شوف يا خوي يا اخلاق
البنت او المرأة بشكل عام مو شرط لما تصدر منها شكوى او تذمر انها تقصد انك توجد لها حل
وهذا الخطأ اللي يقع فيه كثير من الرجال

تشوف المرأة تجيك وتقولك ..انا طفشانه ..او انا ما عدت احب الشغل ....او غيرها من التذمرات
بس ما تبي منك تعطيها حلول

تبي منك تسمع وتتعاطف

خلنا انطبق هالشي على موضوعك

لما تجي خطيبتك تقولك (انا زهقانه)
قولها ...انا حاس فيج يا حبيبتي (تعاطف)
ويش اللي مزهقك؟؟ (اهتمام)
تحبين اساعدك فهالموضوع؟؟ (مشاركه)

ولا تنسى انه ملامح وجهك تبين انك متعاطف معاها

واتبع هالموضوع دايما يا اخوي
وحط في بالك

ومو دايما المرأة تتحدث عن ما يضايقها لتحصل منك على حل ...بل لتحصل منك على تعاطف