12-04-2012, 08:17 AM
|
المشاركة الأصلية كتبت بواسطة sulll6an
اسأل الله ان يشفيك ويعافيك .. ويمتعك بالصحة والعافية وان يرزق بالزوجة الصالحة ..
وحسبنا الله على من ظلمنا وسحرنا وحسدنا .. انوي وتوكل ع الله .. لا تجعل السحر والحسد حاجز وعائق ف الرسول الله سيد الخلق صلى الله عليه وسلم انسحر وانحسد مع ذالك قاوم وجاهد وتزوج .. اتمنى لك التوفيق .. |
12-04-2012, 08:29 AM
12-04-2012, 08:46 AM
|
المشاركة الأصلية كتبت بواسطة L0o0Ve
بسم الله الرحمن الرحيم اول شي اخوي وماعليش اسمح لي بس من كلامك احس انك موسوس لان اول شي مارحت تقرى عند قارئ واثبت انك مسحور او محسود عزيزي اللي مسحور او محسود مو شرط انه يبين عليه من اول مره يرقونه فيها يعني يحتاج فتره طويله عشان يبين هو مسحور ولا محسود ولا فيه مرض نفسي او مرض عضوي عزيزي تعوذ من الشيطان واتكل على الله وتزووج البنت اللي نفسك فيها وخل عنك الوساوس الزايده انا ماادري عن حالتك ولاكن فيك ترقي نفسك بنفسك واقراء المعوذات والسبع المثاني (الفاتحة) واقراء صورة البقرة ولاتوسوس اترك عنك الخزعبلات وقصص الف ليله وليله لو اراد الله بك سوء مااحد بيرده عنك ولو اراد الله بك خير مااحد بيرده وانتبه من الانترنت والمواقع اللي يقولك رقيا شرعية واتكل على الله وارقي نفسك بنفسك اشتر كتاب حصن المسلم واقراء منه قبل تنام وشوف الادعية اللي فيه والله يرفع عنا وعنك كل بلاء. اما بالنسبة للمقطع هذا "إلى إنسانة تؤانس وحشتي.. تحادثني وأحادثها.. تهتم بي.. تعطف وتحنو عليَّ.. تغمرني بعطفها وأنوثتها.. أجد فيها السكن النفسي قبل الجسدي.. ويطلق إحساسي بضعفها وأنوثتها طاقات ومشاعر وأحاسيس كامنة في.. بها أستكمل رجولتي ودوري في الحياة كرجل مسؤول عن أنثى.. " صراحة اقول ماالومك مابعد تزوجت قل ابي وحده تعل بي قل ابي وحده تشيب راسي قل ابي وحده تقهرني في نفسي لان هذا اللي راح تحصله من الزوجه (الا من رحم ربي) ماابي اضيق صدرك بس انت مندفع للزواج وبتشوفك البنت كذا بتخلي لياليك سوود اسال مجرب اهداء وفكر زين والله يوفقك الى مايحب ويرضى |
|
المشاركة الأصلية كتبت بواسطة رجل حليم
اخي العزيز ..
