السلام عليكم

اخوتي واحبتي اول مره اكتب في هذا القسم ........بس احس اني انهرت وصلت الى عنق الزجاجه

مشكلتي الخياااااااااااااااااااااااال

ماأدري هذا طبيعي ولا بديت أهلوس

بكل صراحه هذي قصتي اول مره اعترف فيها..................

كنت اتمنى اتزوج من دخلت الثانويه ...........لجميع الأسباب اللي تتوقعوها الغريزيه طبعا

(كأنثى ....كاأم ....)

طبعا ماكنت اعرف ايش الزواج وايش مواقفه وايش مسؤولياته

المدرسات يتغزلوا فيني

لما اروح اقبال احد المدرسات يجلسوا يتغامزوا علي وكل وحده ترمي لي كلمه

انت من وين ؟ انت انت انت

اتذكر مره دخلت اجيب دفاتر الطالبات

اول مادخلت غرفة المدرسات (كان المريول بني) يقولوا لي (تفضلي يامارون غلسيه)<<روحوا لباتشي واسألوا عنها ودوقوها تعرفوا ليش قالوا كذا

الطالبات الأكبر مني مراحل ماسلمت منهم.

كنت اتخطب كثيييييييييييييييييييييير

بس اهلي دائما يقولوا لهم بس تخلص الثانويه


اصبح عندي أمل اني بس اتخرج من الثنوي بأتزوج................ولكن لم يكتب لي نصيب

وتحطمت أمالي

دخلت الكليه وانا كل يوم اقول اليوم

طبعا حتى الدكاتره من سلمت منهم من تدليل ودلع وطلباتي أوامر تخيلوا الدفعه كلها اذا بغوا شي يجوني عشان اكلم رئيسة القسم

دخلت قسم أحبه (رياض الأطفال) وكل محاضره اسرح بخيالي زوجي وأولادي وتربيتهم

صبرت وصبرت الين تخرجت من الكليه ................

وها انا لي سنتين وداخله في الثالثه

المشكله كل من شافني يسألني كم عندك اطفال؟

واذا عرفوا اني ماتزوجت يجلسوا يتحسبوا ليش ماتزوجتي فين الشباب عنك

والله موناقصك شي والكل يمدح ويثني


انا اعرف ان كل وحده من الحريم اللي اشوفهم يتمنوني لأبنهم

بس يخاااااااااااااااااااااااااااااااااااااافوا يتقدموا!!!!!!!

قال ايش انتوا مو ناقصكم شي (حسب ونسب وجمال ودين ومال واخلاق وأم وأب وأخوان )احنا نخاف نناسبكم

يعني بصراحه يخافوا يطالعوا فوق لا تنكسر روسهم

يخافوا ان احنا نطلب مهور غاليه و وو

بس لو يدروا (المهر اللي تقدر عليه وبيت شرعي بس) لازواج ولا ولا ولا

يعني ابويا الله يرحمه كان يشتري الرجال ودحين امي متبعه نفس طريقته نشتري الرجال

بس الناس هي اللي تخاف


المهم مشكلتي خيالي
لي فتره طول وقتي تلاقيني سرحانه ومغمضه عيوني وابتسم ابتسامه خفيفه احيانا دموعي على خدودي

عارفين ليش ؟

صايره افكر بحياتي لما اتزوج كل ليله كيف بأقضيها

يوم اتخيل نفسي ان هو مشغول بغرفة المكتب وانا ادخل عليه كل فتره اجيب له عصير وشاي و و ولدرجه اني اتخيل الحوار اللي بيننا

وايام اتخيل انه اتصل وقالي بيتأخر وكيف برد عليه
اتخيل انه اترقى بعمله
اتخيل عنده عزيمة رجال
اتخيل انه مره اتصل فجأه وقالي عندي رجال جايين على العشاء
وايام وايام وايام وايام

اتخيل خبر حملي
ويوم ولادتي

(امس تخيلت اني ارضع طفلي وأحممه)

اولادنا دخلناهم المدرسه<<<<<<<<<<ايش المدرسه اللي ادخلهم فيها ؟ وكيف بأروح مجالس الأمهات وأبوهم يروح مجالس الأباء
اولادنا مراهقين<<<<<<<<<<<<<كيف املي فراغهم واعدي مرحلة المراهقه بسلام ؟
اولادنا تخرجوا
اولادنا تزوجوا
اولادنا خلفوا
مواقفي مع حريم اولادي
رجعنا نسافر انا وهو بعد ماكبروا اولادنا


تصدقوا الين وصلت فين بأحلامي ........................اننا عجزنا وكبرنا ومرضنا وأولادنا حوالينا
اولادنا بارين فينا

اوقات اتخيل اني مت قبله كيف حياته من بعدي
واوقات انه مات قبلي كيف حياتي من بعده

والله العظيم هذا انا طول وقتي

آآآآآآآآآآآآآآآآآآآآآآآآآآآه آآه
يارب اللهم اني اسألك من فضلك العظيم
اللهم ارحمنا برحمتك


ياناس ياعالم هل انا طبيعيه


خيااااااااااااااااالي متعبني

وفي اشياء اخجل اتكلم فيها........................



