المهم كان يدور في بالي كثير من الاسئله ونا في الطريق دخلت البيت جلست على الكنب ونا اقول في قلبي وش بيدخل على الحين دخلت علي واكتشفت ان كل الي كان في بالي كلام فاضي ما له ا ي معني تدرين شلون بكل بساطه هذا امر نفسي او روحاني مادري وشو بالظبط المهم دخلت حسيت براحه نفسيه ليه مادري مع اني ما دققت عليها كثير الحمد لله الكامل هو الله سبحانه وتعالى لكن كل الي كنت اتمناه لقيته وزياده وما زلت اجد منها الكثير الكثير واهم شي لقيته فيها حرصها على دينها وعقلها الي يوزن بلد الي مريحني في اشياء كثيره طبعا هناك الكثير من الصفات اما السؤالين الاخيرين ردي بكل بساطه الراحه النفسيه فيه ناس من يوم نشوفهم نرتاح لهم ويصير عندنا تقبل لهم وفيه ناس بالعكس تماما حتى لو كانو ذو مواصفات جدا ممتازه المسئله هي نفسيه فقط لاغير اتمنى اني وصلت لو جزء من المعلومه التي تتمنين الوصول لها |
بالنسبة لي ؟؟؟ قصتي قصة !!! لأني خطبت مرتين وشفت الفرق بين الرؤيتين كبير ..... أول بنت شفتها : كان أخوها موجود لأن أبوها في مدينة ثانية ، لذلك ما كنت قلقان أو خايف خصوصا إن أخوها أصغر مني جلست أتكلم معاه ، وفجأة دخلت علي وأعطتني العصير بكل جرأة !! وجلست قدامي مباشرة .... بدأت أسألها بعض الأسئلة عن دراستها والوظيفة و و و ..... إالخ الغريب في الأمر أنها لم تنزل عينها من عيني ، وكانت في قمة الثقة والجرأة ..... !! إلى الآن الأمور مشت عادي ... بس بعد لحظات البنت أخذت راحتها بزيادة ... !!! تدرون وش سوت ؟؟؟ أنا بصراحة ما أتجرأ أسوي الحركة !!!! الأخت في الله حطت رجل على رجل وكأننا في قهوة !!!! أنا انصدمت مررررة وتأثرت من هالحركة خصوصا إني كنت أشوف أخواتي وقت الرؤية الشرعية تكون خجلانة مرة وما ترفع عينها من الأرض المهم : بصراحة هي عجبتني من حيث جمالها ، بس خجل أو حياء أو ......... الله يخلف !!! دخلت الوالدة علي بعد ما خرجت هي وأخوها ، وسألتني عنها ؟ بصراحة كان القرار صعب بالنسبة لي ،،، مدري أوافق علشانها جميلة ؟ ولا أرفض لأنها جريئة ؟؟؟ الوقت لا يسمح إنك تفكر بهدوء أو تستخير أصلا ،،، قلت للوالدة موافق ،،، طبعا الوالدة لبست البنت طقم ذهب على أساس إن هذا من عاداتنا ..... خرجت من بيتهم علشان أصلي العشاء بالمسجد ..... ولما خرجت من باب بيتهم ما أدري ايش جاني !!! والله العظيم بديت أبكي من قلبي وحسيت إني استعجلت في قراري !!! وكل أهلي شعروا بعدم فرحتي !!! معليش طولت عليكم بس والله موقف مستحيل أنساه .... بعد أسبوع من الإستخارة والدعاء كلمت أبوها واعتذرت لأني حسيت بعدم راحتي للموضوع ومرت الأيام وخطبت بنت ثانية ..... وكنت أحسب إن البنات كلهم زي ما شفت أول مرة !!! رحت أشوفها وبحضور والدها ........ حسيت بخوف كبير وارتباك ، وخفت يصير نفس الموقف الأول .... لما دخلها أبوها حسيت بكل جسمي يرتجف وما ني قادر أركز أبدا المهم : دخلت وشفت شي غريب ................ !!! البنت تبغى تموت من الخجل .... والله ما رفعت عينها من الأرض ،،، وما قدرت ترد علي ولا بكلمة !!! مع ابتسامة خجولة جدا !!! حتى لما جلست قدامي على الكنبة ما قدرت تواجهني بالضبط ، انحرفت شوي لليمين ،،، يا سلااااااااااااام هذا الأدب هذي التربية الله ما أحلى البنت بحيائها ........ مباشرة أرسلت رسالة على جوال أختي وقلت إمسكوا العصفور !!!!! لا يطير وتمت الأمور وأنا الآن في فترة الخطوبة معاها في أحلى أيام عمري ..... صحيح إنها تعبتني بزيادة خجلها حتى في الكلام ،،، بس أحسن أنا أعلمها زي ما أبغى ..... أنا آسف على الإطالة .... بس من زمان كان نفسي أطلع هذا الكلام من قلبي علشان تستفيد كل بنت !!!! وما تاخذ راحتها بزيادة ،،، علشان توري نفسها اجتماعية !!!!!!!!!!!!!!!!! إحذري فالرجل يريد الحياء قبل الجمال ،،، والله يوفق الجميع |
اقتباس:
وهذا اهم ما يجذب الرجل في الرؤية الشرعية من تجربة اصدقاء اخواني اكثرهم رفض البنت بعد الرؤية بسبب جرأتها الزايدة |
اقتباس:
لااااتقلب علينا المواجع يااخي العزيز .... ياااكثر اللي شافوني وتراجعوا ... والمشكله ان فيه منهم من يعطي تلميح بالقبول وانه مستعجل على الرد والموافقه ... مااقول الا الله يسامحهم ... والحمد لله على كل حال .... الف شكر لك ياشوبارد على الموضوع . واتمنى يلقى تفاعل من الشباب على اللي يدفعهم انهم يوافقون ويدفعون شبكه ومهر ويتراجعون .... طيب ليه ماتراجعتوا من الأول ؟؟؟ الله يهديهم ويسامحهم |
بصراحه ما سويت الرؤية الشرعيه
لأن العادات عندنا لا تسمح بهذا الشئ ولكن بصفه عامه الرؤية الشرعية يركز الرجل على قبول الطرف الآخر من ناحية القلب يعني أنا متأكد فيه رجال ينظرون إلى إمراءه ويعجبون بها ليس لجمالها ولكن القلب ارتاح لها تقاسيم الوجه الابتسامه فالقلب لا يعرف الحواجز . وسبحان الله بعض النساء ملكات جمال ولكن عند الرؤية الشرعية لا يرتاح القلب لها . فالنظرة تختلف من رجل إلى آخر . وأسأل الله لك التوفيق والزوج الصالح والذرية الصالحة أنت وجميع بنات المسلمات |
حبيبتي شوبارد موضوع أكثر من رائع
وبما أنني فتاة فلا مجال للرد لكن سؤال للفتيات عند تكرار الرؤية الشرعية أكثر من مرة ، ومن عدد من الرجال ، أفلا يخف خجل الفتاة ، كون اعتيادها الأمر ؟ |
موضوع جميل بارك الله فيكي والله يرزقكي الزوج الطيب الذي يسعدك.زامين
اخونا الفاضل متفائل جدا..ليس كل الرجال يحبون الخجولة فأكثر من اعرف يحبون ألجتماعية والتي عندها شخصية من البداية وكوني خجولة حصلت على انتقادات كثيرة حتى من طليقي عندما تزوجت وعندي سؤال: الا يقل الخجل عندما تكون المرأة قد تزوجت من قبل وتطلقت؟ أكيد لو جاء لها رجل لن تكون هكذا مستحية ومنزلة راسها لانها مرت بنفس التجربة وتطورت العلاقة لزواج سابقا |
| الساعة الآن 04:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©