المشاركة الأصلية كتبت بواسطة بحرينية ولكن

باقول لكم اللي بسيارة زوجي بس قولوا ماشاء الله وأذكروا ربكم..

أولا: بالدرج الأمامي..
أوراق السيارة الاستمارة والملكية والتأمين ووو..

ثانيا: التكاية اللي بين الكرسيين الأماميين:
عطرين على الاقل..
شنطة السيديات..
فواتير وأوراق مالها معنى..
واير الجارج للجوال..
معطرات للسيارة..
علبة نظارته الشمسية..
أحيانا الجواز.. عشان إذا دقت في راسه يدق سلف ويسافر..

أما النظارة الشمسية نفسها فيحطها فوق بمكان مخصص لها بالقرب من المصابيح..

ثالثا: شنطة السيارة...
على الأقل بسطتين..
صندوق العزبة.. يحتوي على فرن صغير ودلة قهوة وغوري للشاي..
وأيضا شاي وقهوة وهيل وطابي.. وبهارات وزعفران وملعقة معدنية وسكر وفناجين وبيالات ووووووووووو..
السليبينغ باق.. أو فرشة النوم..
متاكي عدد 2..
مساند عدد 2..
مقاعد رحلات عدد 2 ..
شنطة المصابيح اللي تعمل على بطارية السيارة..



أعذروني إذا نسيت شي..