والله ي قلبي وش لك بالفضفضه وفتحت القلب خلي اللي بقلبه بقلبه وش شاغل بالك انتي .. ي روحي هو مو صاحبتك لازم تفضفض وافضل حل للفضفضه عدم المحاصره بالاسئله !! انا قبل زوجي سايلنت مايحكي كلمه عطيته سبيس ماشالله السوالف تنكب وطبعا مايبي رأيي بس انه بيقولها حتى لو عطيته رأيي بموضوع السالفه سكت ولا كملها فصرت اضحك واسأله وباللهي وصرت اعرف من يحب ويكره واسماء اصحابه واسم مديره اللي يعل قلبه وهكذا وكلها يبي لها صبر الصراحه لما يدخل معفوس وجهه ابدن ما اسأله وش فيك بس استقبال عادي كلها دقايق ويهل لي السبحه حتى اسرار اهله يقولي مافي شيء يخبيه والحرمه الذكيه تعرف تجرجر زوجها بالحكي على انه اللي عندي مايقر بالبيت بس جلسته قبل النوم معاي اجرجر منها سوالف الاسبوع كله 😂😂😂 هذي سوالف السرير على قولة خالتي تجيب العيد كله ..
من ناحية المصرف بجلسه هادئه قولي له ابي كذا وكذا وناقصني كذا وكذا بس لا تقولي اتمنى اغازل وواحد يصرف علي كويس انه ما جلدك كلامك قوووي جدا وبيمسكه عليك انتبهي ..
انتي زيي حايشك اكتئاب مابعد الولاده فهميه هالشيء عشان مايواخذك على زعلك وبرضو خذي فايتمينات ماترانا او زيت كبد الحوت وفيتامين دال لان نقصه يلعب بالنفسيه لعععععععب والفيتامينات تحسن النفسيه وتخليك اوك ان شالله وحبذا تاخذين مانع الا اجل غير مسمى لو تركبين لولب من وراه فقرة البزران ذي مخيفه وكمان لنفسك عليك حق اصبري كم سنه تحسنت اوضاعه بطبطي له ماتحسنت ثلاثه ولا عشره وانا اختك ..
فقرة مرضه الله يشفيه كانه صادق مع اني احسه جيوب انفيه بس يدلع عليك يبي اهتمام وي دهينه لا تنكتين ...

اما الحب لا اللي باين لي انه يحبك بس عنده سوء تعبير وبرضو واضح انك انسانه مندفعه
كثري تشوكليت فالشوكلاه تشفي قلبا مفطور وروقي وصيري ريلاكس اعملي جلسات استرخاء اقري روايه شوفي موفي اطلعي للبنات ارقصي اعملي تمارين جواتك شحنات سالبه لازم تفرغينها ولا بتذبحك من الهم وعطي زوجك سبييييييس كبيير وراح يرجع لك تلقائي
في نظريه لدكتوره علم نفس زواجي اتابعها تقولك الرجل كالمطاط يروووووووح من يدك ويرجع يلصق فيك اقوى ويرووووووووووح ويرجع لك اقوى ف اذا راح انشغلي واذا لصق الصقي وربي يسعدك ويفرج همك ويخفف عليك

الرجل كالمطاط يروووووووح من يدك ويرجع يلصق فيك اقوى ويرووووووووووح ويرجع لك اقوى

تكبير لبقية العضوات ..اشكرك على النصيحه نوني

اخاف يلصق ولاعاد يطلع او يروووووح ولاعاد يرجع
الرجل معادلة صعبة ليس كل الرجال بخضع لتلك الاقوال

__________________
سبحان الله وبحمده سبحان الله العظيم

انا بالعكس اشوف لازم المرأة تلصق بزوجها وتداريه وتخاف على زعله
لان لو ما سوت كذا يمكن يتزوج عليها او يطلقها ويدورلوا وحدة ثانية تهتم له

شاطيء الراحه
على حسب المطاط اذا هو من ابو ريالين اكيد بينقطع ومعاد بيرجع بس اذا اصلي بيظل طول العمر يعمل النظريه دي واقصد بجودة المغاط معدن الرجال ..



