والله ي قلبي وش لك بالفضفضه وفتحت القلب خلي اللي بقلبه بقلبه وش شاغل بالك انتي .. ي روحي هو مو صاحبتك لازم تفضفض وافضل حل للفضفضه عدم المحاصره بالاسئله !! انا قبل زوجي سايلنت مايحكي كلمه عطيته سبيس ماشالله السوالف تنكب وطبعا مايبي رأيي بس انه بيقولها حتى لو عطيته رأيي بموضوع السالفه سكت ولا كملها فصرت اضحك واسأله وباللهي وصرت اعرف من يحب ويكره واسماء اصحابه واسم مديره اللي يعل قلبه وهكذا وكلها يبي لها صبر الصراحه لما يدخل معفوس وجهه ابدن ما اسأله وش فيك بس استقبال عادي كلها دقايق ويهل لي السبحه حتى اسرار اهله يقولي مافي شيء يخبيه والحرمه الذكيه تعرف تجرجر زوجها بالحكي على انه اللي عندي مايقر بالبيت بس جلسته قبل النوم معاي اجرجر منها سوالف الاسبوع كله 😂😂😂 هذي سوالف السرير على قولة خالتي تجيب العيد كله ..
من ناحية المصرف بجلسه هادئه قولي له ابي كذا وكذا وناقصني كذا وكذا بس لا تقولي اتمنى اغازل وواحد يصرف علي كويس انه ما جلدك كلامك قوووي جدا وبيمسكه عليك انتبهي ..
انتي زيي حايشك اكتئاب مابعد الولاده فهميه هالشيء عشان مايواخذك على زعلك وبرضو خذي فايتمينات ماترانا او زيت كبد الحوت وفيتامين دال لان نقصه يلعب بالنفسيه لعععععععب والفيتامينات تحسن النفسيه وتخليك اوك ان شالله وحبذا تاخذين مانع الا اجل غير مسمى لو تركبين لولب من وراه فقرة البزران ذي مخيفه وكمان لنفسك عليك حق اصبري كم سنه تحسنت اوضاعه بطبطي له ماتحسنت ثلاثه ولا عشره وانا اختك ..
فقرة مرضه الله يشفيه كانه صادق مع اني احسه جيوب انفيه بس يدلع عليك يبي اهتمام وي دهينه لا تنكتين ...

اما الحب لا اللي باين لي انه يحبك بس عنده سوء تعبير وبرضو واضح انك انسانه مندفعه
كثري تشوكليت فالشوكلاه تشفي قلبا مفطور وروقي وصيري ريلاكس اعملي جلسات استرخاء اقري روايه شوفي موفي اطلعي للبنات ارقصي اعملي تمارين جواتك شحنات سالبه لازم تفرغينها ولا بتذبحك من الهم وعطي زوجك سبييييييس كبيير وراح يرجع لك تلقائي
في نظريه لدكتوره علم نفس زواجي اتابعها تقولك الرجل كالمطاط يروووووووح من يدك ويرجع يلصق فيك اقوى ويرووووووووووح ويرجع لك اقوى ف اذا راح انشغلي واذا لصق الصقي وربي يسعدك ويفرج همك ويخفف عليك

اللهم امين وياك يارب العالمين


اول شي ايش يعني سبيس
الشوكلاه كرهني فيها حسبي الله بس تخيلي اطلبها عشر مرات بعد مااعيفها ويطيب خاطري يجيبها
كل شي يذلني عليه قبل اخذه حتى جوالي اللي بيدي جاني بعد ذل وطلعة روح
من بخل امه مفهمته ومحفظته ان اللشي لاجا بعد حسره ينحافظ عليه ويصير له قيمه

