على فكره ترى هو اعطاني مهلة هذا الاسبوع عشان أبيع عفشي لانه لما رفضت اعطيه ال5000قرر مايجدد الايجار .. قلت لاتجدد عادي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لا تخربي بيتك علشان كم الف
عديها المره هذي وسددي الاجار
وبداية العام ان شاء الله
ادخلي جمعية بثلاث ارباع راتبك
كل الموظفات زي وضعك

نص راتبي يروح قروض ابتداء من هالشهر لاني شريت ارض واخذت قرض عشان ابنيها ونسكن واوفر عيه الايجار وبالاخير انا اللي اخرب بيتي!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لكن انا بتركه وبشوف وش راح يسوي .. اذا بقى على رأيه فهو اللي باع وما راح افكر فيه .. واذا رجع كلمني وحاول نوصل لحل وسط بتنازل عن قراري وقتها ماعندي مشكلة اذا اخذ ال5000كاملة..



وارجع اقول المشكلة ماهي في الفلوس .. ماهي اغلى من زوجي .. المشكلة في تفكيره اني ملزومةومجبورة اصرف على البيت وان المشاركة واجبة علي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

زوجك جالس يساومك،،وهذا أسلوب الإنسان القليل المروءة،،إذا رضختي راح يتمادى أكثر ويطلب منك تنازلات أكبر..
أختي أشوف موقفك صحيح،،استخيري واثبتي عليه.

شاف ماوراك رجال واستفرد فيك
اسكتي عنه ولا تطالبينه
اذا فعلا طلعك من بيتك والفلوس عنده ..........
واخذي منه موقف
يا يتعدل مثل الرجال ولا مايشوف شر
الحين لا اطفال ولا صرف ولا دلع
فوق هذا ما شاف منك الا هم وغم
لا اختي لهنا كفايه

أنا اشوف تتنازلين هذي المره وتعطيه الخمسه
بما انك تقولي انه راتبك خلاص كله قروض يعني من الشهر الجاي
إنتي اللي راح تطلبي منه مو العكس

لا ماراح اطلب منه يبقى لي نصف الراتب والحمدلله راتبي كبير بيبقى لي من الراتب مبلغ حلو ..

انا كنت اخطط نبني بيتنا ونفتك من الايجارونعيش مثل الناس واوفر عليه .. لكن بعد اللي سواه اليوم ماراح ابني الارض وبخلي مبلغ القرض معي وبجمع عليه وماعاد بيشوف مني ريال واحد كفايه السنين اللي راحت وانا اعطيه واساعده واهديه .. وبالاخير ما شاف من زواجي الا الهم والغم ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حالتي النفسية سيئة يدخل ويخرج ولا كأني موجودة ،، ارسل لي قبل شوي تبغي اكل قلت سلامتك ما ابي شي وهو عارف اني ما اكلت شي من الصباح.. وطلبت منه يصور لي اوراق وحطيت عليها فلوس قيمة التصوير وراح يصور من غير مايكلمني ..

حسبي الله ونعم الوكيل.. ابوي على فراش الموت ولا فكر حتى يسألني عنه او يزوره .. بعد ابوي مالي احدبالدنيا..

حتى اهلي احسهم ماخذينموقف مني لان زوجي مازار ابوي هو له اسبوع بالمستشفى الكل زاره الا هو.. عى بالهم انا مقصرة ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

فكره رائعة نفذيها وخلي شئ لك وللزمن

__________________
اللهم اصلح قلبي وقلب ابنائي