حبيت اتتطمن عليك

اما بالنسبه للمواجهه فانا ضد انك تتنازلي وتكلمي هالاشكال

وكمان يمكن تسم بدنك بكلمتين انتي في غنى عنها

الله اهون عليك

العفو حبيبتي لاشكر على واجب
غاليتي //
أوقفي التفكير في البحث عن حلول لموضوعك حاليا
مارسي حياتك الطبيعية من شغل وخرجات وجمعات عائليه .....الخ
بعد ماتقومي بالسلامة ان شاءالله
راح يكون تفكيرك وتركيزك اكثر واقعيه وعقلاني جدا ان شاءالله

اما بالنسبة للمواجهه انا معاك بهذه النقطة
لانه هذا الشئ بخاطرك ومايغيب عن بالك
خاصة التساؤلات الكثيرة اللي بقلبك وماراح تلقى لها إجابة غير بالمواجهه فقط
المواجهه لابد منها بس اصبري الى مابعد الولادة بحيث تكوني بكامل صحتك حتى اذا سافرت للدراسة لابد من ان ترجع وقت الإجازات وتقدري تواجيها وتستفسري عن كل شئ بنفسك
وانتي ماشاءالله واضح ان شخصيتك قويه وماينخاف من ردة فعلك ان شاءالله راح تكون عقلانيه وايجابيه بعيدة عن التهور والإنفعال الطائش الذي لافائدة منه..

أما بالنسبة لزوجك ورغبة الطلاق //
ايضا ابعدي اي إجراء واي تفكير حاليا ربما تقدمي على شئ تندمي عليه اشد الندم
بعد الولادة إن شاءالله راح تتغير نفسيتك وتفكيرك ايضا يصبح اكثر ايجابيه .

*لو بقى بقلبك قليلا من حبك لزوجك وأبو طفلك
حاولى تنمية هذا الحب حتى يسترد شيئا فشيئا

*إذا حاول تكرار ومرارا استرجاعك ولم ييأس هذا دليلا على حبه لك وندمه الشديد في ذلك
ومحاولته إصلاح مافسده وهدره في غفله ولحظه شيطانيه بعيده عن الخوف من الله .

* إذا تملكي القدرة على المسامحه والصفح والغفران فلاتبخلي على زوجك وحبيبك وأبو طفلك منها
فأنتي كريمه في عطاءك فأستمري في ذلك ولك الأجر إن شاءالله

*لاتدعي للشيطان مكانا بينكم..

فنحن النساء في أي موقف صعب وشديد نتعرض له
نغضب ونزعل ونتسرع في اتخاذ القرارات ونندم فيما بعد أشد الندم

*حاولي أن تكوني غير تلك النساء
-مميزة بقراراتك. -حازمة في شروطك.
- متمسكة بحقوقك وواجباتك . -لينه ومسامحه في بعض الأمور.

أتمنى لكِ حياة مليئة بالسعادة والإستقرار

__________________

انا رائي من راي اختي

وردة بين الثلوج

__________________

اختي العزيزة فعلا قصتك مؤلمة جدا
لكن نصيحتي لك لا تغلقي باب الصلح طالما اعترف بخطئه وندم عليه وتاب ولكن بالمقابل لا تدعي الامر يمر ببساطة اي ان تعودي دون شروط
قد تعتقدين اننا لا نحس بما تعانينه عندما ننصحك بالعودة ولكن اختي الغالية انت حامل وطفلك لا ذنب له فيما حدث فلماذا يولد محرما من أحد ابويه
ولماذا لا تعطين زوجك فرصة ثانية يكفر بها عما حدث؟
اما بالنسبة لتلك الخائنة اعتقد أنه من الأفضل ان ترسلي أمك لتعلم امها من يدري ربما لا زالت تحاول الاتصال بزوجك وتتصيد في الماء العكر بغية الزواج به اما انت فليس من الضروري مواجهتها حتى لا ترى انفعالك وضعف مشاعرك
احتسبي عند الله وعليك بالاستخارة في كل خطوة تخطينها
والله المستعان

__________________

الكثير ينصح بعودتك لزوجك وانا ساكون محايده لاني لاعرف هل ماحدث نزوه او انه متعود على ........

