مع متفائلة في ردها الاخير...

كنافة ، انه اعاني من عصبية زوجي
مثل ما تعانين منها...
الفرق ان ما اراكض وراه عشان الصلاة لان قبل الوقت بربع ساعة ما شاء الله هو في المسجد...
واعرف ان العصبية أمر متعب جدا جدا جدا
يمكن تعتقدين اقول هالكلام وآنه في حالة رضا مع زوجي
لا حبيبتي تونا متهاوشين هوشة خفيفة لطيفة ما تضر أحد 😊
لكن اولا ما فيه انسان كامل
ثانيا زوجج ما شاء الله عنده ايجابيات طيبه
وعالاقل اللي لمسناه من خلال كلامج ان سلبيته معاج انه عصبي

موقفه اليوم سيئ
بس ضيقج اوفر .. انتظري شوي
غلطج انج رجعتي وانتي للحين زعلانه
كان المفروض ترضين اول

__________________

حاجة الناس إليكم من نعم الله عليكم ، فـ لا تملوا النِعم ☁✨

اكثر شي جرحني
يقول اذا انتي فرحانه ان اهلك فاتحين لك باب بيتهم
فانا لو اطق باب اي بيت بيفتحونه لي!!

يعني يلمح يتزوج
بخاطري قلت .. بس سكت

ناقصه يطينها معي
ضاق صدري فوق ضيقتي
مدري شكلي فعلا شايله بخاطري
وهو لما قال: انام بصياح واقوم بصياح
حسيت انه منزعج من وجودنا
لسى امس راجعين وهو يتحلطم ومنفعل
كأن احد قال له شي


انا حاليا عند اهل زوجي
بفطر وبعدها بكلمه عادي

،،،،،،،،،،،،

خلاص لاعاد تذكرينه بالصلاة
يعني سبق مر علي هالموقف
وكان الرد "انا اسمع الاذان
ولو قلتي ترا أذن يمكن هالشيء يخليني اعاند وما اروح اصلي جماعة "
ومن بعدها ماعاد ذكرنا

حبيبتي
اناي شايله عليه
المفروض مارديتي الا مصفيه كل شي
خلاص ابدي صفحه جديده
وش الفايده تاخذي معك ترسبات الماضي
وهذا الي مضايقه منك
يعتبر انه اعتذر منك كثير وانتي لسه زعلانه وشايله

نعم نكديه وتدورين المشاكل ، اشعليك من صلاته تروحين وتردين على نفس السالفه حاطه في بالك إنك بتربينه كيفه صلاته له ، وين ماتبينه يعصب ويصير لسانه زفر ما ألومه إنسانه جامده لا ضحك لا إبتسامه لا سالفه تشرح الصدر مجرد أوامر وطلبات لا وتعطينه نظره من فوق لتحت وكلامك عنه كنه حرمه متكمكمه بالله هذا كلام وحده عن زوجها !!! حبيبتي حق الزوج أعظم من حق الوالدين أهم شي الإحترام والتقدير إحترميه بالأول عشان يحترمك .

__________________
الحمدلله حمدا جزيلا ...

كلامهم اختصر الشي الكثير كنافه
انتي منتي مقتنعه بزوجك وحاسه انه مايستاهلك
وعشان توصلي لمرحلة القناعه فيه لازم يكون السخي الرومنسي الحنون المكسور ومايطالب بوضعه كرجل
عشان ممكن تقتنعي فيه
اقلك شي واعتبريه درس من واقع خبره مؤكده
انا عايش نفس وضع زوجك بس كنت ذابح نفسي عشان ترضى وكنت مستنقص في حق نفسي كثير
لكن لقيت ردات فعلها زييك بالظبط (تدقيق على كل شي حتى لو حلو وفي صالحها الا تطلع فيه عيب وتقتنع بالف فكره ومشوره من اهلها الا فكرتي ولو كنت قلت نفس الشي واشياء كثير مع العلم عشرة عمر فوق 13 سنه
كانت تحاول تمسك الزله والخطاء عشان شايفه نفسها انها افضل وصاحبة الفضل انها عايشه معي وكنت اقلها (على ايش شايفه نفسك ) كنت (اقلها انتي مغروره)
عشان ترجع لي وتصحى ولكنها اتمادت اتمادت الى
مثل ماقال المثل كثر الدق يفك اللحام
الان لو اشوفها بتتقطع وبتنتحر ماهزت فيني شعره وصرت اعاملها وحده بوحده نظره بنظره صحيح شي متعب ومرهق لكن اعز للنفس

