حبيبتي هادي الصفات اللي بتسالي عنها تعتمد على كل شخصيه
وانا اشوف انه كل انسان يبحث جواته في داخله ايش اللي يتناسب معاه من الصفات مثلا لو كنتي انتي عصبيه طبيعي يكون زوجك هادي والا رح تسير طراطيع في بيتكم لا سمح الله فكل صفه تطلبها البنت تعتمد على شخصيتها
وبعدين بصراحه انا مريت بتجربه الخطوبه وسلمت بالقدر والنصيب وكل ما اشوف بنت تعز عليا انصحها بانه لا تفكر كتير وتحط شروط وقيود لانه لو جا نصيبها رح تنعمي عن كل شي وما تشوف احلى من دا الانسان
انا اكره السفر وكنت كل ما يجيني واحد سفري ارفضه وخطيبي الان مسافر هادي ابسط الحاجات ولسى لو جلستنا نتكلم حقلك صفات في حياته كنت رافضتها صفات في شخصيته وفي كل شي ولكن ربي اعطاني احسن مما كنت انا اتخيل الحمد لله فانصحك لا تفكري كدا وادعي ربنا يرزقك بالزوج الصالح اللي يخاف الله فيكي وبس واتاكدي لو كان نصيبك وكان مليان اشياء انتي كنتي رافضتها رح تاخديه ويوم ما تاخديه رح تعرفي فيه حاجات تحبيها منه واشياء حلوه كتير ما كنتي تعرفيها ولا فكرتي فيها