شوف اخوي الزواج عمره ما يكون حل يعني الزوجه الجديده بتطلبها سندباده وياك......غريب امركم يالرياييل مواصفات زوجاتكم تبونها كامله, خلني اخوي اوضحلك الصوره من زاويه ثانيه وخاصه اني عايشه 90% نفس حياة زوجتك.
انت سرت اتدور على رزقك وتتغرب واتبهدل من مدينه للثانيه وهذي الحياه من اختيارك انت مب زوجتك, ما فيها استقرار لأي زوجه عندها اطفال.
في غيابك في مسئوليه متحملتنها زوجتك كامله وانت مسئول عنها اللي هي عيالك وبيتك تعتقد جزاء هذي الحرمه اللي تصون بيتك وشرفك وتربي عيالك انك تتزوج عليها ياترى؟؟ مش معقوله لا تعتقد يااخوي ان انت اللي تعبان ووحيد لا والله يشهد على كلامي غياب الزوج صعب على الحرمه اكثر لانها تحس ان وجوده هو كل حياتها بعكس الرجل اللي مشغول ومهموم بأمور ثانيه.
الحلول المتوفره نفس اللي اقترحتها على زوجي:
يغير طبيعة وظيفته في شركته.
يغير الوظيفه لغيرها.
تحط سائق يوديك لمدينتك بصفه دوريه لان 200 كيلو مب وايد يعني ممكن تسير نص الاسبوع.
تيب عيايالك وزوجتك في الاجازات المدرسيه علشان يملون عليك بيتك.
يعني شويةمرونه تحفظلكم حياتكم المستقره الله يديمها ان شاء الله.

__________________
لا تحرص على إكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد .
لو اطْلَعَ الناس على مآ في قلوب البعض لمآ تصآفحوا إلا بالسيوف "