سامحوني طولت عليكم بس حبيت افضفض واطلع اللي بخاطري

اعطوني حل هل استمر بخيالي ولا ايش اعمل


بنات هل انتم مثالي ولا بس انا ريحوني الله يريحكم
____________

يارب رحمتك أرجوا واخشى عذابك

اللهم انا نسألك من فضلك العظيم

ربي لاتذرنا فردا وانت خير الوارثين

انا لله وانا اليه راجعون اللهم اجرنا في مصيبتنا وأخلف لنا خيرا منها

اللهم ارزق بنات المسلمين أزواج صالحين وارزق شباب المسلمين زوجات صالحات

اللهم ماسألناك اياه الا اعفافا لنا واعفافا لهم برحمتك يارحيم ارحمنا

سامحوني سامحوني سامحوني


اختكم في الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

عارفه يا روح الغالي انا مارح اقولك انه انتم يا حظكم فاضيين ماعندكم التزامات ومن هذا الكلام لاني جربت احساسكم قبل اتزوج ..بس عارفه انتي بتطالعي على الجانب الوردي فقط من الزواج ما طالعتي الجانب المظلم واللي هو شيء مفروغ منه كل الزواجات اللي على وجه الارض لازم تمر فيه ..فيه ناس بتمر على هذا الجانب بسلام وفيه ناس بتدخل فيه ولا عاد بتطلع منه بل تدفع الى دوامه ثانيه..

الدعاء فالدعاء فالدعاء وكل شي نصيب..

اقولك قصه طريفه ابوي كان دايما يعملها معايا ،، احيانا القاه يطالع بجبيني بتركيز فاقوله : ليه يا بابا كذا تطالع جبيني ..فيرد عليا وهو يضحك : باحاول اقرى اسم زوجك بس ماني لابس النظاره وموشايف كويس بس كاني اشوف يا محمد يا احمد يا وليد ..وانا اضحك عليه واللي يضحك ولا اسم من الاسماء اللي قالها كان اسم زوجي منهم

عموما على قولة المثل اللي مكتوب على الجبين حتشوفه العين..
وانا اول امس كنت في مكه في الحرم ودعيت لكل بنات المنتدى مع اني ماعرف ولا وحده منكم شخصيا لكن حبيتكم من ورى الشاشه وبصراحه ما كنت ناويه اقولكم على الدعاء عشان كنت ابغاها (دعاء في ظهر الغيب) واسال الله القبول..

بالتوفيق..

__________________

__________________

اختي في الله ..
الزواج هذا ارزاق ..والله انه ارزاق
انا ابذكر لك قصة يمكن تخفف عنك شوي ..
الحمد لله انا ماينقصني شي ابد ..
الله عز وجل انعم علي بنعم كثيرة لاتعد ولاتحصى من مال وشباب واهل ونسب وعلم ووظيفة ...
ولكن قبل ان اتزوج كنت ارى بالشارع مناظر غريبة شوي .. .!!!!!
كنت اشوف واحد راكب سيارة مقربعة وعنده اطفال بالمقعد الخلفي وهو سبحاااان الله لاجمال ولا اناقة ولا شي ..
بس جنبه زوجة بمنتهى الجمااااال (لأنها كاشفة وجهها) وماافي اي توافق بوجهة نظري بينهم..
بس عاد ايش تقولي غير ارزاق ..

ومنظر اخر شفته بالشارع ايضا ..
واحد شاب من كثر ماهو وسيم لفت انتباهي..
شفته ماشي مع زوجته وهي من جنوب شرق اسيا ومافي اي مقارنة بالشكل ابد (بعض الملامح الشرق اسيوية قد تكون حلوة ولكن اللي انا شفته شي عجيب والله ..قبيحة بمعنى الكلمة) استغفر الله ..وعيالهم شبه الام الله يجزاها بالخير ..

وقد يقول قائل (انتا ويشفيك تناظر ببنات الناس بالشارع )
والله ياجماعة كلهم كاشفين وكانت نظرات سريعة وتكفي لصنع صورة وانطباع سريع عن احوال الناس .