اذكر لي الاعراض و المشاكل التي تعاني منها .. و بررتها علي انها سحر و حسد .. و ليس كل مشكلة يعاني منها انسان تكون من السحر و الحسد .. فأين الإبتلاء إذا ؟؟ قد ترقي نفسك و لا تحصل علي نتيجة و السبب انك لست محسود او مسحور و لكن مبتلي .. فادعو الله ان يكشف بلائك .. |
|
المشاركة الأصلية كتبت بواسطة نيوتيلا
اخي الكريم اسال الله العلي العظيم رب العرش العظيم ان يشفيك
تمنيت ان يكون معرفك في المنتدى بغير هذا الاسم فلو انك سميت نفسك بمعرف فيه جرعة من التفاؤل والأمل لكان اجدى لك واسمح لي ان اؤيد الاخ lo0ove في نقطة التوهم بالمرض فلربما اقنعت نفسك بالحسد وتصرف جسمك بناء على قناعتك هذه ولكن عليك بالرقية الشرعية والتحصين واذكار الصباح والمساء وايضا عليك بالتفاؤل ويبدو لي انك شخص مثقف ومتعلم وعلى خلق ودين نحسبك كذلك والله حسيبك ولانزكي على الله احدا ولذلك الزم الاستغفار واطرق ابواب السماء وعليك بسهام الليل التي لاتخطئ وتقدم للخطبة ولكن عليك ان تحيط اهل الفتاة بظروفك ووضعك ليكونو على بينة اعقلها وتوكل واجعل التفاؤل والأمل نبراسك في الحياة فلاشي صعب ولا مستحيل مع الايمان واليقين بالله والزواج سكن ومودة ورحمة وسيستقر وضعك ولكن اخي الكريم حبذا لو ذكرت لنا الاعراض مثلما طلب الاخ رجل حليم فبعض اعراض الحسد قد تتشابه مع بعض الامراض النفسية ولربما كان علاجها بزيارة استشاري نفسي والله يوفقك ويفتح عليك فتوح العارفين بفضله |
12-04-2012, 08:49 AM
|
المشاركة الأصلية كتبت بواسطة جيفارا aD
اخوي الكريم اقرى اللي بكتبه الحين بالتفصيل واتركك من اللي ينكر وجود السحر على الناس وينعت الناس بالجذب .. او مثل الخت نيتشه اللي تقول اي حد يمسه عين او سحر او هالامور يحب يعيش فيلم رعب ناس تنكر مصايب غيرها بتعبير غير موزوون
واقرى اللي بكتبه بالتفصيل .. وبس يصيبهم اللي صاب غيرهم بيعرفون معنى التوهم على حقيقتها اسمحلي بس اودي الخدامه اطرش فلوس لاهلها وارجع اكتبلك امور بتهمك ان شالله |
12-04-2012, 10:28 AM
12-04-2012, 11:49 AM
12-04-2012, 02:17 PM
12-04-2012, 02:30 PM
13-04-2012, 04:34 AM
|
المشاركة الأصلية كتبت بواسطة جيفارا aD
اخوي الكريم .. بتركلك اسم الكتاب وعنوان الموقع المذكور فيه اسم الكتاب .. الإبتهاج بخلاصه العلاج بالنسبه للموقع WWW.EBTIHAJ.CO.AE .. هالكتاب عطتني اياه مطوعه كانت تحاضر الحريم على ايام امي المرحومه يوم تتررد لمجالس الذكر .. هالكتاب علاج من غير معالج ويبالك من صميم تقراه مرتين الصبح والمسى عباره عن ثلاث مجموعات .. وعدد صفحات الكتاب 70 صفحه كل مجموعه من 6/7 صفحات .. وتقدر تحمله من الموقع ومنه اشرطه وسيديهات مسجله .. اخوي وايد مفيد لك الكتاب يحدد لك ان فيك عين او مس او حسد وشارحيلك طريقه كل واحد . ولازم اواصل41 يوم الفترة الاولى 21 وبعدها ينتهي السحر والمس باذن الله ء العارض الفتره الثانيه 10 ايام نقاهة مابعد المرض لشعور المريض بالفراغ والحزن والإنطواءعلى نفسه والبكاء وسببه الفراغ الذي شكله له له العارض الفتره الثالثه الايام 10 تكون فتره بناء النفسي والجسدي الجديد وبعدها يشفى باذن الله وصارن 41 وضروري تسجل كل مرة تنتهي من القراءه عشان ماتتخربط بالنسبه لتجربه الام اللي سبق وذكرتها