لكن انصحك اذا قبلتي العوده ان تشرطي عليه ان يعمل تحيل دم وتتاكدي من سلامته من مرض الايدز

لانه للاسف منتش عندنا من كثر هالبلاوي

الله يفرج لك ويسعدك

اختي العزيزه
الله يكون بعونك قصتك مو هينه ابدا ربي يصبرك علي مبتلاك و يعوضك خير

__________________
( ربنا لاتؤاخدنا ان نسينا او اخطانا ربنا ولا تحمل علينا اصرا كما حملته علي الذين
من قبلنا ربناو لاتحملنا مالا طاقة لنا به وعف عنا وا غفرلنا وارحمنا انت مولينا فانصرنا علي القوم الكافرين)

انا مع الاخت ورده بين الثلوج بس بشرط انو تكوني قادره على العيشه معاه خصوصا انك شفتي كلشئ قدام عينك فالبتالي ممكن ترجعي له وتعيشي حياتك في عذاب وماتقدري تنسي اللي شفتيه فلا تضغطي على نفسك خذي وقتك حاولي ماتتسرعي بقرار الطلاق ولابقرار الرجوع

__________________

بصراحة اللي بتقول كلام أنو ارجعي لزوجك و كثير ستات بيراقبو أزواجهم بيخونوهم و كلام مثل كلام الأجانب يا عالم الخيانة شئ و الزواج بالحلال شئ ثاني أما الزاني فلا يستاهل وحدة عفيفة تربط مصيرها به أنا أشوف ممكن الرجوع في حالة تاب توبة صادقة و بانت توبته غير كدة إيش اللي بيربط فيه ادعي بس أنو الله يقويك و يعوضك أحسن منه

__________________
حب الصحابة كلهم لي مذهب ....ومودة القربى بها أتوسل

هذا حكم الدين فيه اعدام ، ، ، ولا يلدغ المؤمن من جحر مرتين
الواحد ممكن يضع خط رجعه للصلح ولكن هناك خطوط حمراء لا يمكن انها تحل بالمسامحة والصلح.
مثل الزجاج مستحيل انه يعود لسابق عهده بعد تحطيمه الا اذا اعيد صهره بنار تذيب كيانه الحالي وتظهره بكيان جديد،،
أنا ضد الفراق وتأييد حدوث الشق والفرقة ،،
واعتقد انك زوجك يحتاج درس يصحيه ويحسسه انه بتصرفه خسر شئ لا يعوض باعتذار بل بنار تعيد كيانه من جديد

__________________

الموتة واحدة فاجعلها شهادة في سبيل الله

مسا الخير بنات

تطورات كثيره صارت هاليومين لازم اقول لكم عنها

جو اهل زوجي مع زوجي المصون علشان يعتذرون ويصلحون الوضع

كسرت خاطري ام زوجي مره حبابه وماتوقعتها تبكي بهالحرقه ...

الزبده ان صار مد وجزر وهواش وشد ولين يعني من كلووووو ....


طلب زوجي بالاخير انه نتكلم بروحنا ..

وافقت اب اشوف وش عنده .... وش يبغى يبرر بعد ؟

ماعلق على اللي سويته بالشقه لان ماله عين اصلا واللي سويته ولا شي

جلس يتكلم ويبرر انه كله منها وهي اللي لزقت وانه مايحبها بس نزوه ومن هالخرابيط

ودي اسامحه بس والله والله مو قااااااااادره احس لو بعيش معاه مره ثانيه يمكن احتقر نفسي

ولا بعامله زين ...

قلت له تدق عليك الحين ؟ قال لا من ذيك الليله مادق ولا دقت

هه تحسبني بصدقك زي اول ؟

جلس يحلف عالمصحف ومدري ايش

طيب قلت له اسامحك بس بشرط ...

ماصدق على الله اجيب طاري المسامحه

المهم طلبت منه انه يقول لها بنفسه وانا اسمعه انها كانت نزوه وانه يحتقرها ومن ذا الكلام

قال الحين اتصلي فيها واقول لها قدامك ....


لا لا ياحبيبي مو الحين ....

لما انا اتصل فيك واقول لك يالله يعني يالله .....


طبعا اكتشفت ان عندها رقم خاص بس لزوجي وهو سيد الحسن برضه نفس الشي ( امحق )


يوم الخميس الظهر رحت بيتهم وانا ادري انها مو موجوده لانها تشتغل حاليا تطوع باحد الجمعيات

والله ومتطوعه بعد !!!!

المهم رحت وانا ارتجف والله بس ماسكه اعصابي مررررررره ومسويه نفسي بارده

امها اللي استقبلتني ومسكينه كسرت خاطري بس حرتي اكبر

وجلست تشره وتقول ماتجين وبنتها متغيره وماتاكل ...بالطقاااااااق جعل الزقوم يكون غداها وعشاها

قلت ياخاله ابستنى ( فلانه )...

وسألت عن مرة اخوها متعمده ... وقلت واحشتني موووووت ابغى اسلم عليها وانا قصدي انها تسمع

كل اللي يصير .....

جت مرت الاخو وجلسنا سوا وحسافه ان الزفته ماعندها خوات بس اخو واحد....

شوي الا هلت ست الحسن والدلال وتمنيت ان لحظة ماشافتني خذت لها صوره

وجهها صار اصففففففر وزي اللي يدها قامت ترجف طبعا سلمت علي بيدها وانا احس فيها ترجف

وانا اسألها ببرود....شخبارك ؟علامك ماتسألين ؟ورا متغيره ؟

حسيت انها بتخق خلاص...قالت بالاذن بروح ابدل ...