مهندس اغلب ردودك اذا المرأه عوجا تنصح بالطلاق ولا الزواج عليها
ترى الموضوع مش بالسهوله دي ولا كان سوواها العالم قبلك فقرة انك ترتبط وتدخل امرأه حياتك وتحوسك حوس ترى مب سهله حتى لو كانت عوجاء حتصبر وتجي تنزل موضوع تطلب مشورتنا ف اعوجاجها

سبحان الله
اختي انتي انثى ... استخدمي عاطفتك . وحنانك فقط. لماذا تكابرين ؟؟ لاشيء يستحق
اظهري قلقك وحبك لزوجك .. حتى لو كان يمثل او يكذب ... يمكن هذه طريقته في لفت انتباهك
لماذا اصلا (( تحدينه)) يستخدم هذا الاسلوب ؟؟!! انتي من خلق هذه الوحشة بينكما
راجعي تصرفاتك جيدا ... زوجك يبحث عن الاحتواء ... حسي فيه
اسمحي لي اجدك قاسية .. وكلامك له جارح .. وتتعاملين معه بخشونة .. كوني اهدء من هذا
ربما كانت له مواقفه السلبية هو ايضا لا ادافع عنه ... كما انك تعانين من اعراض مابعد الولادة وغيره من الاسباب التي اوصلتكم هنا
انفضي كل هذا عنك وتجاوزي مابينكما واعيدي بناء الجسور ومدي لزوجك يديك واسعدي نفسك
لن تخسري مهما كانت النتيجة في كل الاحوال ان تجاوب الحمدالله وان لم يتجاوب لا تياسي حاولي مرة واثنين قومي بما هو عليك ... واتركي الباقي على الله

واضح انه مايستغني عني والدليل عدم تواجده في المنزل الا للنوم فقط وياكل عند اهله يوميا وجبه وحده فقط عندي


كيف يقدم لي تنازلات وكيف افاتحه بالموضوع اني ارجع اسويله كل شي يتمناه !!!

بقلبي اشياء كثير انكسرت صعب نرجع زي اول
لاني صبرت ع اشياء كثيره وماالقيت مقابلها ولاشي
عملت وفعلت وسويت وهو بس حابسني بين اربع جدران ولاطلعه ولامطعم ولاكوفي ولاحتى حديقه يطلع عياله ولا يجلس معاهم
😢لانه حارمني من كل شي حرمته من المساج والدلع وكل الاشيا الحلوه اللي ذاقها ماعدت اسويها وعبالكم حس لاوالله عادي عنده كل شي
وصلت لدرجه اني بالعلاقه ماالمسه ولاحتى بوسه وماشيه الحياه عنده مافي اي مشكله ،،
انا اشك بعقله بصراااحه هالانسان من تزوجته واحس فيه شي موطبيعي ومخبي عني
الاحساس مايعرفه ابدا

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

[COLOR="rgb(139, 0, 0)"]

الله يسمع منك انه يحبني اشك

اهلي موقريب عندي وودي والله اسافر لهم بس عشان اخليه يحس بقيمتي يحس اني بايعته
ولا انا ماودي اروح عنه
اساسا مايتصل الا اذا له حاجه عندي
وانا اذا اتصلت يشطفني شطف وماايرد ولاحتى بالواتس يرد دايم يقرا رسايلي ومايرد علي نبهته اكثر من مره مايفهم

انا احسه موطبيعي مدري ليش
زي البارح خلصت شغل البيت واخذت دش وانا بدورة المياه اتحمم
يدق علي الحمام فلانه فلانه اقول نعم يقول فيه ماء يصب وينه😳
اقوله انا قاعده اتحمم
المشكله شافني وانااخذه منشفتي وداري اني رايحه اتحمم

ماادري ايش فيه
انا كل شي يشوفه مني غلط واهله لو خطا هم الصح
يعني حتى مايطلع الايخبرهم وين راح لازم يمرهم يقولهم
بالنسبه لي ماله هيبه عندي ولااحترام يجي ويطلع وانا بمكاني
يعني بالله بوقف له واقهويه وامشي وراه رايح يلبس ولا يستكشف بالبيت وانا ادور وراه زي الدجاجه واخرتها يطلع


كنه مسحور مايقعد عندي نهاءي مستحيل يجلس الابحاله يبغى ياكل وبحاله يبي ينام

هذا انا ساكته عنه وصابره ومسويه نفسي ثلجه من البرود وهو ماتحرك
ىتدري شالمشششكله انه واثق وباصم بالعشره اني احبه ومااستغني عنه وانه مهما سوى قلبي يحبه واسامحه دايم [/COLOR]

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

اللهم امين وياك يارب العالمين


اول شي ايش يعني سبيس
الشوكلاه كرهني فيها حسبي الله بس تخيلي اطلبها عشر مرات بعد مااعيفها ويطيب خاطري يجيبها
كل شي يذلني عليه قبل اخذه حتى جوالي اللي بيدي جاني بعد ذل وطلعة روح
من بخل امه مفهمته ومحفظته ان اللشي لاجا بعد حسره ينحافظ عليه ويصير له قيمه

فهمته ان كل شي يجيني بعد طلعت روح اعيفه واكرهه وماله فرحه

ترى شحصيته شرقي جنوبي

قلبي مو مفطور وبس 💔💔

لاحيت اسولف معاه ع الفراش قال مو وقته ونام
طيب انت متى تجلس معاي عشان يصير وقته
والله اني ادعي ان ربي يبعدني عنه هو واهله بوظيفه تبرد قلبي وتسعدني
انهرت يوم ماتوظفت بصرااحه
يعني اذا انسان النقاش معاه عقيم وبدون فايده
ومااعرف عنه شي قلبه مسكر عني 🔑🔑
والصمت معاه عقيم بعد 💔بدون فايده
بذكر موقف يدل ع انه يذلني قبل اخذ الشي

