عصبية زوجي بسبب تذكيري له بصلاة-مستجد136-152
 

تقبل الله منا ومنكم صالح الاعمال اخواني
زوجي له 3 اسابيع مايروح صلاة الجمعه
يسهر الخميس وينام الجمعه لبعد الظهر
ويفوت صلاة الجمعه..
رغم انه مايشوف المسجد الا الجمعة

طبعا انا ماخذه عهد على نفسي ما اذكره بشي
ولا انصحه ولا اكلمه بهالموضوع ابدا
واللي ذاكر مشاكلي القديمه بيعرف السبب
المهم
اليوم هو جالس عالساعه وحده يقلب جواله
منسدح عالسرير ويرسل نكت وخرابيط
وانا جاني برودكاست وارسلته له
يتكلم عن فضل صلاة الجمعة وانها ايام معددوات

نص ساعه ولقيته فاز كأنو لدغته عقرب
يسأل: ماتبطلي دور الداعية؟ ليه مرسله كذا؟!!!
كان معصب وكأن عامله مصيبه
قلت له هذا برودكاست جاني زي اللي يجيك
قال ما اصدقك انتي كاتبته!
قلت طيب تعال شوف.. راح وتركني
نسخت له صوره تأكد كلامي
وكتبت له: الناس تتبادل هالنصايح يوم الجمعه
وزي ما انت شايف هذي رساله وصلتني
ماكتبتها ولادورت عنها.. اعدت ارسالها لك
واعدت ارسالها لاخواني واهلي ومعارفي كلهم
(ونسخت له صوره ثانيه)
كتب لي: طيب انا اسف




لحد هذا انتهى المشهد
طيب


نرجع شوي يومين
وبنهار رمضان كان يرسل برضو نكت وخرابيط
ومن بينها مقاطع عود
وانا ابدا ماسمعتها لاني صايمه
بس ماقلت له حرف ولا نصحته ولا لمحت له

الشي الثاني
صلاه الفجر
يبقى عليها نص ساعه
ويشوفني سهرانه انتظر الاذان
يقول تصبحي على خير ويدخل ينام
اقول له: وانت من اهل الخير.. وبس


اللي ابغى اوصل له
اني لا داعيه ولا شي والله العظيم
هو رجال كبير له رب يحاسبه
رغم ان تصرفاته هذي تهز صورته بعيني
بس احاول ما ابين له


والشي المؤلم بزوجي
انه دايما ينتقد الملتحين ويسبهم
ويستهزئ بالمشايخ
ويعتبر التطاول عالدين نوع من التحضر
وهو من داخله هش معرفيا وثقافيا
واحسه يغار من اهل الصلاح بس مو قادر يصير مثلهم


الحين نرجع للي صار اليوم
هل انا غلطانه؟ وهل اعتذاره الجاف كافي؟

تم تعديل العنوان ليتناسب مع المضمون

مستجدات الرد 39

http://66n.com/forums/showpost.php?p...9&postcount=39


مستجدات الرد89

http://66n.com/forums/showpost.php?p...8&postcount=89


مستجدات الرد 136

http://66n.com/forums/showpost.php?p...&postcount=136


مستجدات الرد 152
http://www.66n.com/forums/showpost.p...&postcount=152

رد: هل انا غلطانه
 

لا منتي غلطانة .. ودامك تعاملتي معه بطناش ومقتنعة إنك ماتكلميه ولا تنصحيه فالمفترض ماتتحسسي من اللي يقوله لأنك صرتي عارفته .. أدعي له ياكنافة .. ترى البعد عن الله واحد من أهم أسباب قساوة قلبه عليك وعلى أطفالك..ياأختي هو مقصر في حق الله ماتبيه يقصر في حقكم .. المفترض تزعلي عليه وعلى بعده وعلى تقصيره مع الله .. أدعي له دايم .. عسى الله أن يهديه ويصلح حالكم..

