السلام عليكم،،،،
أختي انشالله يا رب انك تكوني استفدي من آراء أخواني وأخواتي لج....بس اسمحيلي أختي عندي بس تعليق صغير للأخ (واضح جدا).....ترى ياخوي نحن يوم نحتفل بعيد ميلاد واحد ما نكون قاصدين نقلد الكفار بعيد الميلاد.....نحن نقصد ذكرى مولد الشخص هذا....وبس مب أكثر وأهم شي تكون النيه......والحمدلله ما أظن انه في مسلم يقبل على نفسه انه يتشبه بناس ما يعرفون شي عن الدنيا.....مثل الكفار هذيله......واسمحلي أخ (واضح جدا) على هالتعليق....
أما بالنسبه لسؤالج أختي أنا برآيي انج مثل ما قالوا لج اللي هو عطر من اختيارج بس انتبهي ما يكون عنده مثله انت حاولي استدرجي في الكلام واعرفي شو عنده....وعلى الأساس بتختارين........بس أنا عندي فكرة غير شويه بس وايد حلوه.....وهي انج تشترين العطر وتجيبين مثلاً ملطف للجسم بس صابونه حمرة وريحتها تكون حلوه بعد....واشتري كم شغله بعد مثل مجموعة كريمات للجسم بس تكون تتعدى الثلاث أو أربع غرشات...مع الصابونه مثل ما قلت لج.. ترى هالأشياء يبيعونها في Body Shop....وآخر شغله ممكن تآخذينها من المكان نفسه هي مادري شو يسمونها بس تكون على أشكال مادري بس أكثر تكون على شكل كرة صغيره مثل النايلون وبداخلها سائل ويوم تحطينها في حوض السباحه في الحمام الله يعزج.....بيذوب الغلاف اللي برا ويعطي ريحه حلوه للماي.....وبالتالي للجسم.....هذي بعد اشتري لج منها ثلاث أو اربع حبات وياليت لو تلقين منها على شكل قلوب حمرا....واذا ما لقيته عادي أي شي على ذوقج....المهم الحين كيف تنسقين الهديه.......سيري عند محل الورد واختاري لج سله على حجم الهدايا تقريباً بس يفضل لو تخلين راعي المحل يختارها ترى بيكون عنده خبره في هالأشياء وبعدين قوليله انج تبين تحطين الأغراض اللي عندج (العطر + أغراض الbody shop) في سله وتبين تحطين في زاويه من الزوايا كم وردة جوري على دبدوب صغير وخله يغلف لج اياها ولله روعه بتكون.....طبعاً السلة رح تكون عبارة عن زاويه فيها ورد وبجانبهم الدبدوب الصغيرون وأكيد رح يحط لج قصاصات ورق تحت الأغراض ويحط الأغرض اللي جبتيهم فوق وبعدين رح ينثر كرات الصابون اللي قلت لج عنهم في طريقه عشوائيه بس صدقني وايد رح تكون حلوه ومميزة......وانشالله تتوفقين في الاختيار......وآسفه على الاطاله.......