اخوي صالح

الله يعوضك ويرزقك الزوجة الصالحة

أخوي الوضع اللي انت تمر فيه عادي وانا عندي اخوان ومرو بنفس اللي تمر فيه بس ماأثر على نفسياتهم كثير

انت رجل على قولة أمي الرجال يأشر ويقول اخطبو لي بنت فلان

لكن البنت مسكينة جالسة بيت اهلها تنتظر نصيبها.. هذي أرزاق والبنت اللي ربي كاتبها لك مابعد وصلت بيتها!!

وحط في بالك ان الآف من البنات ان ماكانو كلهم اذا احد تقدم لهم تطلع مثل البضاعة يتفرجون عليها اعجبتهم كان بها ماعجبتهم

تركوها وجرحوها.. وانت عارف البنت شلون حساسة وتتأثر بسرعة

لذلك اخوي قو نفسك وتأكد ان كل البيوت اللي انت مريت فيها وراحت عليك تكون خيرة لك وان ربي كاتب لك الأفضل

بالنسبة لشكك من خوفهم من التزامك.. بقولك شي وأتمنى تفهمني صح

انا مرة تقدم لي واحد ملتزم وانا بصراحة من عائلة محافظة وامي ملتزمة ماحنا منغلقين وماحنا منفتحين بعد

اول ماشفت المتقدم بصراحة شلت هم وخفت ولاتلومنا دايم نسمع عن فكر شبابنا اللي تغير من زود الدين

قعدت افكر خفت يمنعني من كل شي مع اني طلعات ماطلع الا مع امي وعباتي على راسي بس تلفزيون عادي جداا احضر زواجات عادي بعد

بس خفت وامي كانت طايرة من الفرح.. تبغاه تقول اللي يخافمن الله هو اللي بيحافظ عليك

لكن قال لأبوي قلها سفريات مافيه تلفزيون مافيه لبس ماتلبس الا على رأيي!!
طلعات ماتروح الا لأهلها واقاربها المقريبن.. زواجات ماتحضر ابد..حتى اذا كتب الله نصب معكممانبي ناس وطقطقة اهلي يجون وبجي آخذها وبس

وبصراااااااااحة مادري ليه كنت ودي ارفض حاسة مافي اي توافق بينا ومع ذلك قلنا له انتظر اسبوعين.. وابوي شكله ماوده فيه

وطول الوقت يقولي انا خايف انه قد راح باكستان ولاشي << تفكير ابوي لبعيد

تصدق أبوي ساله قال قد رحت باكستان قال ودي والله.. قال ابوي الله يستر

اسبوع دق واعتذر وراح!! والحمدالله جت منه عشان ماندم

اكيد تضايق لما أبوي سأله!! لذلك لاتلوم الناس ياخوي

وخذ نصيحة اخوي الشمس الزرقا ترى صادق فيها والله

__________________
اللهم لك الحمد والشكر
"ولئن شكرتم لأزيدنكم"