هلا اختي يووووووه زكرتيني بزمان اول
ياحبيبتي انا خطيبي قعد زي كدا لمدة 8 اشهر عودني هوا اللي يتصل وبعد 8 اشهر حس اني زودتها مره فسار يتركني اسبوعين ما يتصل وانا الطبيعي اني ما حتصل اوكي يوحشني واستفقدو بس ما كنت ابدا اتجرأ واتصل وان اتصل وعاتبته يقلي فينك انتي ليش ما تتصللي طبعا طبعا الف مبرر ومبرر وكلو خرابيط ووجهي يسير زي الطماطم
تعرفي ايش حسيت؟ حسيت اننا مخطوبين بالكلام وبس مافي اي مشاعر ولا احساس يجمعنا وفكرت ايش دوري انا
وسرت احاول ادور عليه واسال عنو اكلت شربت نمت سحيت اتزكرتني وزي كدا والله حسيت بشي تاني واكتشفت انه لو اني استمريت بداك الوضع كان ابدا ما عرفت ايش احساسي ودوري ولا كان هوا عرف معنى اهتمام ورعايه زوجته له والرجال يحبو يحسوو باهتمامنا يختي يدلعو علينا عاد
انتي بس ابدأي مره وكوني مقتنعه بالفكره وحتلاقي يدك اخده على رقمو بس وقتها لاحظي زوجك كيف بيتغير معاكي رح يدوب صدقيني
ربنا يسعدك ياقومر ويوفقك