ياهلا بمهووورة المنتدى الغااالية ذكرتيني بالحنة .. كنا أصحاب أيام زمان بس افترقنا بعد ما تعرفت على الصبغة مين فات قديمه تاااه يابنت ارجعي للحنة و سيبك من الكيماويات...ماجاني منها الا من امي و دمار شعري و الشيب اللي كنت اغطيه بالصبغه زاااااد.. خليها على الله بس أمي الله يرحمها كانت تخلط الحنة بالزبادي والبيض وزيت الزيتون والشاي .. وانا خذت عنها نفس الطريقة .. بس العرق المصري كان يطق عندي مرات فأحط كركديه بدل الشاي .. مع العلم اني ما أحب طعمه بس قلت أستفيد من لونه على الأقل الله يرحمها يارب... شكل هذه الخلطة كانت معتمدة عند الكل .. بس قولي لي فعلا الكركديه يطلع اللون الباذنجاني؟؟؟؟ المهم بدت الوالدة الله يرحمها في فترة تحط الصبار .. وهي كان شعرها خفيف وظل خفيف مثل ما هو .. فأعتقد أن الصبار ما يكثف الشعر. ماودي يكثف .. ودي بس اعالجه من الدمار الشامل اللي احللته فيه و اقويه و ارطبه الخ الخ الخ و حطيت سؤال في موضوع اخوكم الصغير و فعلا افادني جزاه الله خير و قال الصبار فعلا يقوي الشعر فا قلت استخدمه و اجرب بس باقترح عليج شي ثاني إذا عندج استعداد تجربين. تفضلللي ياعسل الجرجير .. ممتااااااز. اخ اخ ااااخ.. ياممهره الجود بالموجود .. لو القى الجرجير هنا باكله ما بحطه بشعري للاسف مو متواجد بمدينتي بتااااااااااااتا .. و اذا رحنا مدينة ثانية و حصلناه بالصدفة نتضارب على اكله ... على ذكر الجود بالموجود.. ذكرتيني بموقف حصل زمان احكيه؟؟ طيب مايهمك ... جو عندنا ضيوف و جابو عسل دوعني اصصلللي .. قيمته ذاك الشي و امي مخبييته و تستخدمه بالقطارة وقت المرض واللذي منه .. قامت محسوبتك تقرا بالنت فوايد العسل للشعر و طبعا زي ما اتوقعتي سويتي تقريبا 3 ارباع الدبة و خلطتها مع زيت ويتون و بشعري و لفيته بنايلون و رحت لامي .. سالتني ايش مسوية من ماسك قلت لها ... على طول باغتتني بالسؤال : ايش من عسل ؟؟؟؟؟؟؟؟؟؟؟ و بعد ردي عليها قعدت مصدوومة و طبعا غسلت شرااااعي .. استخدمته فترة ولأول مرة شعري يطول أكثر عن المعتاد .. وغلظ بس مب وايد. وريحته مقدور عليها نوعاً ما. ان شاء الله اذا رجعنا اجازة لارض الوطن بجربه هناك لانتشار الجرجييير بكثرة وشي ثاني .. الثوم. تجربتي طبعاً كانت قبل الزواج .. ولا أجرؤ على إعادتها الآن طبعاً |
لا لا لا ام مووودي هنا , .. وين الغيبة حبيبتي .. يارب المانع خييير .. و يارب تكوني و اولادك و اسرتك بصحة و عافية ..... كثري لي من دعوة ربي يقومني بلسلامة .. خااااايفة ماعليكي من كلام احد وزنك زاد ولا نقص اهم شئ انك بصحهو عافيه والحمدلله صدقتي .. بس ياختي زودوا فيها وصلت لتخويفي انه عندي سكر الحمل ..الله يعين بس .. حمستيني عالحنه ولو اني ما احب ريحتها صح ريحتها قوية شوية بس مش وحشة .. مستحملة يعني بس خليتيني افكر كانك بتوصفي شعري قبل ما تداومي عالحنه ولو حابة اوصف لك زيادة مستعدة بس خلي الطابق مستور .. فعلا حالته كانت يرثى لها و الحمدلله خلال شهور لمست فرق . و طبعا لازم المداومة و انا مقتنعة انه لعب 6 سنوات بشعري ماراح ينصلح ب 6 شهور و انما مختاح على الاقل سنة او سنتين .. فا يارب اقدر اكمل بعد الولادة و ما اكسل مع البيبي.. و ان شاء الله بوافيكم بالتطورات طمنيني كيف ريحتها ؟؟؟ والجرجير سمعت عنه انه كويس بس كيف طريقته ؟؟ |
مثل ما ذكرت.. مو بشعة بس قوية شوي .. و رغم اني احط خل و بيضة . بس ما تطلع لهم ريحة ابدا و ريحة الحنا هي الموجودة .. بس مع تبخير الشعر تروووح .. بالعكس احس انه وجود ريحة حنة بالشعر تخلي البخور يمسك فيه .. اصلا تدري عندنا اللي تحب ريحة البخور تمسك بجسمها .. تخلط حنة مع ماي و تسويه بجسمها و بعدين تغسله وو تتبخر .. على طول تمسك الريييحة و ماتروح بسرعة ,... الجرجير كثير سمعت عن فوايده و اكدت لي مهرة .. و طريقته مرة سمعت انه يخلط بالعصارة و يستخدم اما لحاله او مضاف اليه اي شي .. بس ياليت حد ياكد لنا اذا كانت هذه هي الطريقة الصحيحة و لا لا ؟؟ نووورتي ياغالية .. و لا عاد تقطعينا |
الغاليات نورة وأم مودي..
طريقتي في استخدام الجرير كانت اني أحط ربطة جرير في الخلاط وأحط معاها مجموعة زيوت حسب مزاجي وحسب المتوفر (زيت خروع ـ زيت الزيتون ـ زيت جوز الهند .. زيت السمسم .. زيت اللوز .. وأحياناً أحط حبة البركة نفسها) وأخلطهم كلهم في الخلاط .. بعدين احطهم في قنينة .. حلوة قنينة .. واخليها في الثلاجة .. وقبل الاستخدام اطلعها من الثلاجة قبلها بفترة لأن الخلطة بتكون شوي متماسكة .. واحط الكمية اللي يحتاجها شعري وارجع الباقي في الثلاجة. كنت أخلي الخلطة على شعري تقريباً ساعة أو ساعتين .. بس أحياناً أخليها أكثر لو ما وراي شي .. وكنت أستخدمها مرة واحدة أسبوعياً. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|