19-05-2009, 01:29 AM
|
المشاركة الأصلية كتبت بواسطة تاج العروس
مو هل الدرجه اختي العزيزه هذا اللي سويتيه خطا لان صديقتج راح تفرح وزوجج غلط وندم وانتي رحتي فضحتيه عند الكل ليش
ياما نسوان شافوا خيانات وسكتوا وبهل الحاله الزوجه هي صاحبة الموقف لان لازمه مستمسك مو تروحين اصبين الزيت على لفراش اشويه اشويه اختي يجب انت تتعاملي بهدوء وانتي دخلتي هنا على مود الاستشاره لازم متصرين على رايج اذا هوه تاب سامحيه وروحي لبيتج وانتظري الجنيين الي راح ايكون بين احضان امه وابوه المسامح كريم وشوفي اهواي من الاخوات الي تعجبوا من قصتج مارين بنفس الشيء صيري شاطره واستوعب الصدمه وخليه يجيلج وحب راسج وترجعين مسيطره ترى انتي اتحبيه اهواي وهوه اكثر وهذا شيء نادر بين الازواج لاتضعيه اختي العزيزه |
19-05-2009, 02:20 PM
19-05-2009, 02:36 PM
19-05-2009, 02:46 PM
19-05-2009, 02:54 PM
19-05-2009, 02:56 PM
19-05-2009, 03:00 PM
|
المشاركة الأصلية كتبت بواسطة ساعدني أنساك
هلا حبيباتي....
والله انبسط من اللي تبقى من قلبي على كلامكم وتشجيعكم اقول لسه الدنيا بخير ... في ناس توقف مع بعض .. خصوصا ان محد يعرف مشاعر البنت الا البنت مثلها تصدقون بنات .... اكتشفت ان اللي اصعب من مرحلة الصدمه بكبرها مرحلة مابعد الصدمه .. وانت تبدا تفك الخيوط خيط خيط وتبدا تحلل و تكتشف اشياء صارت من قبل وكنت تمررها بحسن نيه وانت تستوعب اللي صار بشوييييييييش وكأنك تشرب السم قطره قطره وانت تسأل نفسك باليوم الف مره ( ليه ؟ ليه ؟ ) وانت تناظر نفسك بالمرايه تدور على غلط فيك يبرر اللي صار تصدقون بعد وش عرفت ؟ ان اصعب وقت في هالمرحله هو الليل آآآآآهـ يا الليل لا جا الليل والكل دخل غرفته ينام وانت جلست بروحك بذي الزاويه والا على ذي الكنبه والا بذا المكان كل مكان تذكر فيه شي لا جا الليل وتزاحمو حولك الذكريات واحترت اي وحده فيهم تستعرضها قبل لا جا الليل وصار المكان هدووووووء الا صوت الساعه تذكرك بالوقت وتشمت فيك لا بغيت تبكي وعلشان لا يسمعونك تدفن راسك بالمخده او تحط يدك على فمك وتكتم الشهقه واصعب شي ... انك تبلع غصتك علشان محد يحس فيك ... والاصعب من هذا ... انك تلبس ثوب الكبرياء والشموخ قدام اللي حواليك وانت كل خليه بجسمك تصرخ آآآآهـ ... اليوم يابنات رحت الشقه ... تشجعت ودست على كل شي ورحت ابغى اخذ اغراضي قبل لا يجي هالاسبوع والله وربي خرت رجولي من على الباب مو قادره اوقف جسمي كان كله يرتجف كنت ابغى اصرخ من قمة راسي بس احس اني تبلدت درت بالمكان وانا مشمئزه من كل شي ... كل شي قرف .. كل شي احسه يضحك علي و اولهم السرير اللي اخترته انا وياه وتلوث بخيانتهم ... غرفة النوم اللي صابغينها بلون عنابي ... اذكر يوم قال عنه انه مره رومنس ودافي الصوره اللي معلقتها وانا لابسه فستان الخطوبه الوردي وهو ضامني ومبسوووووط ومحد قده والله و مرتب السرير بعد ذيك الليله السوده ... شفت رساله حاطها على التسريحه اللي فيها عطري المفضل الي استعملته الزفته في خيانتهم يدري اني بجي كاتب فيها اعتذار طويل عريض وانه يحبني وانها هي اللي لزقت فيه وانه كذا وانها كذا واني مدري ايش قريت نصها والنص الباقي احتقرت نفسي اني اقراه .... والله غصبا عني قلت ( هه ) يحسب انه بيبرر لي وبرجع بسهوله ؟ والا بقول له ( لا بليز سامحتكم اثنينكم واسوي روحي نسيت كل شي ) ؟ المشكله انه يدري ان عندي كرامتي بالدنيا كلها يدري ويستهبل اخذت اغراضي واللي بقى من كرامتي ... وقبل لا امشي من الشقه وادري ان اللي سويته شي تافه وزي الاطفال بس خل يقول اللي يقوله رحت بكل برود للمطبخ واخذت الزيت ودرت فيه على الشقه كلها واولهم السرير لطعت الشقه بالزيت ... طفله صح ؟ بعدين اخذت علب الببسي ورجيتها وفتحتها بكل غرفه بالشقه .... واخر شي اخذت البدل اللي شاريهم من برا لما كنا بشهر العسل وقصصتهم بالمقص وكتبت كلمة خاين بالمقصوص وفرشته على السرير .... ادري حركات بزران بس من الحره وطلعت ... والله كني اقص على نفسي بهالحركات .... المهم ماعلينا .... من الليله ببدا اقرا سورة البقره بإذن الواحد الاحد وببدا بعد بالاستغفار والحبوب المنومه اوعدكم بخففها شوي شوي لاني بعدني ابغى ادوخ علشان انسى تدرون ؟ اصلا حتى هالحبوب ما تخليني انام ... مقدر انام والله يمكن كل اللي انامه ساعه ونص الى ساعتين باليوم بس تخليني ادوووووخ واسترخي ويبدا عاد على قولة امي الكلام اللي يقطع القلب لاني اتكلم وابكي وانا مااحس .... مااطول عليكم بس بتواصل معاكم على طول والا بنجن وربي عالم على فكره .... في كثير تسائلو عن اسلوب كتابتي .. انا احب اكتب خواطر كثيييييييير ويبدا القلم يكتب عندي الا اذا مريت بحالة حزن اشوف نفسي اكتب ولا اوقف ... حتى اني احيانا اسأل نفسي معقوله انا كتبت كذا ؟ بس ماعليه تحملو اسلوبي اتواصل معكم على خير |
19-05-2009, 05:15 PM
19-05-2009, 05:26 PM
19-05-2009, 05:52 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
