يعني البارح كنا طالعين المستشفى ومروقين والامور تمام ،، طلبته أكله اخذها معي الدوام لان الزميلات مسويات فطور ،، فعصب علي وقعد يتكلم ويقول انتي تصدقي علطول وانتي كل يوم والثاني تجيبي للدوام وتحطي فلوسك ،، قلت له الجميع بيجيب صعب اجلس طبعا بأسلوب هادي ،، قال انتي تصدقيهم وانتي تصرفي عليهم ،، هنا عصبت وقلت له لو سمحت انا ماأصرف على أحد ،، وفعلا أنا اصدق وعلى نياتي ،، قال اش تقصدين !! قلت مااقصد شيء ،، وقلت خلاص ماعاد أبي شيء لاتجيب شيء ،، قال لا بجيب بس آخر مرة ،، قلت له لا خلاص ماعاد أبي ،، قال براحتك ،، وداني البيت ورجع جاب الغرض اللي طلبته وحطه بالصالة ودخل غرفة النوم ،، طبعا اخذته واعتبرته اعتذار منه وقفلت على السالفة مع اني كنت مقهورة من ردة فعله عمره ماسواها وفهمته وقتها انه انا مو صغيرة عشان ينضحك علي أنا انسانة عاقلة وعارفة وش اسوي ( ترى هذا اللي يقهرني ياجماعة انه مستنقص عقلي وعلطول يجرحني ويقول عقلك صغير)،،


قفلت على السالفة ورجعت تكلمت معه عادي اليوم ،، تأخر لدوامه لبعد المغرب ،، اتصل معي بعد المغرب عشان يسألني إذا أبي شيء من برا وطلبت منه يجيب معه طاقيته عشان أغسلها مع ثيابه فعصب وقعد يخاصم ويقول باقي ماغسلتيها !! قلت له قاعدة استناك ( عشان يجيب طاقيته) قال تستنيني ليه اغسلها أنا ولا اساعدك في غسيلها!! قلت لا انا بغسلها الحين ولا يهمك ،، طبعا قفل وارسلت له وقلت ليش ردودك صارت معي بهالعصبية!! أنا مقدرة عملك وضغط عملك بس أنت تغيرت ماصرت تطيقني،، وما رد علي،، جاء من برا وعلطول على غرفة النوم مع حبيبه الواتس وانا منطقة لحالي بالصالة ،، يعني طول النهر بالدوام واذا جاء البيت على جواله وأنا آكل هواء ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اسمحيلي يااختي بس يمكن ان طلبك جى في وقت غير مناسب خصوصا انكم طالعين من المستشفى والمفروض عند العصبية تقليله تم واصبري عليه يراجع نفسة وتري زوجك ماكسر بخاطرك وجاب لك طلبك بعدما راجع نفسة وهداء ( المستشفى وش سالفته سلامات )؟؟؟

__________________
تمنيت حبـاً يدوم طويـلاً .. فـدام الحب وَ رحل الحبيب.

المستشفى عشان موضوع الانجاب تحاليل واشعات ومن هالامور!! وعلى فكرة ماطولنا في المستشفى وكنا مبسوطين والامور تمام،،

ياأخي كان يقولي زوجي زمان وسعي صدرك وسبحان الله لما صرت أوسع صدري هو ماعاد يتحمل أبد،، انا كنت هادية وأحاول أهدي الوضع بس هو ليش دايم ماخذ فكرة عني كذا باستخفاف ونقص عقل ،، المفترض وصلنا لمرحلة كل طرف واثق بأفعال الطرف الثاني وواثق بتصرفاته مو كل ماطلبت شيء ولا بغيت شيء يناقشني فيه ويعصب ويكرهني أطلبه ثاني مرة ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

