أحسن شي انك عرفت سبب المشكلة الرئيسي اللي يخليها تسوي كذا ، والأحسن انه هي نفسها ما تبغى صديقاتها ولا تبي تكلمهم بس الظاهر هي اللي فارضين نفسهم مثل ما فرضوا أفكارها الغلط عليها ، لأن فتيات في سن 16 من أين لهم المعرفة بالحياة الزوجية الصحيحة وحقوق الزوجين ؟؟ واضح جدا ان كل أفكارهم خاطئة 100%
طبعا لابد أنك تحاول تغير هذي الافكار قل لها مثلا ( مو انتي تحبيني ؟ طيب اللي يحب الثاني يسمع كلامه ولا يعاند ويعارضه في كل شي ؟؟ وش رايك انتي ) يعني استغل حبك لها بدون ما تعطيها مواعظ عن حقوق الزوج والقوامة وغيرها لأنها يمكن ما تفهم أو ما تتقبلها ، وفي حالة ما نفع هالأسلوب ممكن تخلي الوالدة او اختك الكبيرة أو أي أحد في عائلتك تحس ان زوجتك ترتاح لها وتحترمها ( حتى لو ابوك لأنها أكيد بتستحي منه وبتسمع له ) ممكن يتكلم معها في هالموضوع ويعقلها