الخلاصه اذا انتي منتي مقتنعه فيه لاتظلميه ولا تظلمي نفسك
ةاذا كنتي مخطئه وتكبري الامور راجعي نفسك (اذا هو يعتذر الان صدقيني بكره حيكيدك عشان يقهرك ولا حيعتذر)خذي الجانب الكويس ولا تدققي في الحياة الطبيعيه عشان ترتاحي واحترميه ولا تستفزي رجولته

كنافة ..

راح تصحي و تعرفي مقدار زوجك - بعد فوات الأوان - ..

هذه نصيحتي لك ..

تدرين وش مشكلتك انك ما تطيعينه و تبين اللي براسك يمشي غصب

بعض الناس اذا مو مستقر بحياته ومرتاح تلقينه حتى عن الصلاة يتكاسل و اظن زوجك منهم .. حاولي تتذكرين لما يكون سعيد و مبسوط هل يصلي أو لا ؟


جربي هذا الاسبوع فقط فقط كل ما قال شيء قولي : حاضر ، ابشر ، تامرني ..
و اللي بقلبك اسكتي عنه ما اعجبك تصرف تغاضي عنه ضايقتك كلمة كأنك ما سمعتيها .. حاولي تكوني مرحه

فقط اسبوع واحد كوني مطيعة و " صامتة "

المشششكلة عندكم مو الصلاة..

لان حتى لو زوجك راح يصلي الجمعة كل اسبوع.. راح تضل مشاكلكم.. انتي بمشكلة الصلاة تجدين غطاء شرعي لتعاملك معه... يعني انتي على حق.. لانها الصلاة عمود الدين.. وليعطيك الحق تغلطي عليه متل ما بدك لانه اساسا لا يصلي... وانتي تعرفين بينك وبين نفسك انو مو هاي المشكلة.. اعتقد مشكلتك انك مو متقبلة زوجك.. وشايفة حالك عليه..وهذا يظهر من كلامك انتي نحن ما سمعنا من زوجك..

انتي مثل كل هالبنات.. مدللة ببيت اهلك بس لسه ما استوعبتي انك اليوم ببيت زوجك.. وانو حتى لو ررجعتي عند بيت اهلك مطلقة مع اولادك.. وقت الدلال الك وللاولاد بينتهي.. البعد والاشتياق بيروح.. الزيارات الحلوة مو هي السكن معهم 24 ساعة.. انتي والاولاد... وحتى لو توفري لنفسك بيت مستقل.. اولادك يحتاجون اب.. شو الخيارات لي عندك.. تتزوجي من جديد؟ وترجعي الاولاد لابوهم؟ او بتفكري زوجك الجديد راح يربي اولادك ويموت فيهم متل ابوهم.. اذا ابوهم مابيتحمل صراخهم وتعبهم كيف بدك رجال غريب يدللك انتي واولاااادك.. اصحي من عالم الاحلام يا كنافة.. هذي هي الحياة لازم تتعاملي مع لي عندك.. كوني واقعية بتفكيرك..

كلام زوجك على طول.. انتي شايفة حالك على ايش.. انتي نكدية.. انتي مغرورة شوفي ليش بيحكي هيك.. لانو كلامك " ناظرته من فوق لتحت" " حرمة مكمكمة"..
هو بيحس بكل هالشغلات من نظراتك وكلماتك.. ومشكلتك قبل شهر لي قلتيلو فيها انه مو رجال.. اكبر دليل.. ويومها ماكان السبب الصلاة.. اذن لا تتحججي بهذا الامر..

اختي اذا مو متقبلة زوجك وحاسه انو مايستاهلك فمن حقك ما تستمري معه.. بت ظلميه وبتظلمي نفسك معو.. حددي موقفك ولا تخلي زوجك معلق..لكن اذا متقبلتيه وتحبيه وبدك الاستمرار.. ارجوك راجعي نفسك لانك مابتحترمي زوجك وبتجرحي رجولته.. وبكره راح ينتقم منك اكيد..