يعني البارح كنا طالعين المستشفى ومروقين والامور تمام ،، طلبته أكله اخذها معي الدوام لان الزميلات مسويات فطور ،، فعصب علي وقعد يتكلم ويقول انتي تصدقي علطول وانتي كل يوم والثاني تجيبي للدوام وتحطي فلوسك ،، قلت له الجميع بيجيب صعب اجلس طبعا بأسلوب هادي ،، قال انتي تصدقيهم وانتي تصرفي عليهم ،، هنا عصبت وقلت له لو سمحت انا ماأصرف على أحد ،، وفعلا أنا اصدق وعلى نياتي ،، قال اش تقصدين !! قلت مااقصد شيء ،، وقلت خلاص ماعاد أبي شيء لاتجيب شيء ،، قال لا بجيب بس آخر مرة ،، قلت له لا خلاص ماعاد أبي ،، قال براحتك ،، وداني البيت ورجع جاب الغرض اللي طلبته وحطه بالصالة ودخل غرفة النوم ،، طبعا اخذته واعتبرته اعتذار منه وقفلت على السالفة مع اني كنت مقهورة من ردة فعله عمره ماسواها وفهمته وقتها انه انا مو صغيرة عشان ينضحك علي أنا انسانة عاقلة وعارفة وش اسوي ( ترى هذا اللي يقهرني ياجماعة انه مستنقص عقلي وعلطول يجرحني ويقول عقلك صغير)،،


قفلت على السالفة ورجعت تكلمت معه عادي اليوم ،، تأخر لدوامه لبعد المغرب ،، اتصل معي بعد المغرب عشان يسألني إذا أبي شيء من برا وطلبت منه يجيب معه طاقيته عشان أغسلها مع ثيابه فعصب وقعد يخاصم ويقول باقي ماغسلتيها !! قلت له قاعدة استناك ( عشان يجيب طاقيته) قال تستنيني ليه اغسلها أنا ولا اساعدك في غسيلها!! قلت لا انا بغسلها الحين ولا يهمك ،، طبعا قفل وارسلت له وقلت ليش ردودك صارت معي بهالعصبية!! أنا مقدرة عملك وضغط عملك بس أنت تغيرت ماصرت تطيقني،، وما رد علي،، جاء من برا وعلطول على غرفة النوم مع حبيبه الواتس وانا منطقة لحالي بالصالة ،، يعني طول النهر بالدوام واذا جاء البيت على جواله وأنا آكل هواء ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

رجاء لا أحد يعلق أن هذي يوميات وتصير بين الزوجين ،، الوضع مو طبيعي لأن زوجي عمره ماكان كذا ،،
وأنا بصراحة انسانة حساسة مايرضيني ابدا يعاملني بهالاستخفاف،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اسمحيلي يااختي بس يمكن ان طلبك جى في وقت غير مناسب خصوصا انكم طالعين من المستشفى والمفروض عند العصبية تقليله تم واصبري عليه يراجع نفسة وتري زوجك ماكسر بخاطرك وجاب لك طلبك بعدما راجع نفسة وهداء ( المستشفى وش سالفته سلامات )؟؟؟

__________________
تمنيت حبـاً يدوم طويـلاً .. فـدام الحب وَ رحل الحبيب.

إذا كان معصب أخاف مره منه

ما أكلمه وأترك له الغرفه لما يهدأ

المستشفى عشان موضوع الانجاب تحاليل واشعات ومن هالامور!! وعلى فكرة ماطولنا في المستشفى وكنا مبسوطين والامور تمام،،

ياأخي كان يقولي زوجي زمان وسعي صدرك وسبحان الله لما صرت أوسع صدري هو ماعاد يتحمل أبد،، انا كنت هادية وأحاول أهدي الوضع بس هو ليش دايم ماخذ فكرة عني كذا باستخفاف ونقص عقل ،، المفترض وصلنا لمرحلة كل طرف واثق بأفعال الطرف الثاني وواثق بتصرفاته مو كل ماطلبت شيء ولا بغيت شيء يناقشني فيه ويعصب ويكرهني أطلبه ثاني مرة ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

العضبيه مرض العصر
الله يهديه ويسخره لك
لا تتراديه وقت عصبيته
لكن ناقشيه بهدوء بعدين

يااختي تعبت وانا ابلع واسكت واحسه يتمادى اذا سكت عشان كذا احاول افهمه وارد ،،

المشكلة ان الوضع عنده عادي ولا هامه زعلت ولا رضيت ،، حتى قلت له اصلا مافرقت معك زعلت ولا رضيت ولا بالطقاق ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أغلبهم عصبيين


أجل إذا هجرك أيش راح تسويين ؟

دامني ماني غلطانة مالي الا الجأ لربي ،، يعني وش أسوي وأنا الحمدلله ماعمري قصرت معه بشيء،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

في اشياء ناقصة بالموضوع والضاهر انك راح تتعبينا شوي بس ولايهمك عشان خاطر زوجك المعصب نتحمل
اولا راح احطك بالصورة وراح اسئلك شوية اسئلة عشان فهمي المتواضع يستوعب
1-كم لكم متزوجين
2-ماذا اضرهرت نتأىج المستشفى في من وجدو سبب تأخر الخلفة
3-هل هناك تغيرات نفسية فيك وهل موضوع الخلفة مؤثر عليك اوعلى زوجك بشكل واضح ام انها تخمينات
3-برئيك ماهو الحل لعصبية زوجك وهل جربتي تغيير اسلوبك معى زوجك وقت العصبية

__________________
تمنيت حبـاً يدوم طويـلاً .. فـدام الحب وَ رحل الحبيب.