يا اخوان ويا اخوات هم مايدافعون عنها

هم بس خايفين ان هالفضيحه تكون سبب بطلاقها فانا ممكن احل المشكله مع زوجتي وبالمقابل اسبب انفصال اسره

بسبب المحاكم والفضايح انا فاهم على الاخوان والاخوات

عموماً انا غضيت طرف عن الموضوع الى ما اشوف وش بيصير

والله يا البيت كئيييييييييييييييييييييييييييييييييييييييييييييب بدون عيالي ما اسمع ركضهم ولا سوالفهم ونكتهم ماعاد فيه استقبال حار لارجعت للبيت يتطامرون عند الباب ويتهاوشون من يتكلم اول دايم يتكلمون سوا ويتهاوشون اسكت انت اسكت ههههههههههههههه احس بكتمه من البيت اغلب وقتي عند اهلي وارجع البيت انام وبس

الله يسهل الامور احس اني لو استمريت بهالشكل شهر بستسلم

اذا استسلمت ما بتقوم لك قومـة وفزعـة ثانية ..

اصبر .. واعتبر نفسك مسافر في دورة ووو

فكرة ! ليش ما تسافر فعلا لوحدك او مع اصدقائك .. خذ اجازه واعملها وخلها تحس انك عايش حياتك بدونها .. يمكن تفيق من عنادها وتحس بقيمتك

هههههههههههههههههه والله انهم كلموني البارحه يبون طلعه شبابيه للامارات

رحلات بر - وعالم فراري ووناسه الظاهر اني بسافر معاهم

رجل طيب جداً انت فعلا طيب جداً

اشكركم جميعاً على ردودكم اسأل الله لي ولكم التوفيق وأن يلم شملنا مع من نحب على ما نحب

اهلا وسهلا فيك في بلدك الثاني الامارات ، ننتظر قدومك على احر من الجمر

وترا عالم الفراري فتحوا جمبه او بالاحرى ملاصق فيه تماما اكبر مولات الامارات والمنطقة وهو مول ياس وهذا المول مره شرح ووناسة.. يعني تلعب في عالم فراري وبنفس المكان مول ضخم جدا تترفه فيه ، وفيه اكبر قاعة مغطاء او قاعة انارة طبيعية على مستوى الشرق الاوسط .

وعن زوجتك .. تراها بنت حلال وطيبه لكنها شوي متمردة وفيها عناد ، ولذلك حتى لو كانت غلطانه ما تحب تظهر نفسها غلطانه ، اما حكاية صديقتها .. صديقتها السوسة ما هي الاشرارة تشغل زوجتك كلما حانت لها الفرصة ، واعتقد لو تتبع مع زوجتك اسلوب العصا والجزرة افضل .. مره ترخي ومره تشد .

لكن بما انكم حاليا مشحونين جدا ، انت من مواقفها وهي من كشفلك لها امام اهلها فالافضل تبتعدون حاليا عن بعض حتى تبتعدون عن المشاحنات وتعيدون حساباتكم بهدوء بعيد عن الانفعالية ، ولذلك قلت لك سافر وتعال الامارات يمكن فترة النقاهة تعطيك مساحة اكبر في التفكير وتعطيها مساحة اكبر في مراجعة الحسابات وتصحيح الاخطاء .

بس لا تنسى لما تجي الامارات وتدخل مكان حلو .. مول او كوفي او ملاهي او شابه .. صور المكان وابعث الصورة لزوجتك على الواتساب

كلام الاخ منطقي جداً
لكن كُلّاً يؤخذ من رأيه ويرد إلا رسول الله صلى الله عليه والسلام
انتم الان مشحونين لذلك نصيحة لاتزيد الضغينة وتسافر

شي آخر السفر في حال البلدان الاسلامية الان اصبح فتنة !!!!
نعم والله فتنة والامارات حفظ الله اهلها الكرامة اصبحت شبهة لمن يسافر ،، والله لا اقصد الشعب الكريم
ولكن ان تذهب وتجد تسهيلات الفجور تعرض عليك الى باب غرفتك بالفندق وتجد المسكرات بالغرفة ونسخة من الانجيل في الخزانة .،، فوالله ماهذا هو السفر الذي به سبع فوائد!!
انت رحل بيتوتي ومتعلق بزوجتك وابنائك ولا اعتقد ان السفر مع شلة شباب عزاب يناسبك

لاتشعّب مشكلتك وتوغر صدر زوجتك وتفتح للشيطان منافذ اخرى يشعلها بينكم
استعن بالله واشغل نفسك بطاعة الله واذكر( فإدا فرغت فانصب)
واترك زوجتك اترك من الزمن تشعر بفداحة خطأها و النعيم الذي كانت تعيش فيه والميزات الرائعه التي كانت تنعم بها

نصيحة سبق وان كان بينكم طلاق لذلك لا تتساهل بحل المشكلة هذه المرة و اجعلها درسا قاسياً تفوق من غفلتها
فلن تذهب لأهلها كل يوم ولن تستطيع العيش بالوصع هذا في كل سنة شهر او شهرين !!!

بتسمع كلامي وانا اختك؟!
ادري انك تحبها وودك برجعتها
واللي ابقوله لك هو الوحيد اللي ينفع مع زوجتك
زوجتك لا ينفع معها حوار
ولا نصيحة
ولا اي شي الا انها تحس بالفرق وتذوق وتفقد النعمه
وعلى فكرة تركها للعيال مو من باب تضغط عليك
لا
من باب انهم عندك افضل حال من انهم عند اهلها
ابقول لك شي
لما اختلف مع زوجي واروح بيت اهلي اعيش حياة كريهه لا انا ولا عيالي
وهالشي يخليني اخليه ياخذ عياله، واقول اكرم لهم وافضل
تراها بتفقدك
وبتفقدك حيييييييييل
وبتفقد الحياة الجميلة المريحة اللي كانت عايشتها لكن مو حاسه فيها
بس السالفة يبي لها قوووووة وصبر منك
واهم شي طنااااش عالاخر !!
اسمع مني وانا اختك
انا حرمه وافهم في الحريم
ونوعية زوجتك كتاب مفتوح ، سهله وبسيطة وواضحة بس يبي لها شدة وعين حمرا
وترى عمري ما وقفت بصف رجل داءماً ادور عذر من تحت الارض للمراة
بس زوجتك يبي لها صدمه تصحيها
والمرمطة اللي بتعيشها في بيت اهلها هي اللي بتتعام منها