كلام اختي شوبارد سليم
بس حابه اقول لاختي شوبارد لاتخافين ان شاء الله ماتصيرين مثلهم
مو شرط كل واحده تخلف يتغير جسمها في اجسام ترد لطبيعتها
وبعدين يعتمد على الواحده واكلها في الحمل والنفاس
يعني اذا في الحمل تاكل وايد وبالمقابل حركه قليله وفي النفاس على السرير وتاكل 24 ساعه اكيد بتنتفخ
وبيصعب عليها بعدين ترجع في وزنها لكن اذا حاسبت على نفسها مااراح تتغير كثير
وفي حريم كثير وانا منهم في الحمل نتعب من الوحم وماناكل ونستفرغ دايما ومانشتهي شي
وفي النفاس تنسد نفسنا بعد ومانشتهي شي ونتلوع من الأكل وكأن احنا بوحم ثاني !!!
فهنا شي طبيعي بيرد الجسم مثل قبل وتظل الواحده شكلها كأنها بنت وماخلفت
يعني كله يعتمد على الواحده واكلها في حملها ونفاسها
واحيانا الزوج من حبه لزوجته يبيها كل شوي تاكل وتتغذى حتى تغذي وليده وترضعه
بس يكون فوق حاجتها وعادة مثل هالازواج الطيبين مايزعل لو تغير جسم زوجته
وبالمقابل بعض الزوجات ولو كانت تاكل كثير في فترة الحمل او النفاس فهي تحاول تسترد جسمها
وتسوي رجيم ورياضه حتى تعدل من جسمها

__________________