رد: هل انا غلطانه
 

من يقول انتي غلطانة عداك العيب والله
خلي ثقتك بنفسك كبيرة ..وزوجك عسى الله
يهدية ويصلحة لنفسة

رد: هل انا غلطانه
 

خلاص اسكتي عنه
عنده رب يحاسبه. وذلك بعد ان أبرأت ذمتك و قدمت النصيحة
لانه يبدو ان نصيحته تحتاج اُسلوب معين لا تمتلكينه و ايضا دفعا للضرر فيبدو اذا كررت عليه النصح
سيتشاجر معك و يصرخ. فدعيه اسلم

رد: عصبية زوجي بسبب تذكيري له بصلاة الجمعة
 

حجه عليه نصحك له

رد: عصبية زوجي بسبب تذكيري له بصلاة الجمعة
 

اليوم فطورنا عند اخت زوجي
وانا تقديرا للناس ما اروح ويدي فاضيه
يعني اسوي اكل وغالبا حلا واخذه
هو كتب لي واتس لاتعملي شي
على اساس بيجيب من برا
قلت ان شاء الله

جاء قبل شوي يقول شوفي اللي جبت
قلت يعطيك العافية

طبعا جايب تشكيله راقيه
طيب والمطلوب؟
يعني كذا يراضيني الحين

اوكي انا جالسه اسمع لبنتي قرآن ومروقه
بس ماني طايقه اناظره
وهو كذا بيشوفها حجه ويعتبرني نكديه
يقوم يركبني خطأ من ولاشي كالعاده



اعوذ بالله من الشيطان الرجيم

رد: عصبية زوجي بسبب تذكيري له بصلاة الجمعة
 

جزاكم الله خير جميعا
وبارك الله فيكم

والله اني احترم الرجال الحريص عالمسجد
اعتبرها قمه الرجوله
لكن حسبي الله عليه توكلت وهو رب العرش العظيم

رد: عصبية زوجي بسبب تذكيري له بصلاة الجمعة
 

مو غلطانه، دام انك مو كل مرة تنصحيع ولكل زله تنبهيه وتنقي عليه،، مافيها شي بين الفينة والاخرى تبعثي هيك شغلات.. بس لا تكثري، زوجك يزعجه لما تصيري داعية، وكتير من الرجال هيك ممكن حتى ينفر منك كأنثى..

على طول بيحكيلك مابدي شغلك وطبخك بدي بدي تفهميني.. اتمنى هاذا الشي ماعندو علاقة باحوالكم الدينية المختلفة... يمكن بدو مرأة بتكون مثله؟؟؟!!!

رد: عصبية زوجي بسبب تذكيري له بصلاة الجمعة
 

عندك حق حبيبتي والله ماأحد يلومك .. بس هو اللي بيتحاسب وأنتي سويتي اللي عليك .. أنصحك بالدعاء .. أدعي له دايم وخاصة أوقات الاجابة .. أول ماتزوجت زوجي ماكان حريص على الصلاة .. كان يجمع الصلوات ويصليها في البيت .. نادرا مايصلي في المسجد .. بس كنت دايم ادعي له والمح له .. وإذا صار يصلي في المسجد امدحه وأقوله تدري وش أكثر يعجبني فيك هو اهتمامك بالصلاة .. وشوي شوي الحمدلله صار مايترك الصلاة في المسجد حتى الفجر والله هالشيء مفرحني مرة .. لدرجة صار هو يخاصمني على الصلاة jh

رد: عصبية زوجي بسبب تذكيري له بصلاة الجمعة
 

هو ياخذ نصحك انه نقد منك له
مايفهم انك ترغبي بنصحه
فعلا مثل ماقالت داني نصحه ماعندك الطريقه المناسبه له
مثلا ليه ما صحتيه من النوم وقلتي حبيبي منت رايح للجمعه
او بكره ان شاءالله بيكبرون عيالنا ويروحون معاك الجمعه
او اي طريقه ثانيه
ويمكن ماتنجح كل الطرق لان الهدايه من الله
ولازم الشخص يكون راغب بالتغيير