في اشياء ناقصة بالموضوع والضاهر انك راح تتعبينا شوي بس ولايهمك عشان خاطر زوجك المعصب نتحمل
اولا راح احطك بالصورة وراح اسئلك شوية اسئلة عشان فهمي المتواضع يستوعب
1-كم لكم متزوجين
2-ماذا اضرهرت نتأىج المستشفى في من وجدو سبب تأخر الخلفة
3-هل هناك تغيرات نفسية فيك وهل موضوع الخلفة مؤثر عليك اوعلى زوجك بشكل واضح ام انها تخمينات
3-برئيك ماهو الحل لعصبية زوجك وهل جربتي تغيير اسلوبك معى زوجك وقت العصبية

__________________
تمنيت حبـاً يدوم طويـلاً .. فـدام الحب وَ رحل الحبيب.

1-بنكمل ثلاث سنوات بعد أقل من شهر
2- سبب تأخر الخلفة ممكن اعطيها نسبة70٪مني و30٪ من زوجي
3- لا أبدا وسبق وطلبت من زوجي يتزوج بس رافض وعلى كلامه هذا اللي كاتبه ربي لنا وأنا راضي فيه (بس ترى أهله يلمحو له أن يتزوج وسبق وقالي ان جدته لمحت له وهو ما تجاوب معها)
4- ماأعرف وش الحل بصراحة ،، احيان ابلع عصبيته واسكت واحيان مااتحمل وارد عليه بهدوء ،، بس إلى متى أحيان نكون جالسين ومروقين وفجأة يعصب على مواضيع تافهة من جد انصدم واقول بخاطري لهالدرجة مو طايقني

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

1- اتمنى لكم حياة سعيدة وطولة عمر وخلفة اولاد وبنات تنسو كل مشاكلكم وتقعدو تطاردوهم في المدارس
2-النسب الي ذكرتيها فية امل انها تقل يعني بأختصار (في امل للخلفة في القريب العاجل )
3-لماذا طلبتي منه الزواج وانتي عارفة انه مقتنع بالقضاء والقدر
4-لازم تعرفي على الاقل اعطينا تخمينات ساعدينا الله وكيلك زوجك مايحتاج فيزياء ولارياضيات الدعوى بسيطة ومفاتيحة بيدك
وفي الاخير احب اقلك وجهة نضري كرجل الخلفة اذا خرجت عن الارادة واصبح علمها عند الله مثل حالتكم فمامعك الى الصبر والمواساة يااختي زوجك براة البيت واصل ودايما مايشوف الاطفال طالع ونازل ومش بعيد ان موضوع الخلفة هو سبب عصبيته وذكرتي لنا انكم كنتم في المستشفى قبل كم يوم معى ان لكم متزوجين 3سنين يعني زوجك قاعد يبذل مجهود عضيم وجري حفيف الموضوع حاسم عند زوجك وقاعد يبحث عن حلول الله يعينه

__________________
تمنيت حبـاً يدوم طويـلاً .. فـدام الحب وَ رحل الحبيب.

1- جزاك الله خير
2- الامل بالله كبير واحنا ناخذ بالاسباب والموانع بسيطة ماهي صعبة
3- طلبت منه الزواج حتى لايبقى في نفسه شيء ،، ولاني سبب كبير في عدم الانجاب

عموما حاليا نتكلم ببرود ومافي بيننا ذاك التواصل ،، ما ادري ليش مايهم زوجي زعلي ولا يفكر فيني بالطقاق ومالي اي اعتبار عنده !!! على فكرة البارح كنا بغرفة النوم خلاص على السرير بننام بعد مدة اخذ زوجي مخدته ونام بالصالة الظاهر مايبي المكيف كان يكح بس مارحت سألته وش فيه قلت في نفسي براحته ليش أنا دايم اللي يجري وراه وادور رضاه وهو مافكر فيني ولا في مشاعري ولا في زعلي،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حتى العلاقة الخاصة ماعاد لي رغبة مثل قبل وهالشيء نتيجة لتغيره معي ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..