مساء الورد

اختي مهاوي انا ابي اللي يسونها يم يم تري....وخصوصا طريقة الصلصه ياليت تفيديني....واعتقد ان اختي بلوند قيرل تقصدها...اللي هي الايطاليه ....انتظر ردج اختي مهااوي
والف شكر لج

هلا حبيبتي اللولو
بصراحه صديقتي تسويها بشي اسمه الوبنج كريم
مادري انتي بأي بلد بس تلقينه بمحلات السوبر ماركت الكبرى لو انج بقطر اظن موجود في السوبرماركت اللي بالمول
انا جربت اسويها وحطيت صلصة البشميل من كنور
كانت حلوه بس كان لازم اخففها اكثر بالحليب
يعني حطيها مثل ماهو مكتوب بالوصفه بس بالنهايه عشان ماتغلظ وايد وخففيها اكثر بالحليب عشان تكون سايله
بالنسبكه للمعكرونه اسلقيها وخليها على جنب
حطي الخضار اللي تحبينها مع القليييل من الزيت او تقدرين تحطين ماي بس
كل مايجف تزيدينه
حطي عالخضار الاعشاب المجففه مثل الزعتر او الحبق وشوية كمون وفلفل اسود وملح
تبين وصفتي السريه؟
انا اضف لها شويه من بهارات البيتزا الجاهزه
تطلع تجنن
المهم بعد اضافة البهارات للخضار ضيفي الصلصه خليها على نار هاديه
اخلطيها عدل وضيفي جبن البارميزان وتقدرين تحطين موزاريلا
بس انتبهي النار ماتكون عاليه عالصلصه ولا بتثقل وايد وبيخترب قوامها
اتمنى اكون افدتج واي استفسار انا حاظره
تحياتي

__________________

أشكر الأخ أحمد شوبير و الاخت مهاوي و اللولو أنا رح أجرب كل الوصفات و أقلكم راي
مشكوريييييييييييين

تسلمين اختي الغاليه مهااوي ....راح اجرب اشتري الوبنج كريم (من المول ) وراح اسويها....
ربي يعطيج الف عافيه .....


العفو اختي بلوند قيرل ....حاضريين للغاليين

أشكرك أخي الكريم : أحمد شوبير يعطيك العافية ....بصراحة طريقتك في عمل المكرونة تجعل لها مذاق خاص بالصويا صوص ....
تسلم الديات
تقبل تحياتي

__________________