ما شاء الله عليج اختي رحيق الفردوس .. موضوع كامل متكامل ... مع اهميته .. لكن للاسف ما اشوف تفاعل كافي من الاخوة الاعضاء .. ياريت يكون في مشاركات اكثر

و الله يا اختي مشكلة العادة السرية صارت منتشرة واااااااااااااااايد هالايام ... بسبب الاغراءات اللي الواحد يشوفها .. يعني في البيت التلفزيون و القنوات افضائية اللي صارت مليانه اثارة و اباحية

الواحد يتعوذ من الشيطان و يطلع عشان ما يضطر يشوف هالشغلات .. يحصل الالعن في الشوارع البنات بكامل زينتهم كل وحدة تشوفينه تقول عروس مدخلينها لريلها مو وحدة بنت اصول وراعية دين المفروض انها لو طلعت تطلع محتشمة

فصارت الاثارة الجنسية موجودة بشكل مكثف في كل مكان ... فالبعض يتجه للحرام و الزنا .. و البعض الاخر للعادة السرية كاهون الشررين

حتى البنات مو بس الشباب .. من كثر اللي يشوفونه صارت الوحدة من تبلغ خلاص بالها كله في الجنس .. و هذا بعد بسبب الاعلام و الوضع الاجتماعي الغلط اللي صرنا عايشين فيه

انا اشوف ان المشكله الاكبر و اللي تسبب انتشار العادة السرية بهالشكل هو عدم الوعي بمشاكلها او اثارها او حتى بالحكم الشرعي فيها ... و صدقيني في كثير من الشباب و البنات (خاصة اللي في بداية المراهقة) و اللي يمارسون هالعادة ما يدرون انها شي اي حد ثاني يسويه .. يعني ممكن يتحرون ان هالشي طبيعي .. او مجلرد شي هم يسوونه و يريحهم .. بدون ما يكونون عارفين اي شي عن الموضوع

و مجتمعنا و بكل الانفتاح اللي فيه .. لكن الكلام التثقيفي عن الامور الجنسية بعده يعتبر نوع من المحظورات ... فما في وعي كافي .. حتى الاهل و خاصة الكبار في السن او الغير متعلمين ما عندهم فكرة عن الموضوع ابدا .. و عشان جي مو قادرين يعلمون عيالهم


الله يحفظنا و يستر علينا يارب العالمين