قلت بصرخه ( لحظه ) ......عندي لك امانه ابغاك تاخذينها

امها ومرت اخوها استغربو لهجتي يسألوني شفيك ؟شصاير ؟

وتناظرني بنظره حسيت انها استعطاف انو بليز لا تقولين شي... اسوي اللي تبين ...

قلت لها ....

زوجي يسلم عليك كثييييييييييييييير ويبغى يقول لك كم كلمه من القلب يا حبيبة القلب

بنات لا تسألوني عن حالي ذيك اللحظه حتى صوتي يرتجف بس ماحبيت ابين اني شوي واطيح



اخذت منه جواله اللي كان يكلمها منه وفيه كل الرسايل ....ورقمها طبعا .....

اخذته ودقيت منه على جوال زوجي الاصلي وحطيته على السبيكر وقلت ...

.... ياروحي قل اللي قلت لياه امس ....

تكلم زوجي وهي احسها خلاص ... وامها ومرت اخوها احسهم مو قادرين يستوعوبون ....

وزوجي يتكلم يقول لها انتي حشره لزقتي فيني وانا متزوج صاحبتك وجيتيني الشقه وانا صديتك

وانا احب زوجتي ولا احب هالخرابيط ...ومن هالكلام اللي يسم

طبعا انه صدها كذب بس علشان نبين حقارتها ... وطبعا مستحيل بتقول لاهلها .. انا رحت ونمت معاه ...

الزبده وهو يتكلم كان يسجل الكلام ....

هي حسيتها انهارت خلاص وامها جلست وخفت تجيها ازمه قلبيه وابتلش لان وجهها كان اصففففر

ومرت الاخو مو مصدقه مفهيه ....

الحمد لله ان ابوها مر بذيك اللحظه الحمد لله لان قلت اكيد الام ومرت الاخو بيسترون على البنت

وانا ابوها اسميه عمي وخلاص متعوده عليه ...

قلت ياعمي ....ذي الامانه لبنتكم ....(اللي هو الجوال ) وفيه كلللل شي

ناظرني وهو موب فاهم يقول اي امانه ؟؟؟

قلت خليها هي تفهمك .....



سلاااااام .....


وطلعت ومرت الاخو كانت تنادي تقول لحظه لحظه وانا ما وقفت طلعت على طول مدري وش تبي .....

الجوال هذا ....

فيه رسايلها لزوجي ....

شي من جوالها الثاني اللي مطلعته ..... وشي من جوالها الاصلي .....

انا مسحت كل الرسايل اللي كان مرسلها زوجي وخليت رسايلها ....

بتقولون حتى هي بتوري اهلها رسايل زوجج ؟

بقول ربكم كريم...

زوجي كان يراسلها على جوالها الثاني اللي مطلعته واللي مايدرون عنه اهلها ويراسلها من رقمه الثاني

لما بتوري اهلها الرسايل اول شي بيكتشفون ان عندها جوال ثاني....ثاني شي بيشوفون الرقم انه مو رقم زوجي الاصلي ....بطاقه بدون اسم ....

ورسايله اللوح كلها مافيها شي يدل انه هو فلان ...

لكن هي الغبيه كانت تراسله احيانا من جوالها الاصلي اللي يعرفون اهلها ....وكانت تكتب اول مابدت تراسله

انا فلانه .....ومفتخره بعد الغبيه ....


بس وش اللي صار بعدين ؟

مدري ولا يهمني وبالطقااااااااااااااااااق .....ولاول مره من صارت السالفه ابتسم ...طلعت وانا مبتسمه

خربت بيتها ؟؟؟!

ايوه خربت بيتها لحد يلومني .... خل اهلها يلمون بنتهم .....

خل يأدبونها ....

اللي سويته فيها حرام ؟؟؟؟

ادري اللي سويته منذله بس خلاااااص لو ماسويت كذا كنت راح انجن والا اموت

تستااااهل ولا بمتحسفه ابدا ابدا ....

الحين طلعت قدام اهلها ان هي اللي لزقت بزوجي وهو اللي يصدها ومايقدرون يثبتون عليه شي

ورسايلهم كللللها ناسختهم بجهازي...




بعدين لما كلم ...على باله اني سامحته خلاص وصافي يا لبن ...

خليت اخوي يرد عليه وقال له ....تقول لك اذا ولدت بالسلامه تفكر تسامحك والا لا .....

ومن الحين ليما تولد ماتبي تسمع صوتك ولا تشوفك ولا تقرب من البيت ...




احس اني مرتاحه الحين ...

مو كثير

بس طلعت حرتي

اما بالنسبه له هو روميو زمانه ....

من جد مالي خلق افكر زياده .... برجع لدوامي بكره ....واذا ولدت بفكر .....ويحمد ربه بعد ....

واذا طلق قبل كذا ابرك من ساعه ....بس مااعتقد بيطلق لانه يبغى يرجعني بأي طريقه.....



وبس



شرايكم باللي صار ؟