عزيزتي و الله أحس إنج مكبره الموضوع

مادري بس لو أنا منج والله كنت بعق هالكلام كله ورى ظهري
ولا وفوق هذا كله .. بشيل عمتي وبناتها وبطلعهم في رحله .. وبخليهم يستانسون
بعدين شوفي سليفتج كيف بتنقهر؟؟؟ يوم انج يتسعدين عمتج وترضينها
و الله و الله و الله بتكبرين في عين زوجج إذا سويتي كذا

وحاولي حبيبتي إنج ما تخبريه بالموضوع .. وإنج ما تعرفي ولا شي
عشان ما تستوي مشكله وووو تعرفين عواقب المشاكل مع أهل الزوج
الله لا يبلينا

خليج ذكية أختي
ولما تسمعي من سليفتج .. قوليلها ليش ما تقولي هالكلام قدام عمتي .؟؟؟؟
وقوليلها خلاص لمن نروح عندهم بفتح السالفة وتكلمي قدامها أوكي..؟؟؟ ( طبعا هذي بس تقيسي نبضها إذا كانت صادقة ولا لأ .. يعني مب تروحين صدق)وهي بتبطل تقولج شي وهذا المطلوب
وإذا قالتلج شي المفروض ما تقلبيها ضدج حتى لو كان انتقاد .. اقلبيها ف صفج
يعني
مثلا قالتلج إن عمتج متضايقة ليش أخذتي سيارة من الوالد
روحي لعمتج .. وسولفي معاها .. وادخلي ف سالفة السيارة .. و اذكريلها ليش اخذتيها من فلوس الوالد وعشانه بيصبر عليش وووووو.... وقليلها شو رايج ياعمة صح اللي سويته .؟؟؟؟
شوفي كيف بترد عليج
بس حسسيها إنج ما تعرفين بالسالفة وانج بس حابة تعرفين رايها
وقوليلها ..أنا فكرت وايد .. قبل لا آخذ فلوس من الوالد بس كنت محتاجة ولا شورايج يا عمتي .. مش أحسن ناخذ من الوالد ولا ناخذ من الغريب ؟؟؟

وزي ما قلت لج طلعيها مشوار هي وخوات ريلج عشان يرضون عليج .. لأن الحرمة صدقيني ما تريد مشاكل من أهل ريلها لأن هذي المشاكل سبب كره الزوج للزوجة

وزي ما قلت المرأة الذكية هي اللي تحول الموقف الصعب إلى سهل و المحزن إلى مفرح عشان زوجها ..


و الله يوفقج
آمين

__________________

الأخوات العزيزات tota_pondok و al-ameer
شكراً لكما على ردكما علي ، ولكن ما يقهرني هو أنني لا أتكلم عن أحد ما في غيابه واكره نقل الحكي ولا أنقله والحمدلله ... والذي يضايقني نظرات سلفتي لي وهي تضحك ومبسوطة كأنها كشفت لي سراً خطيراً .............
اما بخصوص ان أقول لها أني ساكلم خالتي فقد قلت لها ذلك وقالت لي أرجوك لا لأنك هيك بتدخليني في مشاكل معها ، يعني هي تسم لي بدني وتنكدني وأنا ماخدها مشوار معي وبالأخير عندما نزلت لبيتها بتقول لي بس ما أكون سميت لك بدنك شي ينسكت عليه !!!!!!!!!والذي قهرني أنني لا أحب أن ادخل الأطفال في أي مشكلة سيما ابنتي البالغة من العمر 6.5 سنة لأننا عندما رجعنا للبيت سالتني ( ماما ليش تيتا (جدتي) زعلانة لأنك شريتي سيارة؟) فهي سمعت زوجة عمها تتكلم في السيارة .... لا حول ولا قوة إلا بالله .....
على العموم ساضع لها حداً وسأرفض أي زيارة منفردة تدعوني إليها عندها ولن استقبلها في بيتي إلا بوجود زوجي أو زوجها حتى لا تتطرق لكلامها المستفز وأسئلتها الشخصية لعلاقتي بزوجي.........