والله عالم الحريم انا ماعرفه ولاادري ان كله تخبيب بتخبيب

زوجتي بتتأدب ان شاء الله خصوصاً انها فقدت أشياء كثيره كانت موفره لها اول

وصديقتها عاد الله يتولاها والله حسيبها عندي شغل وماني فاضي لمرمطة المحاكم والشرطة

توها تكلمني واتس اب

وطلبت زود مصروف للعيال رفضت وقلت هذا يكفي واكثر من كافي

قالت بشتري لهم ملابس قلت انا اخذهم واشتري لهم اذا انتي بتشترين شئ عاجبك اشتريه انتي من جيبك

قالت اذا وصلت الخدامه عساها بتقعد معاك الحالها بالبيت قلت ابشرك بتنازل عنها وبيعطوني فوق الاستقدام 4 آلاف ريال وبحطها عند اهلي الى ما اخلص التنازل

قالت ابوي مايقدر يودي العيال كل يوم هذي مسؤوليتك ارسل السواق قلت ابشرك كلمت المدرسه ووافقوا يدخلونهم بحركة نقل الباصات لان فيه ولدين بنفس حي اهلك اصلا ما بقى الا شهر تقريباً ويعطلون تبين الباص يجي ياخذهم او تتكفلون فيهم تودونهم ؟؟؟ قالت لا خل الباص ياخذهم قلت اوكي

قالت واخرتها معك ؟ قلت ما ادري اسألي فلانه وش نسوي وننتظر تعليماتها الكريمه بهالخصوص

قالت الحمدلله والشكر مريض انت قلت الحمدلله مافيني الا العافيه اذا تبين شئ للعيال كلميني غير كذا لاتفتحين معي اي موضوع انتهى خلاص .

وخلي فلانه تنفعك ماردت بس قرأت الرساله

ليت زوجتك تستوعب ان هالاشكال نوعين
كذابات والا فاشلات

معي بالدام تقول موكلته موس وهي اذا اتصل امر ياقلبي وسم ياروحي
واذا صار عنده مناسبة ابي اكلات تبيض الوجه
واذا رجعنا من الوكيند نلاقي عفو رقبتها وسمات من الليالي الملاح بالوكيند
طيب والموس اللي بلحلقه وش وضعه!!

والا فيه اللي فعلا تطبقه سواء من نفسه والا مرخيه اذنه ونسمع من هنا وهناك ان حياتها جحيييم وان زوجها من استراحة لاستراحة واللي متزوج بالسر و...

لااابد تستوعب زوجتك الدرس
ان حياتكم بصمة خاااااصة
انتم ترسمون ملاحمها بغض النظر عن تأطير المجتمع أو مخلفات تجارب الاخرين البي برضو ممكن المؤثر فيها متغيرات اخرى غير عن شدي واقوي وغيره..

كنت اتمننننى ان موضوعكم ماطلع برا البيت بيكون حله اسهل
اعرف تماما نوعية زوجتك
طيبة ومعدنها اصيل
بس غالبا الانسان اذا انفتح على الناس يبهره بعض الشكليات قبل لايفهم ماوراء الاقنعة والجدران..

اسأل الله تعالى ان يصلح الحال

واضح انها ندمانه
لكن اخي لا تثقل بالكلام ولا تستفزها او تجعلها تستفزك
اختف قليلا هالفتره

السلام عليكم ورحمه الله وبركاتة
أخي في الله تحملتك كفاية اقدر ما تمر به خاصة حينما يكون الاب ابنائة محور حياتة يريد أن يكون افضل الناس قراءة جميع ردودك للاخوات والاخوان حبيت مجرد النصح-

مسالة أخرى رفع قضية في المحكمة على الموضوع التخبيب فلا يا أخي أنت اكبر واكرم من ذلك فلا تهدم بيت صديقتها فربما لو عرف زوجها بامرها كان طلقها كيف بالحال لما يصل الامر الى المحكمة وكذلك اهلها
والعفو عند المقدرة وانت قادر وعندك الادلة لكن ما عند الله اعظم فكر فيها وسوف ترى أن كلامي صحيح ... لكن لا مانع من التهويش والتخويف لكن ليس التنفيذ

أن اصبت فمن الله وأن اخطت فمن نفسي والشيطان والله يوفقك الى ما يحب ويرضى

انا معاك انك ترفع القضيه وتشرشح صديقتها وفجأه كذا بعد كم جلسه قول تنازلت عشان ماتنتهي القضيه في صالحها وتكون أخذت درس ...

السبب اني معاك ترفع القضيه...
1- عشان زوجتك ماتحس انه ماعندك سالفه بس تجعجع ع الفاضي خاصه بعد رسالتها( الحمدلله والشكر)

2- عشان صحبتها تنفضح عند زوجها المسكين الي شهرت فيه وخربت بيوت الناس ع حساب تشويه سمعته ....

مع هذا الرد

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

أنا ماني عارفة اللي قاعدين يدافعون عن صديقتها ويقولون ليه ترفع قضية على اي اساس الدفاع هذا !! وربي أنا فرحت لما قال برفع قضية أجل تقعد زي الشيطان الرجيم توسوس في عقول الحريم انتو اقرو الكلام اللي كاتبته في المحادثة بالله فيه مسلمة تخاف الله تقعد تخبب بالطريقة هذي مستحيل ماتكون عارفة إنها بكلامها هذا بتخرب بيت زميلتها يعني التخريب مقصود لابد لها ولامثالها قرصة جامدة حتى لو مامشت القضية لأنه مستحيل أمثالها يوقفون عن التخريب هذي تكون هواية عندهم يعني خلصت من زوجته راح تشوف أحد ثاني وشوفو كلام زوجته الأخير واضح إنها لسة قاعدة تشحنها ماوقف شرها عنها ... لاحول ولاقوة الا بالله

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

يا اخوان ويا اخوات هم مايدافعون عنها

هم بس خايفين ان هالفضيحه تكون سبب بطلاقها فانا ممكن احل المشكله مع زوجتي وبالمقابل اسبب انفصال اسره

بسبب المحاكم والفضايح انا فاهم على الاخوان والاخوات

عموماً انا غضيت طرف عن الموضوع الى ما اشوف وش بيصير

والله يا البيت كئيييييييييييييييييييييييييييييييييييييييييييييب بدون عيالي ما اسمع ركضهم ولا سوالفهم ونكتهم ماعاد فيه استقبال حار لارجعت للبيت يتطامرون عند الباب ويتهاوشون من يتكلم اول دايم يتكلمون سوا ويتهاوشون اسكت انت اسكت ههههههههههههههه احس بكتمه من البيت اغلب وقتي عند اهلي وارجع البيت انام وبس

الله يسهل الامور احس اني لو استمريت بهالشكل شهر بستسلم

ان شاءالله يطيح الي براس زوجتك قبل الشهر ويجمع ربي شملكم على خير

اذا استسلمت ما بتقوم لك قومـة وفزعـة ثانية ..

اصبر .. واعتبر نفسك مسافر في دورة ووو

فكرة ! ليش ما تسافر فعلا لوحدك او مع اصدقائك .. خذ اجازه واعملها وخلها تحس انك عايش حياتك بدونها .. يمكن تفيق من عنادها وتحس بقيمتك