[السلام عليكيم

أنا عضوة جديدة مشتكة على ما أظن من شهر تفريبا وكنت متصفحة يعني ما كان لي مشاركة ....
بس حبيت أسلوبكم في تعامل مع المشكلات وحبيت أجرب بعرض مشكلتي ؟؟؟

انا متزوجة من ثلاث سنوات وعايشة بيت اهل زوجي

حماتي تريد من زوجي يصرف على البيت وعلى اخوانه انا بصراحة هذا الاسلوب ما عايبني لانها تطلب اكثر من اللازم رغم ان عمي الحمدلله عنده خير إلا هي تريد زوجي يصرف عليهم رغم انه يعطيم مصروف كل شهر تقريبا 1500 درهم ...شو بعد تبى اكثر من كذا ....ما اعرف كيف اتصرف معاها اتموت اذا زوجي اشترى لي شئ تعرف عنده فلوس وتقول يلا خذ لين اخوان فصل ليهم ملابس ..وهذا الشئ زاد يوم حملت ما أدري شو غيرها زادت طلباتها ..

اتفاهم ما زوجي قلت له هذي مو حاله كل يوم تطلب شئ متى احنا منجمع لعاينا ومستقبلنا .....

يقول لي هذوله اهلي شو اسوي ...

أوكي اهلك على عين والراس بس وانا والبيبي شو

يقول ما بنقصكم شئ ......

عنده اخوه اصغر منه متزوج من كم شهر وعيشة بشقة بروحة ومرتاح مع زوجته وعمتي ما تطلب منه شئ اشمعن انت بذات

كل ما فكرنا نطلع من البيت هي تمنخنا وتبكي

ارجوكم ساعدوني ....كيف اتصرف ؟؟؟؟؟؟؟؟؟؟؟؟؟؟؟؟؟؟

حبيبتي شوفي ..

انا امر بقصه مشابه لقصتك تقريبا ..

انواع الطلبات من زوجي رغم موقاصرهم شي ..

واخوه ما يطلبون منه ولا ريال ..

بالعكس الا يعطون اخوه الالوف ..

حبيبتي انتي شوفي اذا هم محتاجين لا تخلي زوجك يبخل عليهم ..

اما اذا هم مو محتاجين .. فالحل بيد زوجك ..

انتي فهميه .. وعشان يقتنع يبيلك وقت طبعا وانتي تقنعين فيه

مثل ما صار لي ..

وطبعا كله بالحوار الهادي والحب .. انكم لازم توفرون وان قدامكم مستقبل طويل ..

ثاني شي اي شي يشتريه لك زوجك حاولي ان اهله ما يشوفون ولا يدرون اذا تقدرين ..

عشان ما يغارون ويقولون احنا نبغا بعد ..

اتمنا لك التوفيق

حبيبتي حاولي انت اول ماينزل الراتب تروحين وتتقضين لك انت وطفلك وما تخلين شي ينقصكم قبل ماتخلص فلوسه

وبعدين فكري خليه يساهم باحد البنوك يمكن هذي الطريقه تساعده انه يمسك فلوسه

بعدين انت فكري بالمستقبل وخلي زوجك يفكر مثلا اشتروا لكم ارض لو بالاقساط اهم شي يضمن لك انت وابنك حاجه في المستقبل

واقنعيه انكم تطلعون عن اهله ولا تجيبين طاري مصاريفه عليهم

بس قولي انه احسن وانك ماتاخذين راحتك

واطلعوا لو بشقه

وحتى لو بكت امه تراها عادي تبكي يوم يومين بعدين يصير عادي

الله يكون في عونك حبيبتي والله اني حاسه فيك