اعتقد انك فهمتي الان ايش اقصد ..
اقصد اني كنت اشوف نعمة الله اللي انعمها علي واقول (انا ايش ينقصني واكون مثل هذولي) ؟؟
ودي بزوجة ولو كانت قبيحة او عمياء او صماء او حتى .... ولكن الحمد لله ..رزقني الله بعد الدعاء والابتهال اليه بزوجة رائعة بمعنى الكلمة ومطيعة الى ابعد حد.

اكيد ان الفترة اللي مرت عليك وانتي تنتظرين العريس كانت مشحونة بإستعجال مجيئه خاصة وان زميلاتك وقريباتك الاقل منك جمال ومال قد تزوجن ورحلن الى بيوتهن..
ولكن والله الزواج هذا ارزاق بقووووة ..
وعلشان يرزقك الله الزوج الصالح اكثري من الاستغفار بالليل والنهار ..
والف مبروك مقدما ان شاء الله

__________________
الفضاوة إما تصنع مبدع أو مريض

وعليكم السلام كيف حالك ياروح الغالي وحشتيني والله ...

دخلت المنتدى وانا صدري ضايق وبالقوة قلتلهم باروح بيت خالتي باستخدم النت لاني طفشانه وعلى طول دخلت على

موضوعك ..

تصدقين عمري مافكرت في الزواج ... لما كنت في الثانوي كان الكل يتوقع انا اول واحدة اتزوج ويتكلموا عن زواجي

حتى الاستاذات يعني نفس حالك ... وكنت اضحك واقول لسه بدري مايصير ...

دخلت الجامعه انا وصحبتي بس من دفعتنا اللي اتخرجت والباقين مادخلوا تخيلي ..

شوية شوية الكل بدا يتكلم ليه ما اتزوجت ؟ كل البنات اتزوجوا الا كبريائي .. غريبة اتوقعناها اول واحدة

لدرجة انه في مرة من المرات خالاتي كلهم كانوا متجمعين وكنت جاية من السفر مبسوطة ولما دخلت شهقوا وقالوا

الحمد لله اتزوجنا والا كان بنت ( ابوها ) وقفت حظنا >>> والله كذه قالوا . وكنت لسه في اولى جامعه

طبعا عمري ما اتقدملي عريس الا بس هذي المرة واحس الدنيا كلها اتقفلت في وجهي ماطلع زي احلامي ...

ترى اللي تشوفينه وتحلمي بيه شئ طبيعي مرة ويمكن انا اكثر منك والسبب من اللي حوليا بس يتكلموا

وشايلين همي متى تتزوج هذي البنت ؟..

ولله صرت داخلة خارجة صاحية نايمة احلم في الزواج وصرت افكر لما تبدا الدراسة اخاف مستوايا يطيح

والجداول خلاص نزلت واحس الدنيا كلها سوداء الليلة ...

يعني ترى مو انتي لوحدك .. الفرق الوحيد بيني وبينك اني انا في سن المفروض هذا الشئ مايكون اكبر همي ...

سامحيني طفشتك وكلامي كثير وانتي تبغى احد يصبرك ويريح قلبك ..

بس فعلا احس ما اتقدملي عريس بسبب عيونهم وصرت اكره اروح اي مكان بسبب كثرة الكلام احب اروح اماكن

تناسبني ...

الله يصبرنا .. واعيد اقلك انا اكثر منك وماعندي استعداد اوقف احلم لانهم هما اللي خلوني كذه ..

رغم اني احيانا اكره الرجال بسبب تصرفاتهم ودائما اقول صفي نيتك عشان يجيكي ابن الحلال واصابع يدك الواحدة

مو زي بعض ...

الله يستر ..

وربنا قادر يرزقك باللي تتمنيه لانه قلبك طيب وباذن الله يكون تكفير ذنب

__________________

اختي لاتزعلين مني بس بقولك انك مغرووره

فاول نصيحه لك ابعدي عن الغرور وخليك متواضعه وهذا راح يزيدك جمال حبيبتي

اما بالنسبه للتخيلات فهذا امر طبيعي انا قبل لاتزوج كنت مثلك واكثر اربع وعشرين ساعه افكر واحلم

يعني لاتخافين بس اهم شي لاتكثري منها حاولي تعيشي الواقع


تحياتي

اختي الغالية ما اقول غير الله يهنيء زوجك ويرزقك الزوج الصالح واولاد صالحين
فعلا نادر ما تشوف بنات من سنك يفكرون بالزواج من ناحية استقرار وتكوين عائلة قائمة على حب وتفاهم

وكثير من يفكر بالزواج فقط من الناحية الجنسية وهذا الزواج نادر ما يكون زواج صالح

المهم اختي ارفعي يديك في كل صلاة واهم شي صلاة الفجر وادعي ربك والله سبحانه يستجيب الدعاء كما اخبرنا

