زين سويتي أختي الفاضلة
وهو لازم يتهمك إنك ما تحبينه لأن الله يختبرك بتفضلين رضى خطيبك والا رضاه

وإذ أرضيت الله بيرضى عنك ويرضي عنك الناس

ولا تنسين أنه مهما كان خطيبك ويحبك فهو رجل أجبنبي عنك وليس محرم لك
وبخصوص قولك إنه مستحيل يشك فيك بعد الزواج لأنه يحبك
أقول حتى لو ماشك أليس الله بقادر على تقليب القلوب
انتبهي أختي واتقي الله واقطعي مكالماتك معه مهما حصل
ولا يهمك كلامه واتهاماته بأنك لا تحبيه وقدمي مرضاة الله على مرضاة كل أحد وسترين الخير وإن لم تفعلي فلا تلومي إلى نفسك
أتمنى لك الخير وفقك الله ورعاك

__________________
اللهم اشف أبي واهده وأطل عمره
http://www.66n.com/forums/showthread.php?t=175017

زين ما سويتي وما يخالف تحملي

يمكن انصدم ولا ما توقع مع إن انتي الصح واللي كان صاير خطأ

هو ما بيتضرر في كل الأحوال انتي لو لا قدر الله اللي ممكن تنضرين

بس انتي اصمدي على موقفك

وادعي الله يتمم أموركم على خير

ومهما يصير اعرفي انه مكتوب ومقدر وانه فيه الخير لك بإذن الله

وحولي لو تقولين لأمك تقول لأبوك تحاولون لو تملكون والزواج بعدين

أحسن من اللي كان قاعد يصير

ما دام إنت نيتك ترضين ربك فلا تخافي

لأن الله قال: (ومن يتق الله يجعل له مخرجا)

هو كان تصرفه بهذه العصبية لأنه تعود عليك وإنت تعودت عليه


ومثل ما قالت أختي اقترحي على أهلك إنكم تقدمون الملكة حاليا إذا كان هو يقدر

وجاهدي نفسك يا أختي إنك ما تفكرين فيه كثير

اشغلي نفسك بدورات وتطوير مهارات ممكن تفيدك مستقبلا في زواجك

الله يسعدكم

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)

مشكوريـــــــــــــــــــــــــــــن كل من رد علي
جزاكم الله خير
انا ظليت مصره ع موقفي وهو بالاخير وافقني مع انه مره زعلان
بس نفسيتي مو تمام
وهو بعد حتى خواته يكلموني يقولون لي انه مره متأثر
ويسألوني وش اللي صاير بيننا ؟؟
بس انا ماعلمتهم

ان شاءالله ربي يصبرني
ادعو لي تكفون
ماتتخيلون قد ايش متعلقين ببعض
بس رضا ربي اهم

جزيتم كل الخير

الله يبارك فيك ويثبتك ويعجل في زواجكم

و يحفظكم من الشيطان

__________________
يارب أحفظ لي طفلتي ولا تبتليني بفقدها

لا تخسرين زوجك .. عشان تصرف ماله اي داعي ..
الرجل جاي يتزوجك و حاب يعرف عنك اكثر
ويحبك عشان تكوني شريكه حياته
وانتي من بدايه ايامكم تسوي كذا

اخاف يغير نظرته فيك .. و تخسريه

__________________

اخ سمايل وانا بعد حاسه اني بخسره مع ان الحب اللي بيننا حب صادق ونيتنا الزواج لولا الظروف
اللي اجبرتنا نأخره
انا خايفه عليه وخايفه ع نفسي من شي حرام اكثر من مجرد مكالمات ورسايل
يمكن ما احد يفهمني الا اللي عاش بنفس وضعي
يارب ارحمني
انا عايشه بين نارين
لا اقدر ابعد واخليه ولا اقدر اكمل مكالمات
لازم يكون في حل وسط
لاتقولون لي قدمو الملكه
والله ذا الشي مو بيدنا
والا كان ملكنا من زمااان

نفسي احد يفهمني ويحس بمعاناتي

يا أخي الكريم الشغلة ما هي بس تتعرف عليه ويتعرف عليها

الأمر أكبر من كذا

لاحظ كلامها: (انا خايفه عليه وخايفه ع نفسي من شي حرام اكثر من مجرد مكالمات ورسايل)

علشان كذا العلماء حذروا من الكلام العاطفي بين المخطوبين بدون عقد لأنه ممكن يؤدي إلى أمور أكبر من مجرد مكالمات وهم ما زالوا أجنبيان وليسوا زوجين شرعا
إذا كان في كلام فلازم يكون على قدر الحاجة وعن أمور الزواج
وللاطلاع
http://www.islam-qa.com/ar/ref/36807...0مع%20المخطوبة




وعندي سؤال للأخت جنا العطر

ممكن نعرف سبب عدم قدرتكم لتعجيل الملكة؟

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)

وش اسوي ؟؟؟؟؟؟؟
اخته كلمتني وقالت لي انه سوا حادث
انا ادري انه كان قاصد
لانه قالي لو تركتيني بسوي بنفسي شي

بس ما جا على بالي انه صادق وبيسويها
ياويلي لو مات والله ما اسامح نفسي
الله يحفظه ان شاء الله ما يكون متأذي

والله نفسيتي متدمره وخايفه عليه

يعني ايش ياتكلميني يا برمي نفسي بالبحر ؟؟ متأكده انه صار له حادث واخته اللي كلمتك

انا اقول خذي الكلام من أمه مو من اخته كلميها وسلمي عليها وقولي حمد الله على سلامة فلان

لا يكون فلم اكشن واخته مساعدته فيه بس يحنن قلبك عليه

جاء في الحديث الصحيح، عن النبي-صلى الله عليه وسلم- أنه قال: "أن من التمس رضا الله بسخط الناس رضي الله عنه وأرضا عنه الناس، ومن أرضا الناس بسخط الله سخط الله عنه وأسخط عنه الناس.

واذا انتي تبين تكلمينه كلمي ابوك وامك وقولي لهم

اذا وافقوا خلاص كلميه لا تذبحين عمرك ولا هو يذبح عمره

بكره ينتحر ولا يحرق نفسه تقولين كله منكم انتوا السبب

كلميه بدراية اهلك اخاف بكره يقول ما اتزوج وحده تكلمني ولا بيننا عقد ولا خطبه رسميه ولا شئ

باقي يدرس + يدور وظيفه + يكون نفسه او يجهز عمره + تفاهم على امور السكن وخلافه = زواج لكن متى هالزواج الله اعلم

3 سنوات تكلمون بعض او تمتد الى 6 سنوات ربما .....:14:

حطي النقاط على الحروف من البدايه علشان تعرفين وش لك وش عليك

لاننا ما نرضالك الا اللي نرضاه لأخواتنا

وانا ما ارضى لولد عمي يعلق اختي وبعد فتره يقول والله مابي اتزوج هونت ويطلع بينهم مكالمات واحنا اخر من يعلم ما تقولنا الا بعد ما يتركها ويهون من الزواج انها كانت تكلمه
ولا نقدر نغصبه الا تتزوجها ورجلك فوق رقبتك