السلام عليكم ورحمه الله وبركاته
والله يا نانا هادا ما يختلف مررررره عن حالتي في البيت والله وحده هوا العالم بالالم الى حاسه بي والضيق الى اثر عليا حتى وانا بتنفس احس بصعوبه من كتر هادا الالم لكن عارفه طنشتهم ولا حتى حسستهم اني متاثره بيهم بالعكس حسستهم انو انا عايشه احس ما يمكن حتى وانا في اشد حالاتي وحتى لمن تزيد نار حزني لكن سرت اشغل وقتي بالنت واذا خلص منو اجلس اقرئلي كل كتاب او اتفرج تلفزيون او اسوي رياضه واللللللللللله انهم يجو يتريقو عليا وانا اطنشهم وحتى لمن اجي اقلهم يالله قومو صلو دحين قبل ما يروح وقت الصلاه يجلسو يتريقو عليا واذا ما لقو شي يزعقولي عليه يروحو يفتحولي مواضيع يمكن مر عليها سنتين او تلاته وانقفل الموضوع واصلا شي ما يحوج انو يتناقش في بس ايش نقول غير الله يكون في عوني وعونكم اجمعين
نصيحه مني
لا تحسسي خطيبك انك دايما مهمومه ومضايقه من اهلك حتى لو انفتح هادا الموضوع حاولي تقفلي وتفكري بشي يفرحو او انك تفتحي معاه اى موضوع تاني بعيد عن عالم الهموم والمشاكل واعلمي ان الله معاكي وماراح يسيب حق انسان مظلوم
ولا تشغلي بالك وتفكيرك باي مشكله وركزي تفكيرك على خطيبك وعلى الشي الى يسعدو وعلى الكلام الى تقوليلو هوا عشان تشغليلو بالو وتشغلي بي بالك
اوكي يا عسل
تحياتي للجمييييييييييييييييييييييييييع