جوالي انكسر الايفون ومايتصلح وقعد سنه كامله مااشترالي
نفسيتي اندمرت يشتريلي كشاف ويعطيني جالكسي مستخدم وكسرتهن بالجدران
لان امه قالتلي احسن ليش يشتري لك خليه يوم يجيبلك الجوال وله قيمه عندك وتحافظين عليه وماتستاهلين الجوال
سنه كامله انا وياه حرب ع الجوال
ويقول اربيك عشان تعرفين للجوال قيمه وتحافظين عليه
بقلبي ...حسبي الله على تربيتك وبيئتك الفاشله البخيله اللي تذل
واخرشي ثلاث شهور يمنعني عن السوق ومصروفي الف
كان معاي مبلغ ثلاث الاف
وراح اشترى ايفون وجابله لي بكيس واعطانياه وطرت من الفرحه حسيت بالفرحه من جد وضميته وشهقت من الفرحه وماقدرت اوقف ضحك من فرحتي فيه ولايحرمني ربي منك وشكرا حبيبي والله يخليك لي احبك وجلسنا وفتحت الجوال وركبت شريحتي فيه ويوم شغلته قال هاتي قيمته يلا وعشانك بنزل 500هاتي 2500
قلت يعني موهديه😳قال لا مو هديه
قلت من جدك عاد يلا بلا استهبال تسوي مقالب علي
عطاني نظره جاده وقال والله اذا ماجبتي2500مافيه ايفون
قلت والله مااعطيك ولاريال تبي ايفونك خذه واخذه ونزل شريحتي وراح بالايفون قال والله لابيعه
والله اني بكيت بكا من القهر ليش يفرحني ويكسر قلبي كذا ليش من الاول ماقلت هااتي فلوسك واشتريلك
الا يذلني على كل شي
بنفس الوقت شاري لامه ذهب بقيمه ست الاف وانا خاتم ماعبرني انجرحت انقهرت ليه انا ولاشي عنده

ويرجع يحاول فيني اسبوعين اشتريه منه وانا زعلانه وحلفت ماادفع له ولاريال
وطول الوقت زعلانه منه ويجيني بعد اسبوعين يجيب الايفون ويعطينياه يقول خوذيه حلال عليك انا طالعته بنظرات بغيت اقوله مابغاه بعدين قلت خوذيه يابنت لك ولا لغيرك
واخذته وماقلت له لاشكرا ولاشي اخذته ببرود ومافرخت فيه وقعد يومين بالدرج ماشغلته
حتى ابتسامه ماابتسمت له

لانه بدون نفس انكسر وماله شهر وصلحته ع حسابي مابغيت اجرحه واقوله بدون نفس

دايم تقولون لي اخلاقه والمشكله هو اللي يسب اخلاقي اني ازعل واني بس معصبه

انت سبب كل هالاشياء

انا انسانه مندفعه عصبيه اذا عصبت خلاص اكسر كل شي قدامي هذا اول ماتزوجت الحين اعصب بس مااكسر شي ولاانفعل زي زمان
فيه مواقف صارتلي اكره اتذكرها مجرد اتذكرها رقبتي تشد علي وارجف من ذكراها كيف طرياها

ذبحني التفكير لدرجه احسه مع علاقه او متزوج غيري او انه يكرهني وبيطلقني
وابحث بجوالاته وهو نايم ولاشي وفتشت سيارته يمكن فيه جوال مالقيت شي
دايم احس هالاحساس ماني حاسه بالامان معاه
ولا احس برحمته لي
احس باي لحظه راح نفترق

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً

اشكركم جميعا هو دايم مطاط بعيد عني عمره مالزق فيني ابدا

نفسي مره يرجع للبيت بدري عشان
نفسي مره يقعد عصريه ولامغربيه معاي
نفسي مره يتعشا معااي
نفسي مره يحس انه له زوجه وعيال وبيت
نفسي مره يجي ومعاه اكياس متقضي للبيت
مستحيل يجيب شي ماطلبته وطلباتي لازم ينقصها ومايجيبها كلها واعيد عليه مليون مره لين تطلع روحي والاغلب مايجيب
نفسي مره يفرح بعياله بعصير ولاشكو وهو جاي
شي مستحيل انه يجيب معه شي او يقضي اويفرحنا مايقدر استغفر الله وش يدل عليه احسه يكرهنا
ابي يجي بدري يترك الاستراحه يوم عشاني
مستحيل هالشي يصير
ومايفكر ليش طيب انا افكر فيه

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً