الصراااااااااااااااااااااحه انا اشوف هذا الموضوع جدي جدا
بس انصعقت من الردود الي كتبوها الاخوان والاخوات الي قالوا تستخدم معها اسلوب القوة ولا انه تتهدد بالزواج عليها هاي مب حلول ناس فاهمين وعاقلين ( سوري ) بس للاسف الموضوع لازم ينحل بالهداوة وتعرف الاسباب الي مخليتها تخاف من هاي الشي
انا لين الحين بنت ووايد سمعت كلام يخوف من الزواج وبالذات عن ليله الدخله بس الظاهر انه زوجتك كنت خايفه من هاي الموضوع وتحول عندها لفوبيا صدقني القوة ماراح تجيب فايده وراح تزيد الطين بله وراح تتعقد زوجتك وبعدين صعب انك تحلها صدقني حاول بالكلام معاها حاول انك تثيرها باي طريقه وتتحبها بهاي الشي
حاول انك تجيب كتب او مواضيع نزلها من النت وخلها تقراها او اي طريقه ثانيه تخلي ترغب بهاي الشي
وثاني شي اغلب البنات تربوا انه هذا عيب ولازم الرجاجيل مايقربون منج ولا يلمسونج ويصورنهم انهم حيوانات بشريه
انا قريت هذا الكلام في كتاب مال زواج حق وحدة دكتورة بس للاسف مو ذاكرة اسمه انه صعب البنت بين يوم وليله تتغير حياتها وانه شي ممنوع علي يصير عادي ادري انه قصتك خذت وقت طويل بس صدقني بالطيب واللين راح تجي فايده بس انتبه لاتستخدم القوة لانه راح تعطي عكس مانت تبي
الله يوفقك ان شاء الله
اتمنى من الاخوان والخوات يعطون حلول بالعقل عشان الاخوان والاخوات يحلون مشاكلهم بشكل صحيح
07-07-2006, 05:05 PM
ضوابط المشاركة
العرض الشجري