هذي تجربه اختي الشخصيه من خلال معانتها مع السحر من قبل ام زوجها الله يسامحها واستمرت مع المعالج وقرت الكتاب وعالجت نفسها التجارب تجبرنا نصدق ونؤمن .. يوم كانت مع صديقتها رايحه للمطوع يقرى على صديقتها .. المطوع فز وقال انتي مسحوورة لاختي موب صديقتها ومن يومها عرفنا كل شي صار لها والمطوع مابيجذب هذا امر مذكور بالقران .. وصادف السحر مدفون بالرمله الحمرى بالامارات ومسواي في عمان عند بعض السحر الله يكفينه شرهم .. والحمدلله تخلصت منه شوي شوي وانفجت كل العقد بس مرات تمر بحاله نفور من زوجها وتكرها ومرات تقول اجوف شخص مسيطر عليها وهي تقوله ماباك انا متزوجه ومن هالامور.. ويووم احملت بولدها الاخير واايد تعبت واستمرت بالعلاج من هالكتاب وفوقه مع المطوع والحمدلله اخوي اختي اليوم تخلصت نهائيا من اثار السحر ومرتاااحه الله لايغير عليها .. بعد معانا استمرت طويله واايد وان شالله ماتستمر معاك هالمده .. اخوي سهل سهل سهل ننكر وجود هالامور وننعتها بمجرد تفاهات بس اللي يعيشه ويذوقه ويعرف انه شي مؤذي وشي متعب ومرهق وتكره نفسك وودك تتخلص منه راح يتمنى انه مانكر هالشي ووجوده .. السحر المس العين الحسد امور عايشناها وتجنبنا الخوض بالحديث فيها لوجود عقول تنكر تجارب غيرها وتتهم بالتوهم .. لانه ماعايشت اللي عايشها غيرها ولاجربت معنى الاام من هاالمور والخوض بالعلاج متعب كثيراً ويحتاج صبر الحسد ساعات يطرش الانسان لقبره العين حق وان كانتمقصوده المس جن ذكرهم الله بالقران الكريم وهم يعايشون البشر السحر جرم كبير بحق من يصيبه اتركك من الناس اللي تنكر وجود هلااشياء هالامور مذكورة بالقران وتجارب الناس تثبت هالشي .. بس الحمدلله اللي بفضله وفي امور وايده كنت بطرحلك اياها هالشي مايحقلنا نجذبه لانه موجود ومذكور بالقران وانت اهني بتتعرض لانتقادات عقوله لاتفقه بما اتااه الله وذكره بالقران الكريم وهذا اللي خلاني اتجنب الخوض بهالامور اللي تحصل وذكر تفاصيلها |
13-04-2012, 04:42 AM
|
المشاركة الأصلية كتبت بواسطة L0o0Ve
ماعليش بس تصحيح انا ماانكر وجود السحر او العين او المس ولاكن فيه امراض عضويه ونفسيه توهم المريض باانه ممسوس او مسحور وفيه ناس كثير راحت للرقاه واخر شي بعد كم سنه يكتشف انه مرض ويكون قد تمكن منه اكثر واكثر وفيه بعض الرقاه (لااعمم على الجميع ) يستخدمون اساليب منها الضرب والحبس ويجلس يدعس على المريض واخر شي يكون فيه صرع
انا يااخوي ماابي لك الا كل خير والله ولاكن المسحور ماايدري عن نفسه حتى وتحصله يكره المساجد ويكره الصلاة وسماع القرأن ويكون مغيب يعني اغلب اوقاته يكون كالنائم مايدري وش اللي حصل واحسن مثل الرسول لما انسحر كان يخيل له انه يأتي اهله وهو مافعل ذلك ونقطه ثانيه اللي افهمه من كلامك ماقد رحت لاي راقي مباشره يعني كله على الانترنت والانترنت فيه احتيال كثير . اتمنى انك مااتتسرع وتحكم على نفسك انك مسحور حتى تتأكد بعد متابعة القراءه عند احد الرقاه يااخي امام اقرب مسجد لك اشرح له وضعك وقله يرقيك واتوقع ماراح يقصر معاك ولاتنسى ترقي نفسك بنفسك لان هذا اهم وانفع من اللي يروح عند راقي شرعي والله يوفقك انشالله واشوفك عريس وبزرانك يمشون وراك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