أفهم ماتقولين بل أشعر به وأكاد أجزم بأن كل فتاة ستقرأ موضوعك هذا ستتفاجئ من مدى تطابق أحلامها بما كتبتي .. بل سيخيل إليها أنك لربما تكتبين عنها وتنشرين على الملأ ما يدور في لواعج نفسها والذي لطالـــــــــــــــــــما اعتادت على إخفاءه

الخيال مطلووب وهو إحدى المحفزات الذاتية لشحذ همة الإنسان نحو العطاء .. ولكن لا تغرقي في خيالك !! جربت الغرق في خيالي ولم أنل من ذلك سوى الهم والدمووع ..

حبايبي .. وكل من قرأ هذا الموضوع وتلك الردود .. اللي ودها تتزوج وتحس بكومة حنان وحب كبيرة كاتمة على أنفاسها ودها بس بأي واحد في الدنيا يكون مستعد عشان تسكب عليه كل هالحنان وكل هالمحبة دفعة وحدة ... بالله عليكم شتسوي بعمرها ؟؟؟؟

أنا زمان كنت اعتقد إن البنات اللي فاتهم قطار الزواج في بلدي مو كثار لهالدرجة وكنت أستغرب من حجم الهالة الإعلامية التي تحيط بقضية العنوسة في بلادي ... ولكني والله علمت يقينا مؤخرا أن مشكلة العنوسة لدينا تعتبر قضيــــــــــــــــــــــة يا إخوان!

مشكلة والله إن الإنسان يكون محتاج لشيء معين لكنه عااااجز عن تطبيق الحلول .. الرجل العازب يمديه يروح ويبحث اذا اشتهى الزواج لكن البنات مشكلة .. تظل تنتظر !!

جميع ماكتبت في الأعلى يعتبر فضفضة أيضا لفتاة مثلك وتعيش ماتعيشين وتحلم بما تحلمين وثقي بأن جميع الفتيات لربما يختلفن في الطبائع والجنسيات والثقافات ولكن أحلامهن واحدة ولو بعدت المسافات

ويظل الأمل و حسن الظن بالله هو عزاء الفتاة المؤمنة وسلواها وذكراها وهو الذي يفرق مابين فتاتين في نفس العمر ونفس الظروف ولكن الأولى سعيدة متفائلة والأخرى تعيسة ناقمة

يارب أرزقنا القناعة وأرضنا بقضائك حتى لا نستعجل ما أخرت ولا نستأخر ما عجلت

أختي الكريمة روح الغالي..

عن نفسي كنت هالكة نفسي خيال وكل اللي ذكرتيه سابقاً تخيلته.. لكن ما أن عرفت أن الرسول صلى الله عليه وسلم نهى عن الغوص في بحر التمنى حتى انتهيت.. فوجدت الراحة والحمد لله.. لكن ما يحرك خيالي إلا موضوع خطبه أو شبه خطبة.. التخيل متعب بل متعب جداً.. وأنا معك بكل كلمة قلتيها.. والفتاة ما أن تعي إلا وتجديها تحلم بالفستان الأبيض والفارس على الحصان الأبيض أيضاً.. فسبحان الله له حكمة لا يعلمها إلا هو.. مدبر الكون إذا أراد لشيء أن يكون قال كن فيكون.

أختي العزيزة.. كلنا نشتكي ونندب حظنا وتساقط شعرنا من التفكير في المآل.. ومع من سوف ينتهي بنا المطاف !

هل من مخرج غير الدعاء والتوكل على الله عز وجل ؟

إني أعاني مثلك.. لا أجد ممن حولي أي نوع من أنواع المساندة.. لا معنوية ولا مادية.. لا تطبطبة.. ولا أجد من يأخذ بيدي ويرشحني لمن يعرفون.. وحتى لو عرفوا سكتوا.. واكتفوا بالمشاهدة.. يتمعنوا بجراحي ويستمتعوا النظر لي وأنا أتلاشى !!!! وكأنها مباريات كرة قدم!!! ينتظروا النهايه.


لا تخافي ولا تحزني.. سيرزقك الله تعالى الزوج الصالح والذرية الطيبة كما يرزق الطير..


ويقول عمر بن الخطاب رضي الله عنه سمع عمر بن الخطاب إنه سمع رسول الله عليه أفضل الصلوات والتسليم يقول لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا رواه الترمذي 2344 والنسائي وبن ماجة.


أسأل الله تعالى أن ييسر أمرك ويرزقك الزوج الصالح والذرية الطبيبة أنت وجميع بنات المنتدى.

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]