فهمته ان كل شي يجيني بعد طلعت روح اعيفه واكرهه وماله فرحه

ترى شحصيته شرقي جنوبي

قلبي مو مفطور وبس 💔💔

لاحيت اسولف معاه ع الفراش قال مو وقته ونام
طيب انت متى تجلس معاي عشان يصير وقته
والله اني ادعي ان ربي يبعدني عنه هو واهله بوظيفه تبرد قلبي وتسعدني
انهرت يوم ماتوظفت بصرااحه
يعني اذا انسان النقاش معاه عقيم وبدون فايده
ومااعرف عنه شي قلبه مسكر عني 🔑🔑
والصمت معاه عقيم بعد 💔بدون فايده
بذكر موقف يدل ع انه يذلني قبل اخذ الشي

جوالي انكسر الايفون ومايتصلح وقعد سنه كامله مااشترالي
نفسيتي اندمرت يشتريلي كشاف ويعطيني جالكسي مستخدم وكسرتهن بالجدران
لان امه قالتلي احسن ليش يشتري لك خليه يوم يجيبلك الجوال وله قيمه عندك وتحافظين عليه وماتستاهلين الجوال
سنه كامله انا وياه حرب ع الجوال
ويقول اربيك عشان تعرفين للجوال قيمه وتحافظين عليه
بقلبي ...حسبي الله على تربيتك وبيئتك الفاشله البخيله اللي تذل
واخرشي ثلاث شهور يمنعني عن السوق ومصروفي الف
كان معاي مبلغ ثلاث الاف
وراح اشترى ايفون وجابله لي بكيس واعطانياه وطرت من الفرحه حسيت بالفرحه من جد وضميته وشهقت من الفرحه وماقدرت اوقف ضحك من فرحتي فيه ولايحرمني ربي منك وشكرا حبيبي والله يخليك لي احبك وجلسنا وفتحت الجوال وركبت شريحتي فيه ويوم شغلته قال هاتي قيمته يلا وعشانك بنزل 500هاتي 2500
قلت يعني موهديه😳قال لا مو هديه
قلت من جدك عاد يلا بلا استهبال تسوي مقالب علي
عطاني نظره جاده وقال والله اذا ماجبتي2500مافيه ايفون
قلت والله مااعطيك ولاريال تبي ايفونك خذه واخذه ونزل شريحتي وراح بالايفون قال والله لابيعه
والله اني بكيت بكا من القهر ليش يفرحني ويكسر قلبي كذا ليش من الاول ماقلت هااتي فلوسك واشتريلك
الا يذلني على كل شي
بنفس الوقت شاري لامه ذهب بقيمه ست الاف وانا خاتم ماعبرني انجرحت انقهرت ليه انا ولاشي عنده

ويرجع يحاول فيني اسبوعين اشتريه منه وانا زعلانه وحلفت ماادفع له ولاريال
وطول الوقت زعلانه منه ويجيني بعد اسبوعين يجيب الايفون ويعطينياه يقول خوذيه حلال عليك انا طالعته بنظرات بغيت اقوله مابغاه بعدين قلت خوذيه يابنت لك ولا لغيرك
واخذته وماقلت له لاشكرا ولاشي اخذته ببرود ومافرخت فيه وقعد يومين بالدرج ماشغلته
حتى ابتسامه ماابتسمت له

لانه بدون نفس انكسر وماله شهر وصلحته ع حسابي مابغيت اجرحه واقوله بدون نفس

دايم تقولون لي اخلاقه والمشكله هو اللي يسب اخلاقي اني ازعل واني بس معصبه

انت سبب كل هالاشياء

انا انسانه مندفعه عصبيه اذا عصبت خلاص اكسر كل شي قدامي هذا اول ماتزوجت الحين اعصب بس مااكسر شي ولاانفعل زي زمان
فيه مواقف صارتلي اكره اتذكرها مجرد اتذكرها رقبتي تشد علي وارجف من ذكراها كيف طرياها

ذبحني التفكير لدرجه احسه مع علاقه او متزوج غيري او انه يكرهني وبيطلقني
وابحث بجوالاته وهو نايم ولاشي وفتشت سيارته يمكن فيه جوال مالقيت شي
دايم احس هالاحساس ماني حاسه بالامان معاه
ولا احس برحمته لي
احس باي لحظه راح نفترق

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً