المشاركة الأصلية كتبت بواسطة مشغووولة

أخوي فيه مراجع كثيرة ممكن تعرف منها كل هالمعلومات
أنا راح أحاول أفيدك من معلوماتي و من اللي درسته في مادة (علم الأجنة) بس أخاف أقول شي غلط و يطلع في ذمتي

التبويض في الغالب يكون في منتصف الدورة الشهرية (إذا حسبنا أول يوم لنزول الدم يوم رقم 1 و مثلا نزل الدم 5 أيام يعني من يوم 1-5 و كان اليوم اللي نزل فيه الدم الشهر الثاني يوم 29 (اللي راح نسوية يوم رقم 1

يعني مثلا وحده نزل الحيض عندها اليوم...بالتالي إحنا نرقم هذا اليوم رقم 1 و نعد الأيام لحد ما ينزل الحيض الشهر الثاني (مثلا يوم 29 اللي راح نسميه يوم 1 في الدورة الجديده)
بالتالي هي دورتها راح تكون 28 يوم (من أول يوم نزل فيه الحيض لحد آخر يوم طهر قبل الحيض الثاني)
و التبويض في المنتصف يعني تقريبا يوم 14
يعني إذا رجعنا لمثالنا و قلنا ان اليوم أول يوم في الحيض بالتالي التبويض بعد اسبوعين (14 يوم)

بس هذا في البنت اللي دورتها منتظمة يعني كل الأشهر عندها تقريبا مثل بعض يعني مثلا كل دورة في حدود 28 يوم

إذا ما كانت منتظمة معناها فيه احتمال ان التبويض عندها ما يكون منتظم بالتالي صعب حساب موعده...بس فيه طريقة و هي ان البنت كل يوم الصباح تحسب درجة حرارتها و تسجلها عندها و اليوم اللي ترتفع (أعتقد) فيه حرارتها بشكل مفاجئ هو يوم التبويض...هذه الطرق اللي أعرفها بس يمكن فيه طرق ثانية

أدري يمكن لخبطتك شوي بس المسألة سبحان الله معقدة لكن لو انك فهمت بتفاصيلها كل شي راح يكون مفهوم بالنسبة لك